Leita í fréttum mbl.is

Bloggfærslur mánaðarins, desember 2006

Alþjóðlegir glæpahringir

Þetta eru ótrúlegar fréttir sem berast af erlendum "gestum" okkar, hvort sem þeir eru hér á landi sem gestir nú eða hafa óskað eftir dvalarleyfi og í framhaldinu ríkisborgararétti.  Upp á síðkastið heyrir maður æ oftar um skipulagða glæpahringi sem séu að koma sér upp starfsstöð hér á landi í þeim tilgangi að koma hring sínum fyrir í okkar litla landi.  Við höfum heyrt um eiturlyfja- og ránshringi svo eitthvað sé nefnt.  Svo ekki sé talað um hinar ýmsu svikamyllur (piramida, peningabréf ofl. ofl).  Það er heldur ekki langt síðan að lögreglan fann búnað áfastan við hraðbanka sem tók afrit af þeim greiðslukortum sem notuð voru við hraðbankann.  Þetta er ógnvægleg þróun.  Við höfum aldrei þurft að passa okkur neitt sérstaklega á neinu svona en nú er öldin önnur!  Skyldi nýji lögreglustjóri höfuðborgarlögreglunnar og ríkislögreglustjóri geta snúið vörn í sókn til að vernda okkur fyrir þessum hringjum...  tíminn einn verður að leiða það í ljós!
mbl.is Rúmeni í farbanni reyndi að komast úr landi á fölsuðu vegabréfi
Tilkynna um óviðeigandi tengingu við frétt

Saddam skal hanga helst í dag samkvæmt USA.

413289A Ég leyfi mér að spyrja , hverjir eru það sem stjórna þessum blessaða "lýðræðislega" og "óháða" dómstól?  Það er alveg ótrúlegt að fylgjast með fréttafluttningi af þessum málum þar sem forsetaembætti USA blandar sér standslaust inn í atburðarásina og nú virðist vera að þeir séu búnir að taka ákvörðun um að Saddam skuli hengdur á morgun, er þetta eðlilegt?  Ég segi nei, eðlilegast væri að dómstóllinn dæki sjálfstæða ákvörðun um hvenær aftakan skuli fara fram, þar sem á annað borð að búið sé að samþykkja hana.
mbl.is Saddam enn í haldi Bandaríkjamanna
Tilkynna um óviðeigandi tengingu við frétt

Barnaverndarmálum fjölgar - Hvað er að gerast?

Ég velti því fyrir mér hvers vegna aukningin við tilkynningar til barnaverndarnefnda hafi fjölgað eins mikið og raun ber vitni eða í kringum 31%.  Þessi aukning er hvorki færri né fleiri en 1.131 tilfellum fleiri árið 2006 en þær voru 2005.  Hvað er að gerast?  Er þetta "bara" aukning eða er þetta betri og skilvirkari upplýsingaskylda t.d. starfsfólks leik- og grunnskóla?  Eru þetta starf þjónustumiðstöðvanna í Reykjavík sem er að skila þessum "árangri"?  Ég tel það brýnt að lesa meira út úr þessari statistik heldur en Morgunblaðið virðist gera núna, það þarf að koma fram ástæða fjölgunar, fjölgun eftir búsetu og hvort um breytt vinnuferli hafi verið að ræða á þeim stöðum sem aukning hefur komið til.
mbl.is Barnaverndarmálum hefur fjölgað
Tilkynna um óviðeigandi tengingu við frétt

Alvarlegum slysum fjölgar - Þetta gengur ekki lengur !

untitledHvað er til ráða? 

Þegar stórt er spurt verður oft fátt um svör, en svo mikið er víst að þetta getur ekki gengið svona.  Ég tel reyndar hækkanir á sektum sem Sturla Böðvars lagði allt kapp á að koma í gegn komi ekki til með að virka til þess að draga úr hraða.  Það er einfaldlega svo að þeir sem ætla sér að keyra hratt þeir munu keyra of hratt hvort heldur sem sektin er 10-20 eða 30 þúsund krónur, held bara að menn nú eða konur séu ekki að hugsa út í það akkúrat á þessari stundu.  Nú ekki virkaði þjóðarátak umferðarstofu nema þá hugsanlega rétt á meðan fólk var að skrá sig inn á STOPP.IS ,  En það er alveg ljóst að þessar tölur eru ALLT of háar og algjörlega ólíðandi.

Tökum okkur nú til í andlitinu hættum ofsaakstrinum strax í dag..... er það ekki fínt áramótaheit svona fyrir þá sem þurfa aðlögunartíma !?

 

Fréttablaðið, 29. des. 2006 00:01

Alvarlegum slysum fjölgar milli ára

Banaslysum og öðrum alvarlegum slysum fyrstu tíu mánuði ársins fjölgaði um tæp 30 prósent í samanburði við sama tímabil í fyrra. Þetta kemur fram í samantekt slysaskráningar Umferðarstofu. Athygli vekur að sé októbermánuði sleppt og einungis bornir saman fyrstu níu mánuðir ársins er munurinn öllu meiri, eða 43,6 prósent.

131 banaslys og önnur alvarleg slys urðu á fyrstu tíu mánuðum ársins og í þeim létust eða slösuðust 154. Júlí og ágúst voru verstu mánuðirnir, en í þeim urðu samtals 50 alvarleg slys og 62 slösuðust eða létust. Algengast var að alvarleg slys yrðu þegar fólk féll af vélhjólum eða þegar ökutæki fóru út af vegum.

Alvarlegu slysin urðu nokkuð jafnt í dreifbýli og þéttbýli, 65 í dreifbýli og 69 í þéttbýli. Slys með minniháttar meiðslum voru talsvert fleiri í þéttbýli en í dreifbýli, eða 426 á móti 206. Ef litið er til óhappa þar sem eingöngu hlýst eignatjón af varð yfirgnæfandi meirihluti þeirra í þéttbýli, 5.203 gegn 895.

Það sem af er ári hafa 30 látist í 27 banaslysum. Algengast var að þau yrðu þegar ökutæki lentu hvort framan á annað eða þegar ökutæki fór út af vegi.


Landsbjörg - Hingað og ekki lengra!

MBL0061280Er þetta ekki að verða einum of mikil frekja?

Enn og aftur kemur framkvæmdarstjóri Landsbjargar, Jón Gunnarsson, fram í fjölmiðlum og skammast út í allt og alla nema Landsbjörg/slysavarnafélögin, reyndar varð stefnubreyting hjá honum í Kastljósi fyrr í kvöld þar sem hann sagði að íþróttafélögin og einhverra hluta vegna sá hann ástæðu til þess að nefna KR sérstaklega mættu einnig selja flugelda.  Reyndar var hann jafnframt duglegur við að hampa Landsbjörg fyrir að hafa búið til þennan markað.  Ég er nú ekki alveg viss um að þeir eigi nú allan þann heiður skuldlausan!

Ég held að Landsbjörg megi þakka sínu sæla fyrir að ekki séu fleirri komnir inn á þennan markað en raun ber vitni.  Sérstaklega vegna þess hve há álagningin er á þessum vörum hún er ekki talin í tugum heldur hundruðum prósenta.  Ég er viss um að ef slíka álagningu væri að sjá í td matvöru þá væru einhverjir farnir að öskra og það hátt.  Það er einkennilegt að geta farið á flugeldasölu og keypt sama eða sambærilegan varning á mun lægra verði en hjá Landsbjörgu.  Það eru jú þeir sem eru búnir að búa til það bil sem aðrir eru að stinga sér inn í núna verðlega séð.  Ef álagningin hefði verið á eðlilegri nótum þá væri enginn að “troða” sér inn á markaðinn, því menn er að sjálfssögðu að sækjast eftir gróðanum, sem er talsverður þrátt fyrir að “sjálfstæðu” aðilarnir séu að selja sinn varning talsvert ódýrari. 

Auðvitað er gott að styrkja gott málefni og allir vita nauðsyn þess að vera með öflugar björgunarsveitir í landinu.  En menn verða þó að gæta hófs í því sem ég vil kalla græðginni. 

Flugeldasala er að vísu stærsta fjáröflun Landsbjargar en það er nú ekki langt síðan að ég keypti 4 neyðarkalla, 1 fyrir hvern fjölskyldumeðlim, af þeim og sá ekki eftir því.  Ég hef janframt yfirleitt keypt flugeldana mina hjá Landsbjörgu en gerði það ekki í fyrra þar sem mér þótti framkvæmdastjórinn fara hamförum í fjölmiðlum og sagði að þeir ÆTTU að eiga markaðinn út af fyrir sig og allir væru að svindla nema þeir.   Nú er bara að sjá hvað maður gerir þessi áramót!


Hann er vaknaður.

Jahérna hér, talsmaður neytenda virðist vera vaknaður.   Ég var nú að hugsa um það ekki alls fyrir löngu að auglýsa eftir honum þar sem hann hefur verið afskaplega ósýnilegur síðan hann fór tók við  embættinu nema þegar hann ákvað að fara í prófkjör hér um "árið".  

Ég velti því fyrir mér hvort þetta sé sú stefna sem stofnunin ætlar að taka þ.e að vera lítið sýnileg og gera lítið úr embættinu?  Ef stefnan er sú að þá tel ég að það ætti að leggja þessa stofnun niður því féinu væri klárlega betur varið annarsstaðar.

Ég fór inn á heimasíðuna þeirra fyrir nokkrum mánuðum síðan og þá stóð

" Bráðabirgðaheimasíða talsmanns neytenda
Á árinu 2006 verður sett upp varanlegri
vefur með meira ítarefni og samskiptamöguleikum
  "

og það merkilega er að þessi texti er enn til staðar og síðan lítið sem ekkert breyst og árið 2006 senn á enda.  Það er nú ekki mikið mál að koma upp heimasíðu nú til dags þegar fjöldinn allur af fyrirtækjum eru fús til þess að taka verkefni að sér fyrir "sanngjarnt" verð.  

Ég fagna hinsvegar enn og aftur því að hann sé vaknaður og farinn að vinna fyrir okkur neytendurna með því að spyrjast fyrir um svo kallaða skatta hjá flugfélögunum.


mbl.is Talsmaður neytenda óskar skýringa hjá Icelandair og Iceland Express
Tilkynna um óviðeigandi tengingu við frétt

Starfsfólk Hagkaupa í lyfjapróf?

Er þetta nú ekki einum of langt gengið? 

Ég hef alltaf sagt ef ekkert traust ríkir á milli starfsmanns og vinnuveitanda þá eiga menn einfaldlega ekki að starfa saman.  En að vera með lyfjapróf í fyrirtækjum finnst mér einfaldlega út í hött.  Er ekki nóg að vera með aðgangsstýrikerfi, myndavélar með upptöku 24/7, vöktun á tölvupósti og eins og sum fyrirtæki eru með "radar" í bílum fyrirtækisins.  Það er nú spurning hvenær "stóri" bróðir er farinn að fylgjast einum of mikið með.  Hvað næst verða kassastarfsfólk og kjötmeistarar Hagkaupa látnir fara í lyfjapróf, þau eru jú í ábyrgðastöðum!  Ég bara spyr hvenær er komið nóg! ?


mbl.is Allir starfsmenn Norðuráls í lyfjapróf
Tilkynna um óviðeigandi tengingu við frétt

Vvvvááá ég fékk bíl í jólagjöf !

Vvvááá ég fékk bílVar að skoða myndirnar sem við höfum verið að taka nú á jólahátíðinni.  Rakst meðal annars á þessa frábæru mynd af litlu telpunni okkar henni Emmu Brá þegar hún var að opna pakkan frá okkur.  Við gáfum henni Disney bíl sem hún getur setið á og ýtt sér áfram jafnframt er hann með fullt af hljóðum, ljósum ofl.  Gleðisvipurinn leynir sér ekki, reyndar tekur sú eldri hún Hafdís Hrönn fullan þátt í gleðinni með systur sinni eða hvað finnst ykkur?

 


Nú hefði verið gott að kaupa á völlunum

417306AÁ sínum tíma þegar við hjónin stóðum frammi fyrir því að þurfa stækka húsakostinn hjá okkur þá vorum við að velta því fyrir okkur að kaupa í Vallarhverfinu í Hafnarfirði, maður lifandi ef ég hefði vitað þá það sem ég veit nú að ef ég byggi í Hafnarfirði þá fengi ég diskinn með BóHall þá hefði maður ekki hikað.... eins og einhverstaðar segir að hika er að sama og tapa Blush En á sínum tíma gat ég einfaldlega ekki hugsað mér að flytja í þetta kratabæli og flutti því í Grafarholtið þar sem ég var svo viss um að með betri tíð og blóm í haga þá myndí Villi Þ. vinna borgina aftur úr helju, og vitir menn það gerðist og ég er bara nokkuð sáttur við þau bítti að skipta út BóHall geisladisk fyrir topp mann í borgarstjórastólnum...


mbl.is Alcan sendir geisladisk á hvert heimili í Hafnarfirði
Tilkynna um óviðeigandi tengingu við frétt

Pilla á dag kemur þyngdinni í lag - Gat verið !

mælingAlveg er þetta ótrúlegt, maður er búinn að vera streða í líkamsrækt núna í rúmt ár til þess að missa þessi örfáu kíló sem maður hefur misst og svo kemur svona frétt, ein pilla á dag kemur skapinu í lag.  Þetta er nú bara ekkert réttlæti, þegar maður hefði geta grennst við það eitt að horfa á sjónvarpið og maula á pillu af og til og sleppt því að mæta þrisvar til fimm sinnum í viku klukkan 06.00 á morgnanna.  Fussum svei! 
Vísir, 27. des. 2006 20:40

Pilla á dag kemur þyngdinni í lag

Vísindamenn hafa þróað pillu sem að hjálpar fólki að grennast. Eftir prófanir kom í ljós að fólk sem hafði tekið eina pillu á dag í 48 vikur missti um 12% af líkamsþyngd sinni. Þetta jafngildir því að 100 kílóa maður myndi fara niður 88 kíló bara með því að bryðja eina pillu á dag í eitt ár.

Pillan virkar þannig að hún platar heilan til þess að trúa halda efnaskiptum hröðum og virkum allan sólarhringinn. Venjulega stjórnar heilinn hraða efnaskipta en svona er hægt að halda efnaskiptum hröðum og brenna kaloríum allan liðlangan daginn.

Buist er við því að pillan eigi eftir að koma á markað í Bretlandi á næstu árum en notkun lyfja til þess að meðhöndla offitu hefur aukist um 600% frá árinu 1999. Ljóst þykir því að eftirsóknin verður mikil í pilluna.

« Fyrri síða | Næsta síða »

Höfundur

Óttarr Makuch
Óttarr Makuch

ottarr@centrum.is

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband