ERROR 404

Þar maður að segja nokkuð með þessari mynd? ...... ég held ekki

 

Þá vantar bara keilusal og þá er það komið

Það er ánægjulegt að óska parinu Kristínu og Sturlu til hamingju með nýju verslunina.  Maður á án efa eftir að líta við í búðinni og kaupa einhverjar flottar golfvörur í sumar þegar maður vísiterar um golfvelli landsins og til þess eins að slá holu í höggi í hverjum landsfjórðungi

Nú vantar bara keilusalinn austur og þá er þetta orðið fullkomið!

Fyrsta golfverslunin opnar á Austurlandi

Þingmenn í sandkassa?

Það er alveg orðið deginum ljósara hve áríðandi það er að breyta þingsköpum á hinu háa Alþingi.  Það gengur ekki lengur að einstaka þingmenn geta tekið Alþingi og þar með talið þjóðina alla í gíslingu þegar þeim hentar og með því hindrað að málefnaleg umræða geti farið fram um hin ýmsu málefni. 

Ef menn geta ekki axlað þá ábyrgð að hafa tímafrelsi þá verður að setja ramma á tímann.  Hvernig stendur til að mynda á því að einn maður geti hindrað það að frumvarp um léttvín og bjór sé tekið fyrir á Alþingi.  Þar var Ögmundur (VG) á ferð og hótaði málþófi ef málið yrði sett á dagskrá með þeim afleiðingum að önnur málefni og hugsanlega mikilvægari málefni kæmust ekki á dagskrá Alþingis heldur, hvað gefur þessum ákveðna þingmanni leyfi til þess að haga sér eins og smábarn í sandkassa?  Alþingi á hinsvegar að snúast um málefnalegt fólk og málefnalegar umræðu.

Mikið svakalega er maður hissa, klám og það í Reykjavík

Bíddu við voru bændur ekki alveg örugglega búnir að slá af klámráðstefnuna á Sögu?  Hún hefur kannski ekki fengið afboðunina, og haldið að ráðstefnan væri í fullu fjöri  

Grunur um að erlendar vændiskonur hafi starfað í Reykjavík

Þó fyrr hefði verið

Það er hreint ótrúlegt að það hafi þurft þrjár tilraunir til þess að koma þessu í gegnum Alþingi.  Það ætti að vera svo sjálfssagt mál að þjóðfáni íslendinga sé í þingsal að það hefði ekki einu sinni átt að þurfa að nefna þetta einu sinni.

Þetta er enn eitt góða málið sem Guðmundur Hallvarðsson kemur með og klára málið.

Íslenski fáninn í þinghúsinu

Kemur á óvart?

Ég vona að veturinn komi ekki fólki á óvart, enda bara mars enþá! ,

Þó auðvitað það sé ekki skemmtileg reynsla að vera fastur einhverstaðar og komast ekki leiða sinna þá getur það verið enn verra að vera fastur uppá heiði eða á miðjum þjóðvegi, þá er nú betra að vera heima með ilmandi heitt kakó og góða bók!

Hellisheiði er lokuð vegna óveðurs

Einkaþjónn í boði Glitnis - Takk fyrir mig

"færa bankann nær viðskiptavinum" þetta segir Jón Diðrik Jónssin, forstjóri Glitnis á Íslandi.  Einhvern vegin þá átta ég mig ekki á því hvað bankinn ætlar sér að gera, fær maður einkaþjón heim? Kemur þjónustufulltrúinn til með að hringja í tíma og ótíma til manns? Verður fulltrúi Glitnis í öllum stærri fermingarveislum?  Hvað er Jón Diðrik að segja með því að þeir ætli að "færa bankann nær viðskiptavinum"?  Það vantar allar upplýsingar við hverju maður á að búast, ekki það ég er stoltur viðskiptavinur Kapaflíngflíng (Kaupþings) ekki það þeir vita svo sem ekki hver ég er og hvar mig er að finna nema þeim vanti eitthvað frá mér en ekki til þess að senda mér gjafir, boðsmiða eða til þess að hringja til þess að vita hvernig ég hef það

En kannski æltar Glitnir að vera með mörg 700 manna galakvöld sér og viðskiptavinum sínum til heilla! hver veit?  ekki ég!

Glitnir kynnir breytt útibú

Messan í boði Plaza Mexcio

 

Jæja þá er maður kominn heim úr messu dagsins.  Fór í alþjóðlega messu í Fella- og Hólakirkju þar sem sóknarprestur Fellasóknar Svavar Stefánsson messaði ásamt presti nýbúa Sr.  Toshiki Toma þeir nutu svo aðstoðar djákna kirkjunnar hennar Ragnhildi Ásgeirsdóttur.  Eftir að messunni lauk var boðið uppá rammíslenska kjötsúpu í safnaðarheimilinu en einna merkilegast þótti mér sú nýstefna sem kirkjan tók þe að vera með atvinnu og vörukynningu í sínum húsum.  Á meðan gestirnir gæddu sér á súpu dagsins þá spilaði tríoið D.N.A tvö lög því næst komu eigendur verslunarinnar Plaza Mexico og kynntu verslun sína og þjónustu, ásamt því að gefa gestum sýnishorn af vörum til þess að taka með sér heim.  Það eina sem Svarar prestur gleymdi að tilkynna var að messan væri í boði Plaza Mexico

Þetta var skemmtileg samverustund með fjölskyldu, vinum og kunningjum.

Fréttablaðið hættir blaðaútgáfu á sunnudögum...

... allavega virðist það vera svo hér í Grafarholtinu, við höfum ekki fengið eintak af sunnudagsblaði Fréttablaðsins í þrjár vikur.  Það virðist vera orðið ljóst að Fréttablaðið hefur hætt blaðaútgáfu á sunnudagsfréttablaðinu eða er það ekki svo?  Er einhver sem fær þetta blað  eða tíma þeir ekki að keyra blaðinu alla leið upp í Grafarholt?

Frábært hjá tryggingarfélaginu

Er þetta nokkuð annað en sjálfssagt mál þe að tryggingarfélag geti fellt tryggingu úr gildi ef um er að ræða drukkinn ökumann sem veldur slysi?  Reyndar er það yfirleitt svo að tryggingarfélögin greiða bætur og skaða þriðja aðilla en eiga svo endurkröfurétt á tryggingarhafann.  Þetta á að vera jafn sjálfssagt og sú staðreynd að eftir einn ei aki neinn!

 

Fær ekki greidda kaskótryggingu vegna ölvunar ökumanns