Til hamingju með afmælið

Þegar ég las og hlustaði á þessa frétt fór ég að velta því fyrir mér hvaða kaka gæti verið tákn Reykjavíkur og eða landsins.  Er það hin klassíska skúffukaka, randalínukaka, Djöflateran eða eru það kannski bara kleinur?

Það er vissulega alltaf keppni á milli bakara um tertu/köku ársins en væri það ekki kjörið verkefni fyrir félag bakara að efna til verðlaunasamkeppni og velja hina einu sönnu köku sem gæti verið tákn Reykjavíkur eða landsins alls. 

Næst þegar ég fer út í bakarí þá mun ég án efa prufa að byðja um Reykjavíkurtertuna!

Sacher-tertan 175 ára

Það munar ekki um örlætið

Merkilegt hve fljótt menn geta tekið nýja stefnu, þetta minnir einna helst á Samfylkinguna hér á landi.  Það er vinstri, hægri snú og breyting á stefnu nánast daglega.  Fyrir fáeinum klukkustundum þá vildu menn fá Íranir fá dóm yfir bretunum, en núna eru þeir leystir út með gjöfum.

Maður segir nú ekki annað en batnandi mönnum er best að lifa.

Sjóliðarnir komnir heim með vasa og sælgæti frá Ahmadinejad

Varúð - Matarhátíð hefst

Það er óhætt að segja að matarhátíðin sé nú formlega hafin.  Reyndar hófst hún um leið og byrjað var að ferma og maður fékk hvert boðskortið á fætur öðru í fermingarveislur sem allar áttu það sameiginlegt að bera fram kræsingar af bestu gerð og auðvitað át maður á sig gat í þeim öllum, enda rétt að fá eitthvað fyrir andvirði pakkans sem gefin var

Í dag skírdag fer fjölskyldan í eina fermingarveislu og eftir hana er haldið í afmæli þar sem afmælisbarnið er komið á "sveskjusafa aldurinn" þe hann er orðinn FIMMTUGUR karlinn, hann heldur sér þó ótrúlega vel þrátt fyrir að gráu hárin spítist nú fram á methraða líkt og íllgresið í garðinum á sumrin

Jæja sem sagt skemmtilegur dagur framundan þar sem við munum hitta mikið af kunningjum, vinum, vandamönnum já og svo fólk sem við þekkjum ekki neitt.

Gleðilega páskahátíð öllsömul.

Og hvað svo?

Er þessi Neytendastofa að virka?  Einhvera hluta vegna virðast fjöldi fyrirtækja ekki fara eftir neinu því sem hún segir samanber fasteignasalar, sem allir með tölu hafa hunsað þessa stofnun.

Spurningin hvenær er hægt að vonast eftir niðurstöðu úr þessu máli hvort það verður á árunum 2008 eða 2009 kemur í ljós en líklega ekki fyrr.  Nema menn setji málið í einhverskonar flýtimeðferð sem ég stórefast um.

 

Múrbúðin kærir BYKO til Neytendastofu

Skylduþátttaka !

Betur má ef duga skal, endilega takið þátt í skoðanakönnun hér til hliðar um páskaeggin, nú fer að líða að því að maður verður að "fjárfesta" í nokkrum páskaeggjum og alltaf er gott að fá góð ráð áður maður leggur í miklar "fjárfestingar"  

Bíddu við er ekki eitthvað bogið hér?

Er von að maður spyrji sálfan sig,  er ekki eitthvað bogið við þessa mynd?

Vinir deila

Ekki að ég trúi mikið á stjörnuspá yfirleitt en ég gat ekki annað en brosað yfir stjörnuspá minni sem Morgunblaðið kynnti í dag.

Ég og einn af mínum góðu vinum höfum verið að karpa síðustu daga, þar sem ég hef að sjálfssögðu sagt að hann sé með einkennilega og ranga skoðun á hlutunum, sérstaklega af því hann var ekki sömu skoðunnar og ég, en þessi stjörnuspá segir líklegast það sem rétt er  

 Vinur þinn heldur einhverju fram sem þú telur tóma vitleysu. Þú ert búin/n að reyna að hlusta án þess að dæma, en þú bara hefur þína skoðun. Líklega hafið þið bæði rétt fyrir ykkur. Verið bara sammála um að vera ósammála!

Þrjóskari en allt

Ef þetta kallast ekki heims þrjóska þá veit ég ekki hvað! 

 

 

Tekinn tvisvar fyrir ölvunarakstur sama kvöldið

Tilvalin uppskrift fyrir kvöldið.

Bang Bang kjúklingur

Uppskrift fyrir tvo:

450 gr. kjúklingabringur (skinn- og beinlausar)
1 hvítlauksrif, kramið undir hnífsblaði, ekki skorið
1/2 tsk svört piparkorn
1 lítill laukur skorinn til helminga
1 gúrka, frælaus og skorin í strimla
Salt og mulinn svartur pipar

Sósan:
3 msk. hnetusmjör
2 msk. AMOY Sesame Oil
1 msk. AMOY Light Soy Sauce
3 msk. kjúklingasoð
1 msk. vínedik
2 vorlaukar, smátt skornir
2 hvítlauksrif, pressuð
5 x 1 cm. engiferrót, skorin í stöngla á stærð við eldspýtu
Athugið! Engiferrótin er bragðsterk prófið ykkur áfram eftir smekk
1 msk. Sichuan piparkorn (má sleppa)
1 tsk. ljós púðursykur

Chilli olía:
4 msk. jarðhnetuolía eða önnur sambærileg
1 tsk. chilli krydd

 

1. Setjið kjúklinginn í pott og hellið vatni yfir þannig að það fljóti yfir
kjúklinginn. Bætið við hvítlauksrifinu, piparkornunum og lauknum og látið suðuna koma upp. Fleytið ofan af vatninu og bætið svo við salti og pipar eftir smekk. Látið sjóða á vægum hita í 25 mínútur eða þangað til kjúklingurinn er
meir. Sigtið vatnið frá að lokum en geymið soðið.

2. Búið til sósuna með því að blanda saman í skál hnetusmjöri, sesamolíu og
kjúklingasoðinu saman. (Athugið! hægt er að nota 3 msk. af ristuðu sesam mauki
í stað hnetusmjörs og sesamolíu). Bætið því næst sojasósunni, vínedikinu,
vorlauknum, hvítlauknum, engiferrótinni og Sichuan piparkornunum saman við.
Sykrið eftir smekk.

3. Búið chilli olíuna með því að hita jarðhnetuolíuna og chilli kryddið saman
þangað til hún fer að krauma og bíðið í 2 mínútur. Látið kólna og fleytið þá
rauðu olíuna ofan af.

4. Dreifið gúrkunni á diska, skerið kjúklingabringurnar í bita í sömu stærð og
gúrkan. Leggið kjúklingabitana ofan á gúrkustrimlana. Hellið sósunni yfir og
látið chilli olíuna drjúpa yfir eftir smekk.

Borið fram með hrísgrjónum eða Amoy eggjanúðlum.

 

Þessi uppskrift er í boði

Hvað er maður að hugsa

Ekki veit ég af hverju maður er að rífa sig upp á hverjum morgni kl 05.30 til þess eins að fara í leikfimi, sérstaklega þegar aðrir virðast hafa það svona náðugt

 

Hitt er svo annað mál, það eru forréttindi að fá að fylgjast með borginni vakna og sjá hvernig hraðinn eykst smám saman þar til það verður algjör sprengja líkt og allir séu að verða of seinir í vinnu milli hálf átta og átta.

Góðan og gleðilegan mánudag, megi vikan vera ykkur ánægjuleg.