Icelandair - Íslendingar skipta okkur ekki máli

Einkennileg afstaða Icelandair þ.e Guðjóns Arngrímssonar, það var ekki krafa íslenskra neytenda og umræðurnar hér á landi síðustu vikur sem breyttu fyrirkomulaginu hjá Icelandair heldur umræður erlendis.  Skítt með íslenska markaðinn það er erlendi markaðurinn sem skiptir máli að mati Guðjóns.

Ég segi það eða öllu heldur fullyrði það - Icelandair væri EKKERT án íslendinga og því hlítur að skipta höfðumáli kæri Guðjón hvað íslendingum finnst!

Ég geri mér grein fyrir samkeppninni erlendis frá en ég skil líka að British Airways er að fljúga til og frá landinu sem og Iceland Express!

en Guðjón takk fyrir að hlusta á útlendingana.

Gjöld innifalin hjá Icelandair

Sturla - Þú verður að grípa til aðgerða STRAX í dag!!

Kæri Sturla,

Nú verður þú að bretta um ermar sem aldrei fyrr.  Þú verður að taka á þessu máli og það STRAX í dag eða síðasta lagi í fyrramálið!!  Það fer að verða stórhættulegt að keyra um borgina fyrir ökuníðingum sem breyta ökutækjum sínum í drápstól með glæfraakstri um allar götur hvort heldur sem um er að ræða stofnbrautir eða íbúðagötur.  Við verðum að stöðva þessa vitleysinga og það STRAX.

Ég tel hinsvegar að síðasta tilraun þín hafi ekki skila þeim árangri sem til var ætlast því 5-10 eða 15 þúsund kall til eða frá skiptir engu máli, ef einhver ætlar að aka of hratt þá gerir hann það, enda er ekki um neinar stórar fjárhæðir að ræða, þannig séð.

Mín tillaga er eftirfarandi og mjög einföld

Vegna hraðakstur upp að 140 km hraða haldast núverandi sektarákvæði en vegna hraðakstur 141 - 160 hækka sektirnar og verða kr. 180.000 og ökuleyfissvipting í 3 ár.  Vegna hraðakstur 161 - 250 km hraða er ökutækið tekið eignanámi og selt - andvirði rennur í ríkissjóð og ökumaður er sviptur ökuleyfi ævilangt.

Ég geri mér grein fyrir að þetta eru róttækar aðgerðir,  en ég er þess fullviss að það er það eina sem virkar til þess að stöðva þessa ökuníðinga í eitt skipti fyrir öll.  Menn og konur myndu hugsa sig tvisvar jafnvel þrisvar um áður en þau keyra á þessum hraða vitandi að þau gætu átt það á hættu að glata bílnum, sem er jafnvel allur á lánum!

 Andvirðið af sölu ökutækja væri eyrnamerkt góðum málefnum s.s. fórnalömbum bílsslysa vegna hraðaksturs eða aðstandendum þeirra og öflugu forvarnarstarfi.

Stöðvaður á 155 km hraða á Reykjanesbraut

Var leigubílstjórinn durtur ?

Nei, það held ég ekki ! 

Ekki að ég vilji eða á nokkurn hátt réttlæt gjörðir konunnar þá velti maður fyrir sér hvað stóð í vegi fyrir því að leigubílstjórinn neitaði að lækka útvarparið í bílnum? Þetta er nú bara spurning um örlitla þjónustulund en hann hefur kannski mátt missa af þættinum á Útvarpi Sögu, kjaftastöð allra landsmanna ! 

Réðst á leigubílstjóra sem neitaði að lækka í útvarpinu

Steingrímur kominn af stað!

Áríðandi tilkynning!

Það hefur nú komið í ljós að netlögregla Steingríms J. hefur komið sér fyrir og er farinn að skoða alla umferð um mbl.is og bloggsvæði þess.  Því miður hefur komið í ljós að þessi vaski hópur er ekki með hraðlestrarpróf og því hefur þurft að draga úr virkni/hraða mogga bloggsins til þess að veita sveitinni viðunandi vinnufrið þegar þeir lesa allt efni sem skrifað er hvort heldur sem blogg eða athugasemd.

Ráðgert er að fjölga í deildinni um 100 á næstu vikum og mánuðum með innfluttu vinnuafli þar sem ekki er nægur fjöldi lögregluþjóna sem útskrifast á ári hverju úr lögregluskólanum.

Vonandi kemur þetta ekki að sök!

Kveðja

Moggadeild Netlögreglu Steingríms J.

 

 

========================================================

Þeir vöru greinilega ekki sammála þessari kaldhæðnu stríðni minni hjá Netlöggu Steingríms J, því ég þurfti að vista færsluna 4 sinnum áður en það tókst, alltaf kom þessi villumelding

Internal Server Error

The server encountered an internal error or misconfiguration and was unable to complete your request.

Please contact the server administrator, [e-mail] and inform them of the time the error occurred, and anything you might have done that may have caused the error.

More information about this error may be available in the server error log.

Aumingja austfirðingar

Þið eigið samúð mína alla.  Þið vitið ekki hvað þið hafið nú fengið yfir ykkur.........Já ég er að tala um Digital Ísland.   Nú fyrst fáið þið að kynnast léilegum sjónvarpsgæðum og handónýtum afruglurum.  Nú og ef þið fáið ekki nægan styrk eða of mikinn styrk þá fer allt í kerfi, myndinn frís og svo fáið þið að sjá þættina í afar hægt þar sem myndin afmyndast og kemur fram í einhverskonar kubbamynd.  Þetta eru allt nýir gallar við annars frábært kerfi sem reyndar var orðið úrelt þegar það kom til landsins, en engu að síður frábær

Þið eigið án efa eftir að skemmta ykkur konunglega

 

 Frétt - austurglugginn.is

Digital Ísland á Austurlandi

Skrifað af GG   

Saturday, 24 February 2007

Digital Ísland mun á næstu vikum stækka dreifikerfi sitt á stafrænum útsendingum og mun á næstu vikum ná til allra þéttbýlisstaða á Austurlandi. Um seinustu helgi fóru þjónustu menn á vegum Mömmu um Bakkafjörð um í gær birtust þeir á Egilsstöðum og verða á Héraði fram á þriðjudag.

Útsending 365 næst aðeins með Digital Ísland myndlykli og þeir sem vilja njóta þess áfram að horfa á fréttir Stöðvar 2 í opinni dagskrá verða því að vera með myndlykil. Sky News fréttastöðin verður í opinni dagskrá fyrir alla þá sem eru með stafrænan myndlykil Digital Íslands auk þeirra stöðvar sem senda út opna dagskrá. Á öðrum stöðum en á Egilsstöðum er ekki hægt að nota gamla myndlykilinn eftir að útsendingu er skipt í stafrænt merki.

Ég skal éta hattinn minn...

... Ef STEF er reiðbúið til samninga um þessa hluti.  Það er auðvitað einkennilegt að þurfa greiða oftar en einu, tvisvar, þrisvar eða oftar fyrir sama hlutinn.  Það ætti að sjálfssögðu ekki að vera lögbrot að niðurhala þeim myndum sem þú hefur nú þegar keypt rétt á að eiga og horfa á, það gæti verið á þann veg að þú fengir lykilorð sem þú myndir slá inn fyrir hverja og eina mynd.  Ég hef varla tölu á því hve margir DVD diskar hafa farið í ruslið sökum þess að litlir fingur hafa komist í þá.  Það væri því mjög gott ef maður gætir farið í einhvern myndabanka og sótt myndina aftur.

Segir neytendur greiða oft fyrir sama afnotaréttinn

Tannlæknirinn

Alveg briljant brandari hjá vinum hans Davíðs.  Sá einmitt þessa auglýsingu og gat ekki annað en brosað yfir hugmyndinni, hve mörg símtöl ætli hann hafi fengið yfir daginn?

Datt strax í hug tannlæknabíllinn sem tannlæknirinn á Akureyri ætlaði að starfrækja, en starfsbræður hans fundu því allt til foráttu fyrir nokkrum árum síðan. 

Það er spurning hvort þetta verði næsta einstaklingsframtakið, tannlæknar í foreldrahúsum

Tannlækningar í heimahúsi?

Öll herðatré flutt burt frá Hótel Sögu !

Það er ekki skrítið að klámráðstefnan hafi verið blásin af á Hótel Sögu ef þetta eru afleiðingar þess að fólk horfi á klámfengið efni   Það er spurning hvort ekki hefði verið of mikið mál að fjarlægja öll hnífapör og herðatré úr herbergjunum áður en bíósýningarnar byrjuðu!

 

Riddarinn hugumstóri þusti inn með sverðið hans afa á lofti.

Vísir, 25. feb. 2007 20:39

Ég kem Dulcineia, ég kem

Þegar James Van Iveren heyrði konu æpa hástöfum, í íbúð nágranna síns, þreif hann sverð afa síns ofan af vegg og þeysti til hjálpar. Hann sparkaði upp hurð nágrannans og æddi inn með brugðinn brandinn. Þetta gerðist í bæ í Wisconsin sem heitir því hljómfagra nafni Oconomowoc.

Nágranninn sagði í lögregluskýrslu að Van Iveren hefði ógnað sér með sverðinu og æpt í sífellu; "Hvar er hún, hvar er hún."

Nágranninn segir einnig að Van Iveren hafi ætt um allt plássið í leit að ungfrúnni í ánauðinni. Honum tókst þó á endnum að sannfæra riddarann hugumstóra um að enga slíka væri að finna í sínum tveggja herbergja kastala. Hann bara setti aftur í gang klámspóluna sem hann hafði verið að horfa á, og leyfði Van Iveren að heyra hljóðin.

Steingrímur "Netlögga"

Ágæti Steingrímur,

Hvert ertu eiginlega að fara með þessari hugmynd þinni um "netlöggu" hvað verður næst "símalögga", "heimilislögga" og/eða "vinnulögga"  Þetta er hugmynd sem var ógeðfeld árið 1950 og er ekki minna ógeðfeld 2007.  Ég velti því fyrir mér hvert þessi flokkur er eiginlega að fara.  Hvar er friðhelgi einkalífsins að þeirra mati?  Líklegast á það ekki heima í nútíma þjóðfélagi VG.  Hvað er það sem hann ætlar sér með þessari nýju netlögreglu, á þetta að vera öflug deild vaskra lögregluþjóna  sem skoðar allan inn/út póst og heimasíðuheimsóknir allra tölvunotenda á Íslandi?  Þessi hugmynd er hreint út sagt hneyksli og grófleg árás á friðhelgi einkalífsins með hugmyndum Steingríms um ritstjórnarstefnu fyrir alla landsmenn. 

 

Steingrímur J. Sigfússon hjá Agli Helgasini í Silfrinu.

Vísir, 25. feb. 2007 16:29

Steingrímur J. vill netlöggu

Steingrímur J. Sigfússon, formaður Vinstri grænna, vill setja á fót netlöggu, til þess að hindra aðgang að klámi og annarri óáran, á netinu. Steingrímur lét þessi orð falli í Silfri Egils á Stöð 2 í dag. Það var verið að ræða um klámráðstefnuna sem ekki fékk inni á Íslandi, og Egill spurði Steingrím hvort hann vildi þá ekki ganga lengra og skera upp herör gegn öllu klámi.

Steingrímur kvað já við. Hann sagðist vilja stofna netlögreglu sem meðal annars og einkum ætti að koma í veg fyrir klámdreifingu á netinu. Steingrímur kvaðst einnig vera á móti nektar og súlustöðum, og ef hann fengi að ráða myndi hann reyna að koma þeim úr landi.

Út úr skápnum og á vit nýrra ævintýra.

Hum, Björk gengur í Samfylkinguna, þrátt fyrir að hún hafi verið starfandi þar í nokkra mánuði en svo er Jakob Frímann gengin úr Samfylkingunni, skyldi vera tengin þarna á milli?? Nei, ég bara spyr.

Við vinkonu mína hana Björk vil ég einfaldlega segja - velkomin út úr skápnum.  Mér hefur alltaf þótt þetta hugtak "óháður" vera einkennilegt, annaðhvort vinnur fólk innan flokks eða utan, annaðhvort bíður fólk sig fram með og í flokk eða bíður sig ekki fram, það er einfaldlega ekki eðlilegt að bjóða sig fram sem "óháður" að mínu mati. 

En það verður fróðlegt að sjá hvert Jakob ætlar að stefna, skyldi hann halda á vit frjálslyndra og ganga í þann flokk eða skyldi hann ætla í nýjan flokk ásamt Margréti Sverrisdóttur?  Tel það alveg ljóst að einhvert ætlar hann þar sem hann hefur gengið með þingmanninn í maganum í mörg ár og hann hefur verið þekktur fyrir eitthvað annað en að gefa sína drauma upp á bátinn, enda búinn að spila í Tivolí inu í Köben.

Jakob Frímann genginn úr Samfylkingunni