Ja hérna hér, nú er ég HISSA

Ég er svo HISSA, eða hitt þó heldur!  Kemur þetta mönnum virkilega á óvart?  Hver man ekki eftir uppistandinu sem varð þegar Iceland Express hóf starfsemi sína, þá var "vesen" með aðstöðuna á Keflavíkurflugvelli sem og lestu/losun véla, ekki kom það mönnum á óvart.

Ef fólk heldur að Flugleiðir/Flugfélag Íslands ætli að hleypa öðrum fyrirtækjum að kötlunum þá er það mikill misskilingur

Iceland Express fær ekki inni á Reykjavíkurflugvelli

Hvers vegna ósköpunum?

Alveg er þetta ótrúlegt með þessa blessuðu stjórnarANDstöðuliða.  Þeir eru alltaf fljótir upp og hrópa eftir afsögn þessa eða hins eða bara einhvers!  Ég fæ ekki séð hvers vegna Valdimar L. óskar eftir því að forsætisráðherra segi af sér ef einhver ætti að segja af sér hlýtur það að vera félagsmálaráðherra nú eða heilbrigðisráðherra.  En ég tel hinsvegar að mörgum spurningum sé enn ósvarað um þetta mál, ein þeirra er þó stærri en margar aðrar og er hún, hvers vegna skýrslunni var leynt á sínum tíma af formanni fjárlaganefndar og félagsmálaráðherra!  Það er spurning sem ég tel að við verðum að fá skýr svör við.

En afsögn forsætisráðherra.... lyktar einhvernvegin á þann veg að Valdimar X-S eða X-F og kannski einhvertímann X-V sé að kalla á eftir athygli á heldur óskemmtilegan hátt.

Spurði hvort forsætisráðherra ætti ekki að segja af sér vegna Byrgismáls

Saltið!

Auðvitað eiga nagladekkinn sína sök á svifryks mengun en er ekki verið að einblýna þann þátt, hvað með til að mynda þátt saltsins sem er stráð í ómældu magni á götur Reykjavíkur?  Fróður maður tjáði mér einu sinnu um þátt saltsins í því að bindingin í malbikinu (tjaran) leystist upp með tímanum vegna saltsins, þarf ekki að kanna þann þátt einnig? 

Reyndar tel ég að þessar aðgerðir sem stuðla eigi að minni nagladekkjanotkun séu ekki réttar.  Hið rétta hefði verið að lækka álögur á ónelgdum dekkjum og með því væri verið að "verðlauna" þá sem vildu vera á ónelgdum hjólbörðum en ekki verið að refsa því fólki sem býr til að mynda úti á landi og verður að vera á negldu!

Vegslit vegna naglanna kostar hundruð milljóna

Ég er ríkastur allra!

Þá erum við STÓR fjölskyldan komin heim úr bústaðnum, eftir vel heppnaða helgarferð með vinahjónum okkar (Júlla, Svölu og Katrínu Lilju). 

Við fórum í fallegu veðri uppí næst fallegasta stað lansins þe Borgarfjörðinn í sumarbústað rétt við Hreðarvatn.  Veðrið var ákaflega fallegt eins og sést á myndinni hér til hliðar, reyndar er það oftast nær svona gott þegar við erum uppfrá.... eða þannig

Sú minnsta í fjölskyldunni þótti það stórskemmtilegt að fá að róla í nokkrar klukkustundir yfir helgina, alveg ótrúlegt hvað svona litlir og einfaldir hlutir eins og róla geta veitt þeim litlu mikla gleði svo tímunum skiptir.  Á meðan ég var að róla með Emmu Brá þá var Hafdís Hrönn að myndast við að "baka" snjókökur fyrir allan peningin   Hún er líka alveg ótrúlega þolinmóð að leika sér við litlu systur sína.  Enda þegar ég fékk lángþráða hvíld frá rólunum, þá leysti hún mig af og bjó til stóra snjóköku með Emmu Brá, sem hafði reyndar mest gaman af því að skemma hana loksins þegar hún var fullgerð, en Hafdís Hrönn hefur þessa einstöku þolinmæði frá mér  svo hún byrjaði bara uppá nýtt aftur.... og aftur.... og aftur.  Þar til við fórum inn í bústað og fengum okkur eitthvað gott í svanginn.  Ég segi það satt, ég er ríkastur allra að eiga svona stóra fjölskyldu !

Er þetta búið hjá henni ?

Nú er farið að kurra veruliða í liðum Samfylkingarinnar eftir að Rúv gerði skoðanakönnunina í dag opinbera.  Það er alveg ljóst að frá því að Ingibjörg Sólrún bolaði fjölskyldumeðlim sínum úr formanssæti flokksins hefur leiðin verið brott niður á við.  Fyrrum stuðningsmaður Ingibjargar númer 1 virðist vera búinn að yfirgefa stjórnarbrúnna innan flokksins og flautað áhöfnina frá borði áður en báturinn sekkur sem virðist orðið óumflýjanlegt eins og staðan er í dag!  Hann hefur gefið út dánarvottorð og samkvæmt því sem mér skyldist eru kraftafólk úr Alþýðuflokknum nú að funda og velta fyrir sér hvort ekki sé rétt að bjóða fram undir merkjum flokksins á nýjan leik, reyndar kemur það ekki á óvart að Alþýðuflokkshluti flokksins skuli vera fyrstir til þess að ganga frá borði þar sem þeir eiga svo til að segja enga samleið lengur með flokknum! 

Það virðist því ekki lengur vera spurning hvort pólítískur ferill Ingibjargar sé komin á endastöð því háværar raddir innan flokksins eru orðnar enn háværari og krefjast menn orðið afsagnar formannsins og það fyrir kosningar, hugsanlega er það eina von flokksins til þess að komast í ríkisstjórn næst! 

Nú er spurningin hvað gerist næstu daga, vikur eða mánuðinn !?  Það eitt verður tíminn að leiða okkur í ljós!

Skattur, skattur og aftur skattur - hvað með öryggið?

Hvað er að hjá háttvirtum umhverfisráðherra?  Á að refsa mér og öðrum sem viljum vera á nagladekkjum vegna ferða okkar um landið þegar veturkonungur ræður ríkjum?  Er þetta rétta leiðin?  Nei það held ég ekki, þar sem nagladekkinn hafa virkað hvað best í hálku á þjóðvegum landsins!  Ég kalla eftir betur ígrunduðum hugmyndum háttvirtur ráðherra!?

 

Skattur lagður á nagladekk?

Umhverfisráðuneytið og Akureyrarbær boðuðu til blaðamannafundar á Akureyri í dag þar sem kynnt var ný skýrsla um svifryksmengun á Íslandi og leiðir til úrbóta. Þar kom fram að svifryksmengun horfir í að verða alvarlegt vandamál og boðar umhverfisráðherra aðgerðir sem byggðar eru á tillögu starfshóps. Þar verður þeim sem aka um á nagladekkjum refsað með því að greiða hærri tolla en þeir sem nota ónegld dekk.

Á Akureyri fer svifryksmengun oftar á ári yfir heilsuverndarmörk en í Reykjavík en breytilegir þættir eins og veður og umferð skipta miklu. Sérstakt hrós fékk þó Akureyrarbær fyrir að hafa um áramótin felltniður gjaldtöku í strætó en auknar almenningssamöngur vega þungt í að halda menguninni niðri

Tillögur starfshópsins til úrbóta ganga út á tilmæli fremur en boð og bönn en að óbreyttu bitnar ástandið mjög á komandi kynslóðum.

Jónína Benediktsdóttir

Já nú mega ofurbloggarar þessa lands fara að vara sig því nú er ný díva komin fram á sviðið og ef ég þekki hana rétt mun hún vekja mikla athygli með skrifum sínum hér, já ég er ekki að tala um neina aðra en sjálfa Jónínu Benediktsdóttur.  Þetta er blogg sem án efa ég kem til með að líta inn á oft hvort heldur sem ég er sammála því sem hún skrifar eða ekki!

Smellið á myndina af Jónínu til þess að skoða bloggið hennar

Hver býður best?

Er uppboð í uppsiglingu, hver býður best hann fær Magnús Þór?  Svolítið sérstakt að þingmaðurinn og varaformaður flokksins hafi ekki ENN gert upp hug sinn hvar á landinu hann kjósi að bjóða sig fram.  Hann þarf auðvitað að bera þessa ákvörðun undir "stjórnendur" flokksins þe. nýtt afl

Óljóst hvar Magnús Þór býður sig fram

STEF, fráleitt og ætti að vera jafn útdauð og risaeðlan !

Alveg er þetta til áborinar skammar og fráleit hugsun Héraðsdóms Suðurlands sem og STEF.  STEF eitt og sér er auðvitað fyrirbæri sem ætti að jafn útdauð og risaeðlur eru í dag!  Það er fásinna að verið sé að rukka fólk um STEF gjöld fyrir það eitt að hlusta á útvarpið eða horfa á sjónvarpið!  Ég veit til þess að fyrirtæki hafa fengið sendan reikning frá þeim þrátt fyrir að allir starfsmenn fyrirtækisins greiði afnotagjöld ríkisútvarpsins og eigi þar að leiðandi að fá að hlusta í FRIÐI á útvarpið.  Þetta STEF fyrirbæri er ekkert annað en græðgisfélag tónlistarmanna, þeir margrukka fyrir hlustun á sömu tónlistina, ég spyr ef ég hef keypt mér geisladisk með til dæmis Stuðmönnum er ég þá ekki búinn að greiða fyrir STEF gjöldin með kaupum á disknum og er þetta því ekki tvísköttun ef ég er svo rukkaður fyrir að hlutsta á lag í útvarpinu sem ég á nú þegar á geisladisknum..... ég bara spyr!?

Sannað að viðskiptavinir í verslun heyrðu í útvarpi á kaffistofu

Á 766km hraða í -50°C frosti...

... að sögn flugstjórans í Flugleiðavélinni var þetta það sem lífið snerist um í gær þegar ég var á heimleið frá Köln, flaug frá Dusseldorf til Köben og svo frá Köben hingað heim á klakan.  Ekki leiðinlegt það.  Var alveg hreint ótrúlega heppinn í vélinni á leiðinni frá Köben og heim, það var svo fámennt, en góðmennt, að ég fékk heila sætaröð alveg útaf fyrir mig, leið eins og Sir Elton þegar hann kom á klakann í einkaþotunni, slíkt var plássið.  Ég gat skipst á að vinna, spila í PSP og fengið mér kríu þess á milli  alveg hreint magnað.  Ég bara spyr hver þarf einkaþotu sem hefur aðgang að Flugleiðum.......?  ekki ég  

En eitt verð ég þó að játa ég fór að velta því fyrir mér öllu þessu öryggistékki sem er orðið á flugstöðvum um allan heim.  Erum við ekki akkúrat kominn í þá aðstöðu sem Bin Laden og hans fólk vill hafa okkur?  Maður þarf nánast að hátta sig og standa með útréttar hendur á meðan vopna- og eiturefnaleit fer fram á banni, eða svona því sem næst, ég þurfi í það minnsta að fara úr skónum og taka af mér beltið.  Ég er síður en svo að kvarta undan örygginu, en ég held samt að við séum í heljargreypum þeirra hryðjuverkahópa sem gerðu árásirnar 11 sept hér um árið!