STEF, fráleitt og ætti að vera jafn útdauð og risaeðlan !

Alveg er þetta til áborinar skammar og fráleit hugsun Héraðsdóms Suðurlands sem og STEF.  STEF eitt og sér er auðvitað fyrirbæri sem ætti að jafn útdauð og risaeðlur eru í dag!  Það er fásinna að verið sé að rukka fólk um STEF gjöld fyrir það eitt að hlusta á útvarpið eða horfa á sjónvarpið!  Ég veit til þess að fyrirtæki hafa fengið sendan reikning frá þeim þrátt fyrir að allir starfsmenn fyrirtækisins greiði afnotagjöld ríkisútvarpsins og eigi þar að leiðandi að fá að hlusta í FRIÐI á útvarpið.  Þetta STEF fyrirbæri er ekkert annað en græðgisfélag tónlistarmanna, þeir margrukka fyrir hlustun á sömu tónlistina, ég spyr ef ég hef keypt mér geisladisk með til dæmis Stuðmönnum er ég þá ekki búinn að greiða fyrir STEF gjöldin með kaupum á disknum og er þetta því ekki tvísköttun ef ég er svo rukkaður fyrir að hlutsta á lag í útvarpinu sem ég á nú þegar á geisladisknum..... ég bara spyr!?

Sannað að viðskiptavinir í verslun heyrðu í útvarpi á kaffistofu

Athugasemdir

[Tryggvi Már Gunnarsson (IP-tala skráð) 1.2.2007 kl. 09:37]

Já, ég var ekki búinn að átt mig á þessu. Ég tek leið 4 í strætó og er búinn að gera margoft. Ætti ég ekki bara að láta duga að borga einu sinni. Og launin mín . Ég er búinn að gera það sama margoft. Algerlega óþarft af mér að rukka vinnuveitandann um það sem hann er búinn að borga fyrir einu sinni.

Þegar þú kaupir diskinn ertu að kaupa afurð listamanns og borgar honum fyrir hana. Þegar þú hlustar á lag af sama diski í útvarpinu er útvarpsstöðin að borga höfundinum fyrir afnot af laginu. Ekki þú sjálfur. Nema náttúrlega hjá RÚV sem allir þurfa að borga fyrir. Það er ekki eins og þú borgir stefgjald fyrir hvert skipti sem þú skellir disknum í.

[Vilborg G. Hansen, 1.2.2007 kl. 09:47]

Sammála þér þarna, ætti að vera nóg að rukka afnotagjöld inn með sköttunun okkar og stefgjöld af útvarpsstöðvunum sem og inni í verði geisladiska eða niðurhals á tónlist.  Afskaplega gamalt eitthvað þetta kerfi og óþjált!

[Eiður Ragnarsson, 1.2.2007 kl. 09:53]

Einn ágætur sjoppueigandi hér austur á landi, setti upp auglýsingu í verslun sinni, þar sem hann bað viðskiptavinu um að vera ekki að hlusta á útvarpið ef það væri í gangi.

Ekki voru nú forsvarsmenn stefs á því að þetta væri nóg, svo að þeir rukkuðu hann um gjöldin góðu, en hann brást þá við því með þeim eina hætti sem virkar, og tók útvarpið heim.

Mafía er eiginlega eina orðið sem maður á yfir þetta allt saman......