Hvenær er nóg komið?

Nú held ég svei mér þá að mælirinn sé fullur.

Hvenær getur þessi maður réttlæt veru sína á Bessastöðum lengur?  Það er alveg sama hvað hann gerir, hvernig hann gerir það og á hvaða tímapunkti það gerist hann einfaldlega klúðrar öllu.

Hann hefur valdið þjóðinni ómældum skaða erlendis, bæði með framkomu sinni og viðtölum.  En ég leyfi mér að spyrja "hvernig í ósköpunum gat hann klúðrar þessu"?

Maðurinn er búinn að afhenta orður í allar áttir frá því hann tók við embætti og hann gat klúðrar þessari einföldu afhentingu.  Þetta er okkur ævarandi skömm hvernig komið var fram við sendiherrann. 

Því fyrr sem þessi maður fer frá Bessastöðum þeim mun betra - áður en hann veldur okkur meiri skaða!

Svikin um Fálkaorðuna

Órjúfanlegur þáttur í páskahátíðinni

Ég fór ásamt fjölskyldunni í páskaeggjaleitina sem Félög sjálfstæðismanna í Árbæ og Breiðholti héldu í Elliðaárdalnum í gær.  Sjálfstæðisflokkurinn sem og þau félög sem að páskaeggjaleitinni standa eiga heiður skilið fyrir framúrskarandi skemmtun fyrir alla fjölskylduna.

Við fórum ásamt hundruðum annarra upp í hlíðina til þess að leita af fallega skreyttum páskaeggjum og við hvert það egg sem yngri dóttur mín fann sagði hún alltaf yfir sig hrifinn.... Sjáið þið hvað þetta egg er fallegt... allt fullt af litum. 

Við höfum farið undanfarin ár í páskaeggjaleitina hjá Sjálfstæðisflokknum og er það orðið að hefð um páskahátíðarnar.

Takk fyrir okkur.

Góð þátttaka í páskaeggjaleit

Samfylkingin skuldar 153 milljónir króna.

Í ljós þeirra miklu umræðu sem verið hefur um fjármál Sjálfstæðisflokksins undanfarna daga þá getur maður ekki annað en tekið eftir gargandi þögninni um fjármál Samfylkingarinnar.  Þar er engu líkara en fréttamenn séu allir búnir að rita nafn sitt undir inntökubeiðni í Samfylkinguna.

Í lok árs 2007 skuldaði Samfylkingin 124 milljónir króna og nú þegar Íslandshreyfingin gekk til liðs við Samfylkinguna þá skuldaði hreyfingin 29 milljónir króna.  Ég geri ráð fyrir því að Samfylkingin stundi ekki kennitöluflakk eða aðrar bókhaldsæfingar og taki því við skuldum Íslandshreyfingarinnar.  Þegar heildarskuldir flokkanna beggja eru teknar saman þá skuldar Samfylkingin 153 milljónir króna.

Nú þegar Samfylkingin hefur aðeins birt lista yfir þá aðila sem gáfu leyfi fyrir því að sagt yrði opinberlega frá því að þeir styrktu Samfylkinguna yfir eina milljón króna árið 2006 þá veltir maður því óneitanlega fyrir sér hversu margir það hafi verið sem neituðu að láta birta nafn sitt.  Eins hefði átt að birta lista yfir tengd félög þ.e heildarframlag ákveðinna viðskiptablokka.  Til dæmis voru hátt í fimmtíu fyrirtæki skráð á aðalskrifstofu Baugs að Tungötu 6 um áramótin 2006-2007.  Ef hvert þeirra hefði styrkt Samfylkinguna um 300.000 krónur árið 2007 þýðir það rúmlega 14 milljónir króna og Samfylkingin er ekki skyldug að taka það saman í eina heild og því ekki nauðsynlegt að setja fram þann lista.

Einnig hefur ekki verið birtur listi yfir þá aðila sem styrktu Samfylkingarfélag Reykjavíkur með beinum eða óbeinum hætti þar sem vitað er að reikningar voru skráðir beint á fyrirtæki í einkaeigu í stað þess að reiða fram beinan styrk.

Af hverju er áhugaleysið hjá fréttamönnum á fjármálum flokks sem er einna skuldsettastur allra stjórnmálaflokka landsins?  Af hverju er þessi æpandi þögn því það er gömul saga og ný að sjálfstæði í fjármálum hlýtur að vera ein af forsendum fyrir því að stjórnmálaflokkur nýtur trausts og þess vegna veltir maður því fyrir sér hverjir það eru sem eiga Samfylkinguna í raun og vera.

Forysta Samfylkingarinnar hlýtur að þurfa gera grein fyrir sínum málum fyrir kosningar nema fréttamenn gefi þeim vilyrði fyrir því að þess þurfi ekki.

Nöfn fyrirtækja ekki rædd í miðstjórn

Fréttatilkynning frá formönnum Sjálfstæðisfélaga í Reykjavík

Set hér inn fréttatilkynningu sem send var út í fyrradag af fjórtán formönnum sjálfstæðisfélaga í Reykjavík. 

Fréttatilkynning
Frá formönnum Sjálfstæðisfélaga í Reykjavík


Undirritaðir formenn Sjálfstæðisfélaganna í Reykjavík lýsa yfir fullum stuðningi við Guðlaug Þór Þórðarson alþingismann.
Við lýsum  furðu okkar á þeim málatilbúnaði sem verið hefur í kringum fjáraflanir á vegum Sjálfstæðisflokksins og því hvernig nafn Guðlaugs  Þórs Þórðarsonar hefur verið dregið inn í þá umræðu.
Það liggur fyrir hverjir tóku á móti umræddum styrkjum og hverjir samþykktu þá af hálfu flokksins.
Þáverandi forysta Sjálfstæðisflokksins bar ábyrgð á því að styrkirnir voru samþykktir.
Guðlaugur Þór Þórðarson kom þar hvergi nærri  og því hljóta að vera annarleg sjónarmið að baki því að draga hann inn í þá umræðu.


Við hvetjum nýkjörna flokksforystu til að leiðrétta þann rógburð sem Guðlaugur Þór hefur orðið fyrir í fjölmiðlum síðustu daga.

Benedikt Geirsson
Björn Gíslason
Fanney Birna Jónsdóttir
Hafsteinn Valsson
Hólmar Þór Stefánsson  
Jón Arnar Tracey Sigurjónsson
Jón Kári Jónsson
Kári Sölmundarson
Ólafur Rúnar Jónsson
Óttarr Guðlaugsson
Ragnhildur Björg Guðjónsdóttir
Sigurður Pálsson
Theodór Bender
Torfi Kristjánsson
 

Davíð þó!

Fjölskyldan fékk að upplifa gamla tíma fyrr í kvöld þegar allt varð rafmagnslaust hér í Grafarholtinu.
Ekkert sjónvarp
Ekkert útvarp
Enginn heimasími
Þvottavélin þagnaði og sömuleiðis uppþvottavélin

Vitanlega eru maður með ráð, 3G netlykillinn frá Símanum og fartölvan tekinn fram, hvað er að gerast - hvað gerði Davíð núna?

Þetta varð maður að skoða nánar.

Eftir að samsæriskenningarnar voru farnar á fullt og hugmyndin um að Davíð væri að ná borginni yfir á sitt vald aftur þá kom smellur rúmum hálftíma eftir að rafmagnið fór og maður lifandi rafmagnið kom aftur á.

Þvottavélin fór í gang sömuleiðis uppþvottavélin
sjónvarpið hóf að sýna Skjá1 aftur
útvarpið í herberginu byrjaði að syngja
heimasíminn hringdi og skýringin kom upp á yfirborðið.

Davíð hafði framkallað háspennubilun... merkilegt - skyldi Jón Ásgeir vita af þessu?

Rafmagn komið aftur á í Grafarholti

"Blind date" stefnumót við frambjóðendur Sjálfstæðisflokksins

Já, það er skemmtileg tilbreyting á fundinum sem haldinn verður í kvöld með öllum frambjóðendum sem taka þátt í prófkjöri Sjálfstæðisflokksins hér í Reykjavík.  Fyrirkomulagið verður "blind date" eða "speed date" sem gerir það að verkum að umræðurnar verða líflegri en þegar um pallborðsumræður er að ræða.

 Fundurinn verður haldinn í dag, fimmtudag, í Árbæjarskóla kl. 20.00

Baugstorfan

Ef Hörður "Baugs"Torfa er spurður þá voru þarna hundruð ef ekki þúsund manns, ef lögreglan er spurð voru þarna rétt rúmlega 100 manns á stangli og líklega helmingurinn af þeim átti bara leið hjá.

Fáir þátttakendur í mótmælum

Ríkis(ó)stjórn á suðupunkti

Það er allt að komast á suðupunkt innan ríkisstjórnarinnar og greinilegt að samstarfið er á brauðfótum.  Það er því líklega hægt að segja við Jóhönnu að grasið er ekki alltaf grænna hinu megin.

Það er fátt sem þessi ríkisstjórn hefur áorkað og nú eru þau að átta sig á því að það styttist hratt til kosninga.  Þau eru að brenna inni á tíma og þess vegna eru þau farinn að ræða hvort ekki sé mögulegt að fresta kosningunum, ég er reyndar hissa á því að sú krafa hafi ekki komið fyrr uppá borðið hjá þeim.  Sérstaklega í ljósi þess að það hefur verið rætt í dágóðan tíma á milli stjórnarerindrekanna, hvort ekki sé ráð að fresta kosningunum.

Það sem er leiðinlegt við þetta allt saman að nú hefur farið drjúgur tími í stjórnarskiptin og ekkert virðist ætla koma út úr þessi nema klúður á klúður ofan reyndar fyrir utan að fyrsta íslenska konan hefur nú gegnt starfi forsætisráðherra.  Það er svo sem gott en ekki getur það verið merkilegur ferill að státa sig af að hafa ekkert gert og engu áorkað í starfinu, eða hvað?

Mikil fundahöld í þinghúsinu

Heigulsháttur Ögmundar, verndari ofurlaunaðra lækna!

Allar ákvarðanir Ögmundar bera sterklegan vott um að kosningar eru í nánd.  Hann virðist vera með eitt verkefni og það er að koma sér í mjúkinn á sem flestum stöðum á þeim stutta tíma sem er til kosninga.

Ég verð þó að játa, ákvörðun hans um að hætta við fyrirhugaðar breytingar á St. Jósefsspítala er sérkennileg svo ekki sé nú meira sagt.  Ögmundur hefur ákveðið að vernda hálaunuðu læknana sem þar starfa og veita þeim áfram skjól á kostnað okkar hinna sem þurfum að greiða fyrir þetta uppihald.  Nema hann sé með í bígerð reglugerð um að lækka tugmilljóna laun einstaka lækna sem starfa við St. Jósefsspítala - en einhvernvegin efast ég um að ráðherrann þori í þann slag enda afar stutt til kosninga.  Það má ekki styggja neinn eða hvað?

Ákvörðuninni verður snúið við

Ekki mun ég gráta blaðið

Það skildi þó aldrei vera að Fréttablaðið færi aftur í þrot og skildi eftir sviðna jörð?  Þrátt fyrir að ágætt sé að fá frítt blað heim til sín þá mun ég seint sakna Fréttablaðsins, blaðið hefur boðið uppá ritskoðaðar fréttir líkt og fréttastofa Stöðvar 2, þar sem eigandinn hefur fengið svigrúm til þess að tjá sig á sinn hátt og án gagnrýni sem og hefur þessi miðill verið notaður til þess að svara öðrum dagblöðum morgundagsins.  Líkt og gerðist þegar grein birtist í sunnudagsblaði Fréttablaðsins sem svar við grein sunnudagsblaðs Morgunblaðsins fyrir fáeinum vikum - öllu var ýtt til hliðar svo eigandi blaðsins fengi að koma fram með sínar athugasemdir.

Það vantar frjálsan óháðan fjölmiðil á Íslandi með dreifðu eignarhaldi.  Fjölmiðil sem fólkið getur treyst án ótta við ritskoðun eigenda. 

Líklega værum við ekki í þessari fjölmiðlakrísu ef Ólafur Ragnar hefði ekki hafnað fjölmiðlalögunum á sínum tíma fyrir vin sinn, lögmann sinn og fyrrum kosningastjóra sinn.

Ekkert Fréttablað á sunnudögum