Nýr bloggari mættur

Þá er komið að því, nýr bloggari hefur bæst í hópinn.  Hún Sólveig Þóra systir mín hefur ákveðið að byrja blogga og opnaði síðuna sína í dag.  Hægt er að skoða bloggið hennar hér.  Endilega kíkið við hjá henni.

Hraðinn

Þar sem mikil ferðahelgi er framundan þá er ágætt að horfa á þessa

 

Ökumaður lögreglubílsins hafði nóg annað að gera en að vera keyra.

Það var tvennt sem vakti athygli mína í þessu myndbandi.  Í fyrsta lagi hve ökumenn eru tregir að læra að hraðakstur borgar sig ekki og gerir það eitt að auka hætturnar bæði fyrir ökumanninn sjálfan sem og aðra sem í kringum hann eru.  En það vakti ekki síður athygli mína hvað var mikið að gera hjá lögregluþjóninum, hann var í forgangsakstri en hafði nóg annað að gera við að stilla myndavélina í bílnum sem og fikta í einhverju takkaborði.  Hefði haldið að ökumaður sem er í forgangsakstri ætti að einbeita sér að akstrinum eingöngu og láta annað liggja á milli hluta á meðan. 

 

Reyndi að komast undan lögreglu á 166 kílómetra hraða

Ökuleyfissvipting er rétta leiðinn

Það eina rétta sem lögreglan hefði gert fyrir þennan svokallaða ökumann væri að svipta hann ökuleyfinu og sekta hann um einhver hundruð þúsund.  Að ökumenn skulu geta leyft sér það að tefla lífi barna sinni í svona mikla hættu.  Hvernig dettur heilvita fólki í hug að leyfa 9 ára gömlu barni að sitja frammí ég bara spyr og hvað þá án öryggisbeltis??  Hélt að 2007 væri fólk betur upplýst um öryggismál barna í bílum.

En hvað hraðferðina þeirra varðar þá er spurning hvort hann hefði ekki getað beðið lögregluna um forgangsakstur þar sem hann var að "missa" af flugi líkt og einhver hér um daginn

Á 139 km hraða til að skoða Gullfoss og Geysi

Finnbogi eftir góða viský smökkun

Þessi mynd gæti verið tekinn af Finnboga eftir gott viský fyllerí.  Þó ótrúlegt megi virðast heldur hann því fram að viský sé betra en koníak.  Alveg merkilegt hvað sumir geta verið með "einkennilegar" skoðannir á sumum hlutum    En fyrir þau ykkar sem viljið kynnast Finnboga betur þá getið þið séð bloggið hans hér hér.

Lúkas - áður óbirtar myndir

Fundist hefur áður óbirt mynd af minningarathöfninni um hundinn Lúkas sem dó, lifnaði svo við, dó aftur og fannst svo sprelllifandi í fjallinu og hafði breytt um ham og var orðin eyfirsk fjallarotta.  Þessi minningarathöfn var haldinn í Boston.

Veldu 1 ef þú vilt fá samband við neyðarsíma, Veldu 2 ef þú vilt panta forgangsakstur innanbæjar, Veldu 3 ef þú vilt panta forgangsakstur utanbæjar

Veldur 4 ef þú vilt fá samband við skrifstofu, Ef ekkert er valdið færðu samband við skiptiborð...... Vinsamlegast athugið símtöl eru afgreidd í þeirri röð sem þau berast.

Í fljótu bragði gæti þetta verið svarvél lögreglunnar á höfuðborgarsvæðinu.

En ef við sleppum nú allri gamansemi útaf þessum forgangsakstri varðstjórans þá sýnir þetta dæmi svo ekki verði um villst mikilvægi þess að vera með innra eftirlit hjá lögreglunni eins og hjá öllum öðrum stofnunum.  Vissulega geta menn gleymt sér í starfi þar líkt og annarsstaðar.  Reyndar sé ég nú kannski ekki ástæðu fyrir því að kæra manninn, hefði ekki hugsanlega verið alveg nóg að áminna hann skriflega og/eða lækkað hann í tign innan lögreglunnar - ég er nokkuð viss um að hann hefði ekki látið sækja sig aftur á völlinn - allavega ekki með forgangi.

En það er annað sem mér þótti svolítið spaugilegt við fréttafluttningin bæði á Rúv og Stöð 2 það var að mönnum þótti mikilvægast að hann hefði nýtt sér forgangsakstur þegar hann var að fara erlendis í einkaerindum.... Hefði það verið í lagi ef hann hefði verið að fara erlendis í embættiserindum á vegum lögreglunnar.  Ég get ekki séð að það sé nokkur heimild fyrir því heldur!

Varðstjóri ákærður fyrir brot í opinberu starfi