Hvers vegna ósköpunum?

Alveg er þetta ótrúlegt með þessa blessuðu stjórnarANDstöðuliða.  Þeir eru alltaf fljótir upp og hrópa eftir afsögn þessa eða hins eða bara einhvers!  Ég fæ ekki séð hvers vegna Valdimar L. óskar eftir því að forsætisráðherra segi af sér ef einhver ætti að segja af sér hlýtur það að vera félagsmálaráðherra nú eða heilbrigðisráðherra.  En ég tel hinsvegar að mörgum spurningum sé enn ósvarað um þetta mál, ein þeirra er þó stærri en margar aðrar og er hún, hvers vegna skýrslunni var leynt á sínum tíma af formanni fjárlaganefndar og félagsmálaráðherra!  Það er spurning sem ég tel að við verðum að fá skýr svör við.

En afsögn forsætisráðherra.... lyktar einhvernvegin á þann veg að Valdimar X-S eða X-F og kannski einhvertímann X-V sé að kalla á eftir athygli á heldur óskemmtilegan hátt.

Spurði hvort forsætisráðherra ætti ekki að segja af sér vegna Byrgismáls

Athugasemdir

[Þorsteinn Siglaugsson, 5.2.2007 kl. 15:55]

Valdimar gæti kannski bara notað tækifærið og sagt sig úr Frjálslynda flokknum út af Byrgismálinu!

[TómasHa, 5.2.2007 kl. 16:14]

Já, gaman af þessu hjali núna.  Áður var það að þeir fengju ekki næga peninga og það væri verið að svelta þá. Það er gott að vera vitur eftir á.

[Egill Rúnar Sigurðsson, 5.2.2007 kl. 19:20]

Ég vona svo sannarlega að Björn Bjarnason segi ekki af sér eða fari úr Sjálfstæðisflokknum, því þá myndi fylgi flokksins örugglega aukast eitthvað, sem væri miður!