Trúin flytur fjöll !

Einhverstaðar sá ég skrifað

"trúin flytur fjöll en við flytjum allt annað" ef ég man rétt var þetta slógan hjá sendibílastöðinni.  En hjátrúin er skrítið fyrirbæri.  Alveg með ólíkindum að blessuð konan skuli hafa skrifað alla sína ógæfu á þessa blessuðu hraunmola.  En svona er þetta, ég man eina sögu af hjátrú

Við vorum stödd á ferðarlagi í Írlandi og vorum að keyra á hraðbrautinni.  Írsk kona sem keyrði bílinn var/er mjög hjátrúarfull.  Þegar hún sá svo þrjár krákur sitja saman á grindverki ætlaði nánast allt um koll að keyra.  Hún snarhemlaði með tilheyrandi ískri og látum.  Stökk út úr bílnum og hljóp út í móa til þess eins að snerta viðarbút.  Eftir allt þetta og eftir að hjartað í mér fór að slá aftur og ég var búinn að ná puttunum sem grófu sig fasta í mælaborðið þá gat ég ekki annað en stillt mig hvað væri eiginlega að gerast.  Þá skyldist mér að ef hún hefði ekki snert viðarbút þá hefðu einhverir slæmir hlutir gerst við einhvern nákominn henni eða hana sjálfa.

Já svona er hjátrúin einkennilegt.  Ekki það þó svo maður geti brosað út í annað þá myndi mér aldrei detta það til hugar að ganga undir stiga, brjóta spegil eða brosa þegar svartur köttur hleypur í veg fyrir bílinn hjá mér

Óttaðist reiði guðanna og skilaði hraunmolunum aftur

Mikil ös í jólagjafaskiptunum - Stuttur tími til stefnu

Ég var að velta því fyrir mér hversu stuttan tíma fólk hefur ef það á annað borð vill skila eða skipta vörum.  Ég verslaði í nokkrum verslunum fyrir jólin eins og svo margir aðrir og sá þá að síðasti skila- eða skiptidagur er 31 desember n.k.  Það er svo sem í lagi fyrir okkur en ef maður bygginu nú á hjara veraldar t.d Þórshöfn, og þyrfti að skipta vörum í Smáralindinni ?  Þá er nánast ómögulegt að skipta.  Eru ekki einhverjar almennar reglur um skil- og skiptitíma á keyptri vöru?

Mikil ös í jólagjafaskiptunum

Ljótasta jólaskreytingin 2006 !

Vil vekja athygli á skemmtilegri keppni sem Tómas hefur hafið á blogginu hjá sér,

Ljótasta jólaskreyting 2006 

skilafrestur mynda er til 30 desember 2006.

Endilega sendið inn myndir til hans það eru án efa vegleg verðlaun í boði.

 

"Tæknileg mistök"

Já flest er nú orðið hægt að flokka undir mistök eða "tæknileg" mistök.  Auglýsing eða ekki auglýsing, maður spyr sig?  Hvenær er hægt að flokka auglýsingu sem kveðju og hvenær er hægt að flokka auglýsingu bara sem auglýsingu, eru í raun ekki allar auglýsingar kveðjur frá fyrirtækjum til viðskiptavina? 

Enn eitt er víst, ég hefði án efa ekki getað byrjað jólin nema hafa fengið sms frá Dominos um kl 18.00 á aðfangadag en þökk sé þeim þá átti fjölskyldan gleðileg jól og vonandi allir þessir 80 þúsund viðskiptavinir.  Ég hefði frekar mælt með því að Dominos hefði styrkt gott málefni í stað þess að kasta peningunum í umdeilt SMS á aðfangadag.

Biðjast afsökunar á sms-um

Enginn öryggisgirðing

Ég tek það nú fram að ég er enginn sérstakur sérfræðingur í umhverfis öryggismálum en það vakti engu að síður athygli mína í fréttunum í kvöld að það er enginn öryggislína líkt og maður hefur oft séð þegar skip hafa standað til þess að hind'ra að olía fari vítt og breytt.  Er kannski hætt að notast við svoleðis búnað ?  Spyr sá sem ekki veit ! ?

Dæla á úr Wilson Muuga í dag

Tilboð á flugi til USA

Já gott hjá Hannesi og félögum.  Þeir hafa nýtt sér tilboðin sem boðið var uppá fyrir jól til USA, þar var fólki gefinn kostur á flugfargjöldum til þess að versla ódýrt inn fyrir jólin og þeir félagar hafa slegist í för og keypt nokkur prósent í American Airlines.  Þetta er búin að vera alveg ótrúleg útrás hjá liðinu "okkar" í viðskiptalífinu Danmörk, England, Bulgaría, Frakkland og svo nú USA.

Til lukku Hannes með nýja pakkann

FL Group kaupir nærri 6% hlut í móðurfélagi American Airlines

Er rétt að drepa?

Ég hef líst því yfir áður og ég lýsi því yfir aftur hér og nú ég er algjörlega á móti dauðarefsingum sama hver á í hlut, sama hvað viðkomandi einstaklingur hefur gert, þá á dauðarefsing aldrei rétt á sér, að mínu mati. 

Hvernig getur fólk hvort heldur sem forsetar, ráðherrar, dómarar eða venjulegur almúi leyft sér að taka svo stóra ákvörðun sem aðeins almættið á að geta tekið.  Það á enginn lifandi maður að vilja, geta eða hafa völd til þess að taka svona stóra ákvörðun um það hvort maður fái að lifa eða skuli deyja.

Ég er reyndar fylgjandi því að maður eins og Saddam Hussein eigi að fá langan fangelsisdóm, 2-3 lífstíðardóm án möguleika á reynslulausn.  Ég held jafnframt í hans tilfelli sé það "auðvelda" lausnin að vera tekinn af lífi.  Ég held að hann muni aldrei iðrast hvort heldur sem hann hefði verið dæmur sekur og til afplánunar í fangelsi eða með dauðadóm.  Hallast meira að því að það verði gerður úr honum einhverskonar "píslavottur" þegar búið er að taka hann af lífi þe ef forsetinn og varaforsetinn samþykkja dóminn. 

Hugsið ykkur hve ílla honum myndi líða í almennu fangelsi í Írak þar sem hann hefur enginn völd, engar sérþarfir og þarf að gista stálgrindarkoju og það án þess að hún sé gullsleginn.  Hefði það bara ekki verið þyngri dómur þegar allt kemur til alls?

Saddam Hussein tekinn af lífi á næstu 30 dögum

Hringur vinur barnanna.

Það má með sanni segja að hjónin Anna Marta og Ingólfur Arnar séu með stórt hjarta.   

Í hóp sérlegra vina Barnaspítala Hringsins hefur bæst stór, hlýr og mjúkur vinur sem ber nafnið Hringur.   Hann er Ísbjörn og er hugarsmíði hjónanna Önnu Mörtu Ásgeirsdóttur og Ingólfs Arnar Guðmundssonar.

Hring er ætlað að verða vinur barnanna og hefur mikil áhersla verið lögð á alla hönnun og útfærslu búningsins þannig að Hringur ætti auðvelt með að eiga samskipti við börn og vera mjúkur viðkomu þannig svo gott væri að faðma hann.  Hér má sjá hönnunarferlið nánar útfærslu og smíð bjarnarins .

Fyrir stuttu fór Hringur í heimsókn á barnaspítalann og hitti krakkana, veitti hann þeim ómælda hlýju og gleði og voru börnin að vonum ákaflega forvitin um þennan stóra, hvíta, loðna og vinalega björn.

Hringur mætti í leikstofu spítalans

Ástæðan fyrir því að ég ákvað að setja þetta hér inn á bloggið hjá mér er sú að ekkert af þessu væri mögulegt án fjármagns og því skora ég á ykkur öll að leggja litla upphæð inn á söfnunarreikningin hjá Hring til þess að hann geti haldið áfram að gleðja litlu krílin á barnaspítalanum. 

Hugsum til þeirra sem eiga bátt og þurfa allan þann styrk og þá hjálp sem þau geta fengið.  Með lítilli gjöf ert þú að gefa litlu hjarta gleði og von.

Þú getur styrkt málefnið með því að millifæra í gegnum heimabankann á söfnunarreikning sem er í vörslu Glitnis. 

MARGT SMÁTT GERIR EITT STÓRT

Reikningsnúmerið er:

515 - 14 - 106500

Kennitala 550500-3530

 

Snjókorn falla, á allt og alla börnin leika og skemmta sér !

Þannig hljómaði það í textanum hér forðum.  En maður lifandi hvað börnin á heimilinu voru kát þegar þær vöknuðu í morgun, allt orðið hvítt hér í Grafarholti.  Reyndar frekar þunnt hvítt teppi en engu að síður hvítt svo nú var um að gera að drífa sig út að leika sér í snjónum.  Það er lítil brekka hér til hliðar við húsið og var hún óspart notuð til þess að renna sér, ég giska að farnar hafi verið a.m.k. 46 ferðir samtals niður brekkuna og hver ferð var stórkostleg að mati barnanna.  Allt í lagi ég skal viðurkenna að það var ekki síður gaman að fara þessar ferðir sem ég fór með minni telpunni.  En eins og svo oft áður þá stoppaði snjórinn stutt við og þegar við vorum búin að renna okkur og reyna myndast við að gera snjóengla á túninu í garðinum, þá var allur snjór uppurinn ef svo mætti að orði komast.  Þá vorum við svo ljónheppinn að húsfrúin á heimilinu var búinn að búa til heitt súkkulaði handa öllum og að sjálfssögðu fengu nokkrar smákökur að fylgja með..... það eru jú bara jól einu sinni á ári...

Óvæntur jólasnjór

Þá höfum við fengið það staðfest!

Þá höfum við fengið það staðfest! 

Nú eru komnar enn fleirri sannanir fyrir tilvist jólasveinsins sem glatt hefur börn á öllum aldri síðustan elstu menn og konur muna (maður verður að huga að jafnréttinu). 

Líkt og undanfarin ár hefur Bandaríska NORAD-loftvarnarkerfið staðfest það enn og aftur að jólasveinninn fer til allra góðra barna í heiminum á þessum tímamótum.  Það skemmtilega við þetta þá sáust hreindýrin hans á ratsjá við Vík í Mýrdal, enda kannski ekki furða þar sem hann á klárlega heima hér á klakanum og það vita allir sem hafa einhvertíman komið austur og séð fallegu hreindýrin hans á Fljótsdalsheiði.

Fyrir þau okkar sem trúa á tilvist jólasveinsins þá eru þetta gleðifréttir og fyrir þá sem hafa haldið öðru fram eru þetta kannski sorgarfréttir..... eða hvað?

 Hó hó hó.

Hreindýr jólasveinsins sást yfir Vík í Mýrdal