Óútfyllt ávísun og kreditkort með ótakmarkaðri heimild

Það er ekki skrítið að forsetinn skuli fara fram úr öllum áætlunum ár eftir ár.  Hans aðal starf virðist vera að þeysast um heiminn fram og til baka endalaust með fylgdarliði og tilheyrandi kostnaði.

Spurning um að fara setja kvóta á ferðalögin og hugsanlega að forgangsraða hvaða ferðir eru í raun þarfar og hverjar ekki.

Ólafur Ragnar í Bangladess

Sem betur fer voru úrslit leiksins þessi

þar sem gullið var ekki okkar í þetta sinn þá fyrir mitt leyti fannst mér betra að hafa fimm marka mun frekar en eins marka mun.  En maður lifandi hvað fjölskyldan hér er í skýjunum yfir þeim góða árangri liðsins á ólympíuleikunum, hverjum hefði dottið í hug að við ættum yfir höfuð möguleika á verðlaunum í handbolta á mótinu og hvað þá silfurverðlaunum.

 

 

 

 

 

Þvílík spenna, þvílík ánægja og þvílíkur árangur... Til hamingju Ísland með topp árangur á OL 2008.

Íslendingar taka við silfrinu

49,2% borgarbúa styðja endurnýjaðan meirihluta í borginni.

Samkvæmt úrslitum borgarstjórnarkosninganna 2006 styðja 49,2% borgarbúa endurnýjaðan meirihluta borgarinnar.  Sama hvað öllum skoðandakönnunum líður þá hefur meirihlutinn ótvíræð traust megin þorra borgarbúa samkvæmt síðustu kosningum.

Það er merkilegt að gera skoðanakönnun áður en meirihlutinn tekur við og úrtakið var aðeins 600 einstaklingar og einungis 55,5% svarenda tóku afstöðu sem þýðir í raun að rétt rúmlega 300 manns svöruðu spurningunni "Hvaða lista myndir þú kjósa ef gengið yrði til borgarstjórnarkosninga nú?" en 89% eða rétt rúmlega 500 manns tóku afstöðu til spurningarinnar "styður þú nýmyndaðan meirihluta borgarstjórnar?" Hve áreiðanleg könnun er það sem er einungis með 600 manna úrtak?, ætli það sé ekki jafn mikið að marka þessa könnun og þær vefkannanir sem Fréttablaðið er með á hverjum degi í blaðinu og ekkert gefið upp um hver þátttakan var í könnuninni, líklega allt frá 20 manns uppí 2000 og allt þar á milli.

Landsmenn eru þó heppnir að hvorki er skipað í þingsæti, borgarstjórn eða sveitastjórnir landsins eftir skoðanakönnunum heldur með kosningum. 

Einnig er merkilegt að sjá svör oddvita annarra stjórnmálaflokka hér í borginni.

Dagur B. Eggertsson segir "þungur dómur fyrir skollaleik", hann virðist þó gleymt að nota uppá halds orðið sitt þessa daganna sem er "klækjastjórnmál" en líklega mun hann ekki nota það orð mikið lengur þar sem honum hefur kurteisilega verið bent á hve öflugur hann hefur einmitt verið í "klækjastjórnmálum" sjálfur undanfarið en án árangurs. 

Því það hlýtur að teljast til einsdæmis að menn reynir með beinum eða óbeinum hætti að fá kjörin borgarfulltrúa til þess að segja af sér svo varamaður hans komi inn sem borgarfulltrú til þess eins að hann sjálfur gæti orðið borgarstjóri á nýjan leik.  Einnig er vert að að minna á hans klæki þegar Björn Ingi var "lokkaður" til samstarfs við myndun meirihluta Samfylkingar, Framsóknar, Vinstri Grænna og Frjálslyndra á sínum tíma.  Þar var nýttur ágreiningur sem uppi var og sá hraði sem á málinu var til þess að slíta þeim meirihluta sem hefur nú ákveðið að taka saman aftur.  Var ekki sá örlaga ríki fundur 100 daga meirihlutans haldinn á vinnustað móður Dags B. Eggertssonar?  Því hefði betur verið sleppt miðað við málefnasamning og efndir meirihlutans eins og borgarbúar muna eftir.

Svandís Svavarsdóttir segir "Nýr meirihluti er umboðslítill", það ætti kannski að benda Svandísi á að umboð borgarfulltrúa er fengið á kjördag en ekki í gegnum rúmlega 300 manna svarendalista hjá Fréttablaðinu.  En líklegra er eftirfarandi svar Svandísar ekki síður merkilegt "við munum veita umboðslitla meirihlutanum öflug viðnám".  Maður man varla eftir þessum annars ágæta borgarfulltrúa eftir að REI málið fór í nefnd sem hún var í forsvari fyrir, líklega verður hennar minnst sem eins máls borgarfulltrúa því það er einu sinni þannig að betra er að sitja á hliðarlínunni og benda á galla en að kynna lausnir - því sjaldnast fylgir gagnrýni VG tillaga að lausnum, því miður.  En Vinstri Grænir hafa einnig verið ötulir boðberar "klækjastjórnmála" eins og Dagur B. vill kalla það, eins og sást best í fréttum fjölmiðlanna þegar einn liðsmaður flokksins gegndi lykilhlutverki við að reyna bola kjörnum borgarfulltrúa frá!

Ólafur F. Magnússon segir "Kjósendur átta sig á refskák", því miður gekk ekki það samstarf sem menn fóru í af heilum hug.  Það er vissulega alltaf leiðinlegt þegar samstarf gengur ekki upp.  Enn leiðinlegra er það þegar menn vilja reyna sverta samstarfsslitinn með svörtum blæ einungis til þess að reyna skemma út frá sér.

Ég tel að borgarstjórnarflokkur Sjálfstæðisflokksins með Hönnu Birnu í broddi fylkingar ásamt borgarstjórnarflokk Framsóknarflokksins með Óskar Bergsson í fararbroddi hafi sýnt mikla pólitíska ábyrgð og leyst borgina úr þeim doða sem virðist hafa verin kominn upp og verið farinn að tefja fyrir stórum sem smáum mikilvægum verkefnum/ákvörðunum í borginni.

Ég er viss um að af verkum þeirra verða þau dæmd og þær tölur sem sjást nú í skoðanakönnun Fréttablaðsins verða ekki þær tölur sem taldar verða uppúr kjörkössum í borgarstjórnakosningunum 2010.  Því fólk á ekki að gleyma því sem gerst hefur í höfuðborginni heldur þvert á móti að leggja spilin á borðið fyrir kjördag og skoða með gagnrýnum augum hvaða meirihluti það var sem lét hendur standa fram úr ermum og lét verkin tala ásamt því að tryggja aðhald í fjármálum borgarinnar.  Þar tel ég að meirihluti Sjálfstæðis- og Framsóknarflokks beri höfuð og herðar yfir svo kallaðan 100 daga meirihluta sem Dagur B. Eggertsson leiddi enda afar fátt sem sá meirihluti getur státað sig af.

Fyrir mitt leyti hlakkar mig til borgarstjórnakosninganna 2010.

 

26,2% segjast styðja nýjan meirihluta

bílabón, nautakjöt, strokleður allan sólahringin en magnyl aðeins til miðnættis.

Vissulega er gott fyrir margt vaktavinnufólk að geta verslað utan heðbundins opnunartíma verslana.  En fyrir mitt leyti get ég hugsað mér margt annað en að versla strokleður og kennaratyggjó um hánótt.

Venjur landans hafa svo sannarlega breyst síðustu ár.  Ég man þegar ég var lítill þá var alltaf farið í Hagkaup í Skeifunni og gerð helgar innkaup, þakka fyrir að það hafi ekki verið notaðar tvær körfur, slík voru magn innkaupin.  Í dag getur maður verslað matvöru allan sólahringin og því enginn þörf lengur fyrir helgar "magn" innkaupum.

Nú getur maður sem sagt keypt bílabón, nautakjöt og strokleður allan sólahringin en maður getur ekki keypt magnyl eða pensilín eftir miðnætti þar sem ekkert apótek er opið allan sólahringin.  Þó hefði maður talið að einhverjir þyrftu að kaupa sér lyf að næturlagi sökum veikinda. 

Kannski verður það orðið þannig eftir nokkur ár að maður getur komið við í litlum þjónustukjarna sem opinn verður allan sólahringin þar sem öll þjónusta verður, matvara, fatnaður, lyf, skyndibiti, bensín og líkamsrækt.  Þá verður hægt að segja fyrir alvöru að í samfélaginu verður bæði A og B fólk, þ.e þeir sem vakna snemma og sofna snemma (A) og þeir sem kjósa að vakna seint og sofna enn seinna (B).

 

Skóladót allan sólarhringinn

Höldum áfram

Þegar það slitnaði uppúr samstarfi Sjálfstæðis- og Framsóknarflokks á sínum tíma urðu margir sjálfstæðismenn sárir enda ekki furða, þeir höfðu beðið þess engi að leysa borgarbúa undan klóm R-listans sáluga.  Þar sem úthverfi borgarinnar höfðu gleymst, enginn ný hjúkrunarrými höfðu verið reyst og síðast en ekki síðs hafði framúrkeyrsla í fjármálum orðin viðtekin venja en ekki undartekning.  Eftir langa bið kom upp ágreiningur sem mönnum bar ekki gæfa til þess að leysa á sínum tíma.

Góður félagi minn lýsti þessu við hjónaskilnað þar sem sambandið hafði farið út um þúfur þar sem hjónin hefðu verið ósammála og ég væri bara í sorgarferlinu á þeim tíma.

En eins og oft gerist þá skilja hjón á borð og sæng en ákveða svo að betra sé að leysa úr málunum því saman næðu þau betri árangri og væru hamingjusamari í saman en að vera aðskilin. 

Ég er þess fullviss að borgarbúar verða ánægðir með að samstarf Sjálfstæðis- og Framsóknarflokks sé nú aftur að verða að veruleika því eins og eflaust flestir muna náðist mikill árangur í borgarmálunum í fyrri meirihluta flokkanna.

Það hefur verið fróðlegt að fylgjast með fjölmiðlum síðustu daga og þá sérstaklega í dag.  Þar sem miklar vangaveltur hafa verið uppi.  Viðtöl hafa verið við ýmsa stjórnmálasérfræðinga og oddvita flokkanna í minnihluta borgarinnar.  Hjá þeim síðarnefndu hefur verið vart við mikla gremju og biturð, tala menn um að sjálfstæðismenn hafi breytt pólitíkinni hér í borginni, sett borgarstjórastólinn og önnur völd á uppboð o.s.frv.  Ég tel að sá er svona hefur talað þurfi að lýta sér nær.  Því þar þráðu menn svo í völd að þeir sömdu við þrjá flokka og einn stakan borgarfulltrúa um meirihluta án málefnasamnings, án stefnu og án sjáanlegs árangurs.

Uppá slíkt samstarf býður Sjálfstæðis- og Framsóknarflokkur ekki.  Málefnasamningur fyrir meirihluta flokkanna verður til viðmiðunnar með breytingum í takt við ástand þjóðfélags- og efnahagsmála í dag.  Fulltrúar flokkanna munu vinna ótrauðir að málum borgarinnar og borgarbúa allra hvort sem þeir eru búsettir í miðbæ Reykjavíkur eða í úthverfum

Hanna Birna verður án efa okkur borgarbúum til mikils sóma og það verður spennandi að fá að fylgjast með og taka þátt í þeim fjölmörgu verkefnum sem framundan eru hér í borginni okkur borgarbúum til heilla.

Hanna Birna borgarstjóri

Berum virðingu fyrir íslenska þjóðfánanum...

... en við eigum ekki að vera hrædd við að nota hann við öll góð tækifæri.  Ég hef lengi verið hugsað um það hve íslendingar eru hræddir við að nota fánann sinn.  Við eigum að sjálfssögðu að bera mikla virðingu fyrir þjóðfána landsins en við eigum hinsvegar að nota hann til þess t.d að merkja alla íslenska framleiðslu, þá er ég ekki að tala um að merkja hann vörum sem framleiddar eru erlendis en seldar hinsvegar hérlendis sem íslensk vara.  En öll vara sem sannarlega er unnin hér á landi á að sjálfssögðu að vera merkt okkar fallega fána.

Einnig eiga fjölskyldur og fyrirtæki að vera ófeiminn við að nýta sér fánan við góð tækifæri með veifum, borðum og öðru því um líku en gæta þarf skynsemismarka og að sjálfssögðu að bera virðingu fyrir landi, þjóð og fána.

Nærbuxur í fánalitum

Hann mun sitja næstu fjögur árin... og það sjálfkjörinn!

Það verður seint sagt að það sé ekki fjúk í kringum Ólaf Ragnar, það hefur alla tíð verið hvort heldur þegar hann var þingmaður og nú þegar hann er forseti.  Reyndar skrifaði ég einhverstaðar að nú þegar hann var sjálfkjörin forseti væri það mín skoðun að hann sæti ekki á forsetastóli með umboð frá landsmönnum.  Reyndar þykir mér það heldur tapurt að forsetaembætti landsins skuli þykja svona lítt spennandi að enginn frambærilegur aðili skyldi taka ákvörðun um að bjóða sig á móti sitjandi forseta.  Enda hefur það ávallt verið mín skoðun að embætti sem þetta á fólk að fá með skýrum kosningum en ekki með því að vera skjálfkjörið.

Ég hef einnig haft ákveðnar skoðanir um hvernig Ólafur Ragnar hefur farið með embættið og að mínu mati eru ekki allar þær breytingar sem hann hefur gert verið til góða. 

Til að mynda á þetta embætti ekki að tala gegn þingi landsins, forsetinn á að vera sameiningatákn en ekki sundrungartól þjóðarinnar.  Forsetinn á ekki að blanda sér í pólitík hvorki beint eða óbeint enda á eina tengingin forsetans við pólitík að vera þegar hann afhentir einhverjum leyfi til stjórnarmyndunar.  En því miður hefur Ólafur Ragnar ekki borið gæfa til þess að halda embættinu frá pólitík þvert á móti hefur hann leynt og ljóst reynd að gera embættið pólitískara með hverju ári sem líður.  Hvernig dettur Ólafi í hug að taka upp gamlar stjórnmálaskoðanir úr litlum flokk sem fáir landsmenn studdu í kosningum og heimfært upp á þjóðina í heild.  Það er hárrétt sem Björn Bjarnason segir að það hafi ávallt verið góður meirihluti sem studdi Nato aðild, varnarsamninginn sem og veru varnarliðsins.  Ég man ekki betur en margir hafi kveinkað sér þegar herinn ákvað að fara og það liggur við að yfirmótmælendur landsins þeir Steingrímur J. og Ögmundur hafi mótmælt þó svo ég vilji nú kannski ekki fullyrða það.

Það er annað sem embættið þarf að taka á og er það gífurleg aukning á rekstrarkostnaði sem farið hefur fram úr öllu hófi ár eftir ár. Sá er situr sem forseti hlýtur að þurfa gæta hófs í rekstri líkt og aðrir enda ætti það að vera metnaður viðkomandi að skila góðu búi eins og góðum stjórnanda sæmir.

Einkennilega að orði komist

Í útileigu með "venjulegan" tjaldvagn !

Já er nema von að maður segi í útileigu með "venjulegan" tjaldvagn, fjölskyldan er nú stödd í Húsafelli með þennan fína Compi Camp tjaldvagn sem við leigðum okkur hjá starfsmannafélaginu, vagninn er búinn öllum helstu þægindum á mælikvarða sem stóð fyllilega undir sínu 1995 eða svo.  Það fylgir honum gashellur, borð, stólar svo ekki sé nú talað um gashitaranum sem ekki fylgir nú með allsstaðar.  Við getum svo sem ekkert kvartað og erum síður en svo að því en ef ég lít út um gluggann hægra megin á tjaldvagninum þá er búið að leggja tíu metra löngum húsbíl eða á ég frekar að segja einbýlishúsi á hjólum sem búinn er öllum þægindum sem uppfylla svo sannarlega 2008. Í honum eru tveir flatskjáir, tölva, hjónarúm, klósett, sturta, uppþvottavél, innanhús símkerfi og gervihnattamóttakari, markísu og svo ekki sé nú talað um báða krossarana sem eru í kerru fyrir aftan bílinn, drullug upp fyrir hnakka svo greinilega hafa þau verið notuð um helgina.  Þá er komið að útsýninum sem blasir við mér þegar ég lít út um gluggan vinsta megin á tjaldvagninum þið munið þessum "venjulega" þar er búið að koma vel fyrir hjólhýsa af stærstu gerð velbúið og flott og ætti því að uppfylla allavega 2007 eða svo, einn flatskjár, tölva, klósett, sturta, markísa og gardínur bara svona svo eitthvað sé nú upptalið. 

Á meðan við hjónin spilum við krakkana veiðimann og ólsen ólsen eru unglingarnir á hinum stöðunum hugsanlega að spila EVE online eða aðra góða netleiki og maður getur ekki annað en glaðst yfir því að það sé 3G samband frá Símanum hér í Húsafelli svo fólk geti nú nýtt sér nýjustu tæknina út í hið ýtrasta.  En eitt er víst að allir skemmta sér hérna vel og greinilegt að gleðin skín út um hvern glugga hvort sem menn hýrast í "venjulegum" tjaldvagni, húsbíl eða hjólhýsi.

Hver segir svo að lífið sé ekki yndislegt?