Þetta er var ekki okkur að kenna!

Í fljótu bragði virðist fjölmiðlafulltrúi Iceland Express hafa gleymt að setja inn tvennt í tenglum við þessa frétt. Annarsvegar um aðmálið sé ekkinþeim að kenna heldur einhverjummöðrum t.d bara flugvélinni nú og svo er ekki minnst á að þeir íhugi að endurskoða samningin við þjónustuaðika sína á Spáni.
Ég endurtek nú skoðun mínu og spyr, hvenær ætla íslensk flugmálayfirvöld að gera ítarlega skoðun á flugvélum sem þjónusta Iceland Express? Þessar vélar virðast vera orðnar tifandi tímasprengjur.

Sváfu á flugstöðvargólfi

Munu flugmálayfirvöld ekki gera ástandsskoðun á vélum Iceland Express?

Í fréttatilkynningu frá félaginu segir að farþegarnir hafi fengið regluleg smáskilaboð um stöðu mála og nógan mat og drykk meðan þeir hafa þurft að bíða. Það verður áhugavert að heyra hlið farþeganna af þessum upplýsingum og kræsingum.

Iceland Express hefur áður sagt svipaða sögu án þess að nokkurt sannleikskorn sé fyrir því og þegar farþegarnir hafa sjálfir tjáð sig þá hefur allt önnur saga komið í ljós.

Hverjum skyldi þessi töf vera um að kenna??

Vél á leiðinni að sækja farþegana

Sagan endurtekur sig... þetta eru ekki við heldur þeir!

Nú hefur fjölmiðlafulltrúi Iceland Express ákveðið að skipta um kafla eða jafnvel bók. Nú segir hann að þetta sé "ófyrirgefanlega hegðun" fyrr í dag sagði hann

"Þó að það sé ekki skemmtilegt að hugsa til þess að fjórtán ára unglingur þurfi að fara til Kaupmannahafnar frá Billund í fylgd ókunnugs manns þá komst hún allavega heim og er heil á húfi og það er fyrir mestu að það gerðist".

Honum þótti þetta þá ekkert til þess að vola yfir því fjölskyldan hefði jú nýtt sér amk einn miða af þeim fjórum frímiðum sem hún fékk í skaðabætur. Hann bætti svo við

„Fjölskyldu þessarar stúlku voru boðnir frímiðar og það er mjög sérkennilegt að sjá það haft eftir móður hennar að hún treysti sér ekki við að versla við þetta félag aftur þar sem það er búið að nota að minnsta kosti einn þessara frímiða"

Maður veltir því óneitanlega fyrir sér hverjir munu þjónusta Iceland Express á erlendis því nú hefur fyrirtækið velt því fyrir sér að segja upp samningnum við þennan þjónustuaðila í Danmörku en fyrir fáeinum vikum síðan sagði forstjóri fyrirtækisins að þeir ætluðu að hætta skipta við franksan þjónustuaðila sinn.

Er Iceland Express öruggt?

Asa starfsmanns um að kenna

Kristján Þór - Styrkir sig með hverjum deginum og þorir að segja það sem aðrir hugsa

Það verður seint sagt um Kristján Þór Júlíusson að hann sé hræddur við að segja skoðanir sínar umbúðarlaust. Hann hefur nú á vikutíma eða svo komið sterkur inn í tveimur málum þe. málefnum lífeyrissjóðanna og nú vegna kjarabaráttu flugumferðastjóra. Í bæði skiptin sagði hann skoðun sem flestir geta tekið undir en fáir þingmenn þora að segja.

Ég segi sem betur fer erum við með þingmenn sem geta og hafa þor að standa upp og segja það sem segja þarf.

Kristján benti réttilega á vegna lífeyrissjóðanna að nú væri mál að linni og menn þyrftu að komast uppúr skotgröfunum og skoða málin af skynsemi í stað reiði, af fagmennsku í stað hatur. Það þyrfti fyrst og fremst að skoða mál sjóðanna út frá hagsmunum sjóðsfélaga, það eru einu sinni þeir sem eiga sjóðinn.

Varðandi flugumferðastjórana þá er það hárrétt að launin eru há en ábyrgðin er einnig mikil. Það hlýtur samt að skjóta skökku við að menn fari í svona harðar aðgerðir til þess að knýgja fram launahækkun á þeim tímum sem nú eru í gangi. Ekki ætla ég að standa í vegi fyrir því að fólk fái launahækkanir en hinsvegar er ég sammála Kristjáni Þór að í dag sé líklega ekki tíminn til þess að fara í eins harðar aðgerðir og flugumferðastjórar eru með núna sérstaklega í ljósi þess að fólk um allt land er í baráttu við það eitt að halda vinnu sinni og þeim kjörum sem það er með.

Vill lög á flugumferðarstjóra

Ef ég væri fyrrum kosningastjóri forsetans hvað þá?

Það er greinilega ekki sama hver biður forsetann um að synja lögum.  Kannski hefði verið ráð fyrir aðstandendur kjosa.is að fá til lið við sig fyrrum kosningastjóra Ólafs Ragnars því þegar hann óskaði eftir því við forsetann þá gat hann synjað lögum vegna stórar gjáa sem myndast hafði milli þings og þjóðar en nú þegar stór hluti þjóðarinnar óskar eftir að forsetinn vísi málinu til þjóðarinnar þá eru hagsmunir þess ekki eins mikilvægir.

Ég leyfi mér að spyrja hvort er mikilvægara að þjóðin fái að segja álit sitt á fyrrum fjölmiðlafrumvarpi eða ríkisábyrgðinni á Icesave?

Það er greinilega gott að vera vinur forsetans!

Bloggheimar loga vegna ákvörðunar forsetans

Er Ögmundur orðinn sterkasti hlekkurinn?

"Talsmaður samtakanna Dalai Lama á Íslandi sagði í fréttum Ríkisútvarpsins, að samtökin hefðu sent forsætisráðherra bréf með ósk um fund til að kynna heimsókn Dalai Lama hingað. Ekkert svar hefði borist. Þá hefði öllum þingmönnum einnig verið sent bréf um heimsóknina"

Talsmanni samtakanna hefðu mátt vera það ljóst að Jóhanna Sigurðardóttir, forsætisráðherra myndi ekki hitta Dalai Lama enda er maðurinn af erlendu bergi brotinn, talar erlent tungumál og talar ekki stakt orð í íslensku.

Jóhanna hefur reynt með öllum tiltækum ráðum að forðast fundi með erlendum aðilum frá því hún tók við og væntanlega hefði ekki orðið nein breyting á því háttarlagi núna.

Ögmundur mun hitta Dalai Lama

Skemmtileg auglýsing

Ekki ætla ég að setja útá úrskurð neytendastofu, hún þekkir lög um viðskiptahætti og markaðssetningu. 

Þessi auglýsing fékk mig þó til þess að brosa, þetta var eitthvað nýtt og ágætis tilbreyting frá mis vel uppsettum auglýsinga einblöðungum sem borin er í alla póstkassa í kílóavís ár hvert.  Þetta þótti mér sýna frjóa hugsun og skemmtilega framsetningu.

Einhvernvegin grunar mig þó að það hafi verið samkeppnisaðilar Garðlistar sem hafa kvartað við neytendastofu en ekki íbúar um alla borg.  Þarna skaut Garðlist samkeppnisaðilum sínum langt aftur fyrir sig í markaðssetningu, auglýsingin verð verðskuldaða athygli og mikið var rætt um hana um alla borg, það hefur samkeppnisaðilum Garðlistar ekki líkað.

En lög skulu standa og væntanlega vita nú allir að auglýsingablöðungur sem þessi er ekki leyfilegur.

Braut lög með auglýsingu

Fuss og svei

Ég segi nú bara fuss og svei ef þú kaupir ekki gloss fyrir konuna þína, barn, móður eða aðra kvennkynsverur í fjölskyldunni hjá þér.  Þetta er ódýr gjöf sem gleður marga og um leið styrkir þú gott málefni.

Átakið " Á allra vörum" hefur nú komið á fulla ferð í annað sinn. Í þetta skipti til styrktar Styrktarfélagi krabbameinssjúkra barna.

Afrakstur átaksins í ár rennur til kaupa á nýju hvíldarheimili fyrir SBK. Á hverju ári greinast hérlendis að meðaltali 10-12 börn og unglingar 18 ára og yngri með krabbamein. Mikil þörf er fyrir hvíldarheimili fjölskyldna krabbameinssjúkra barna og eru forsvarskonur átaksins afar stoltar yfir því að geta orðið hér að liði.

Glossið í ár kemur frá Dior og kostar aðeins 2.500 krónur! Allur ágóðinn rennur til SBK.

Nú má enginn láta sitt eftir liggja og kaupa a.m.k. eitt stykki til styrktar góðu málefni.

 Dior útsölustaðir innanlands
1. - 14. júní 2009
 

Hagkaup, einstaka verslunum!

Hygea,
Kringlunni og Smáralind
103 Reykjavík

Sigurboginn
Laugavegi 80
101 Reykjavík

Jara
Hafnarstræti 107 og Glerártorgi
600 Akureyri

Lyf og heilsu verslunum um allt land.

Snyrtistofa Ólafar ehf.,
Austurvegi 9
800 Selfossi

Glæsibær
Álfheimum 74
104 Reykjavík

Andorra
Strandgötu 32
220 Hafnarfirði

Fyrir þá sem ferðast um háloftin með Iceland Express þá verður hægt að kaupa vöruna hjá þeim í júní og júlí.

Einnig er hægt að panta vöruna á netinu.... með því að smella hér.

Litagloss og lagið Von á allra vörum

Nágrannavarsla er nú komin í tvær götur í Grafarholti

Verkefnið nágrannavarsla var formlega kynnt fyrir íbúum Grænlandsleiðar og Jónsgeisla á fundi í Ingunnarskóla þann 13.maí síðastliðinn.  Nágrannavarslan er samstarfsverkefni íbúa, lögreglu og Þjónustumiðstöðvar Árbæjar og Grafarholts.
 
Fyrsta nágrannavörslu skiltið var sett upp á Grænlandsleið í gær að viðstöddum fulltrúum lögreglu höfuðborgarsvæðisins, formanni hverfisráðs og fulltrúa íbúa.

Borgarstjórn Reykjavíkur hóf nágrannavörslu sem tilraunaverkefni árið 2006 í nokkrum hverfum borgarinnar. Verkefnið þykir hafa  sannað gildi sitt hefur hverfisráð Grafarholts í samráði við borgaryfirvöld ákveðið að útfæra nágrannavörslu í hverfinu.

Nágrannavarsla er skipulögð forvörn þar sem íbúar taka höndum saman, til þess m.a. að sporna gegn innbrotum og eignatjóni. Samvinna íbúa af þessu tagi þekkist víða erlendis. Í upphafi verkefnisins fá íbúar nauðsynlegar leiðbeiningar og fræðslu, sem Þjónustumiðstöð Árbæja og Grafarholts og lögreglan á höfuðborgarsvæðinu hafa umsjón með. Auk þess verður sett sérstakt skilti við götuna sem gefur nágrannavörslu til kynna.

Við val á götum í verkefnið var fyrst og fremst litið til tegundar og fjölda húsa og eðli nánasta umhverfis.

Verður gestur í Grafarholti

og mun þar elda fyrir gesti og gangandi.... þetta gæti verið áhugaverð fyrirsögn.  Ég væri allavega til í að opna eldhúsið fyrir hann þ.e ef hann myndi biðja fallega.

 

Hákon Már Örvarsson eldar í Kanada