Þá er það ákveðið

Þetta er farið að líta út eins og sápuópera þessi harmleikur stúlkunnar.  En vonandi fær hún farsælan endi núna geta allir andað léttar bæði hér heima sem og þeir sem búa vestan hafs.  Spurningin er bara hvað Mbl ætlar að nota til uppfyllingar á mbl

Erfðaskrá Smith gerð opinber og hinsta smurning heimiluð

Lottó 5/38

Það er nú bara orðin spurning hvort það eigi ekki að semja við Lottó um að sjá um úrdráttinn á hver fær leyfi og hver ekki.    Spurning hvort það eigi ekki að fara selja veiðileyfi á kindurnar, þar gætu allir fengið leyfi sem vildu og bændurnir myndu ekki láta þessi blessuðu dýr éta upp landið okkar.

Yfir 2700 umsóknir um leyfi til hreindýraveiða

Gleði - Virðing - Samvinna

Þetta eru einkunnarorð Sæmundarskóla í Grafarholti en kennarar og starfsfólk skólans unnu hörðum höndum við að finna skólanum þessi góðu einkunnarorð.  Það er mikil gróska í gangi hér í austanverðu Grafarholti byggð sem tengir fjölskyldulífið og náttúruna saman.  Reyndar urðu skipulagsslys við hönnu hverfisins enda kannski ekki skrítið þar sem R-Listinn kom að þeim málum það kaupfélagsbandalag er nú ekki frægt fyrir góð vinnubrögð hvorki hér í Grafarholtinu né annarsstaðar í austurhluta borgarinnar, til að mynda þá var ekki gert ráð fyrir neinni íþróttaaðstöðu í Grafarholti við skipulagninu hverfisins, en nú er nýr meirihluti borgarinnar að reyna koma því í gott lag eins fljótt og kostur er.

Að lokum hvet ég ykkur til þess að líta við og skoða nýja heimasíðu Sæmundarskóla, þið getið skoðað hana með því að smella hér.

You porno dog

Ég segi nú ekki meir, en það veður fróðlegt að fylgjast með fréttum af þessum viðburði, ætli fólk sé ekki byrjað að mála kröfuspjöldin strax.  Er ekki óhætt að segja að með þessu sé Ísland búið að stimpla sig rækilega inn sem land ráðstefna í heiminum?  Hverjir ætli verði heiðursgestir ráðstefnunnar og hvaða íslenski pólitíkus skyldi nú opna hana, þar sem það eru nú að koma kosningar.  Ætli Ingibjörg rjúki ekki til, hún virðist vera farinn að nota hvert það tækifæri sem gefst til þess að koma fram í fjölmiðlum!

Klámþing verður haldið hér á landi í næsta mánuði

Boeing 747

Góðir farþegar við lækkum nú flugið og búum okkur til lendingar, við vonum að flugferðin hafi verið ánægjuleg og vonumst til þess að sjá ykkur sem flest aftur  

Þessi fyrirsögn er hrein snilld, kannski málfræðilega rétt en ég held að maður hafi oftar séð

fyrirsögn á við "varað er við fljúgandi hálku" eða "Flughált er á" en svona er nú lífið, það þarf ekki mikið til þess að gleðja mann

Varað við flughálku bæði á Fljótsdal og Jökuldal

Chocolat algjörlega ómissandi.

Það var vel við hæfi á valentínusardaginn að horfa á stórmyndina Chocolat með þeim Juliette Binoche, Judi Dench, Alfred Molina, Lena Olin og Johnny Deep.  Hreint út sagt mögnuð mynd sem engin ætti að láta fram hjá sér fara.

Myndin er frábær grínmynd og óhætt að segja að Alfred Molina hafi farið á kostum sem bæjarstjórinn í Franska smábænum.  Hverjum hefði órað fyrir því að lítil konfektbúð komið öllu úr "reglu" í smábænum.

Þetta er einfaldlega mynd sem allir verða sjá!

Guð sé lof að þetta var ekki FÍLL

Ég segi nú ekki meir!  Hvaða tilgangi þjónar það að geyma allan líkama konunnar, mér er bara spurn?  Er ekki nóg að taka DNA sýni úr henni til að bera saman.  Varla ætla þeir að geyma búkinn í 20 ár og láta svo aumingja barnið standa við á milli "feðranna" og svo líksins og kanna hvaða blanda kemur sterkust inn?  Þetta er auðvitað alveg út í hött.

Minnir mig á manninn sem var að mála hurð og þegar hann var hálfnaður þá kláraðist málningin, hann ákvað að taka hurðina með sér útí Hörpu málningu til þess að vera öruggur um að fá rétta litinn, en tók ekki með sér málningafötuna   Sama segi ég með Önnu Nicole, guð sé lof a hún var ekki fíll, því það hefði ekki verið auðvelt að geyma hann

Lík Önnu Nicole varðveitt vegna faðernisprófs

Hrein gjöf ekki nema 51 milljón !

Þetta er auðvitað ekkert verð fyrir góða stúku á réttum stað.  Ekki nema 50.873.900 kall staðgreitt!  Minna má það nú ekki vera þar sem maður finnur næstum því ilmvatnslyktina af drottningunni sjálfri nú eða séð nefhárin á Karli sjálfum.  Nú verða íslendingar að standa saman og kaupa stúkuna og helst konungsstúkuna líka, það hlýtur að vera hægt að kaupa hana á, hvað eigum við að segja 100 milljónir eða svo, þetta er ekki einu sinni einbýlishúsaverð! 

Hálf stúka í Royal Albert Hall til sölu á 385 þúsund pund

Nýir tímar

Jæja þá er komið að því, síðasti dagur fyrirtækisins er runninn upp, fyrirtækið mun sameinast öðru fyrirtæki á morgun og munu vörurnar okkar framvegis vera seldar undir merkjum nýju kaupendanna.  Ég held ég geti sagt að tilfinningarnar séu blendar þó ekki á neikvæðan hátt frekar er vill fólk líta björtum augum á framtíðina fyrirtækinu og vörumerkjunum til heilla.  Það er bæði kvíði og tilhlökkun í mannskapnum eins og eðlilegt er.  Sumir halda áfram störfum hjá stærra og öflugra fyrirtæki en aðrir róa á önnur mið og hefja störf annarsstaðar og án efa eiga allir eftir að una vel við sitt hvar sem þeir munu starfa eftir daginn í dag.

Fagra Ísland er stefna næstu 6 mánuði og svo ?

Það verður fróðlegt að vita hver er afstaða Samfylkingarinnar í Hafnarfirði er í raun og veru í garð stækkunar á álverinu í Straumsvík.  Þar sem bæjarstjórinn í Hafnarfirði er fulltrúi Samfylkingarinnar. 

Hann hefur farið fram bæði leynt og ljóst og boðað mikilvægi stækkunnar á álverinu.  Sú stefna flokksins í Hafnarfirði er algjörlega á skjön við "nýja" stefnu Samfylkingarinnar Fagra Ísland sem m.a. gengur út á að fresta öllum stóriðjuframkvæmdum á höfuðborgarsvæðinu næstu ár. 

Það hefur þó ekki fengist uppgefið hjá formanni flokksins hvað hún meinar með því að segja nokkur ár, hvort hún er að tala um 1,2,5 eða 10 ár?  Ég hugsa nú samt að hún sé aðeins að tala um 6 mánuði eða svo þannig að stefnan hangi rétt fram yfir kosningar! 

Eins og málin hafa þróast s.l. ár þá hefur Samfylkingin búið til stefnur eftir að skoðanakannanir hafa verið birtar í þeim tilgangi og þeim tilgangi einum að reyna hífa upp fylgi flokksins.  Þegar svo stefnur hafa ekki gengið og fylgið hefur ekki hækkað þá er einni stefnunni hent út fyrir þá næstu með von um aukið fylgi.

 

Vilja fá að vita hver afstaða fulltrúa Samfylkingar er til stækkunarinnar