Spakmæli dagins

Rakst á þetta spakæli í morgun og ákvað að setja það hér inn mér og öðrum til ánægju  

Hvað sem þig kann að henda, þá láttu þér aldrei gleymast, 
að þú ert ekki bundinn við að fara yfir götuna sem þú valdir. 
Þér er frjálst að leita uppi aðra leið, ef þú finnur að þú ert að villast.
Stig Dagerman

Kennitölusýki eða þráhyggja !

Þegar ég var að velta því fyrir mér með Kaupþing og gjaldeyrin í dag þá fór ég allt í einu að velta fyrir mér kennitölunni minni almennt.  Fór að velta því fyrir mér hvar ég hefði gefið hana upp og hvar ekki.  Ég tók til að mynda DVD mynd á videoleigunni um daginn og þurfti að gefa upp kennitöluna, ég fór fyrir tveimur vikum og keypti mér skyrtur og þurfti að gefa upp kennitöluna mína, sama mál var þegar ég keypti brauðrist í sumar, þ.e ef ég vildi fá 2 ára ábyrgð á hana þá varð ég að gefa upp kennitölu, svo er það nú blessað bankakerfið, hjá lækninum, hjá endurskoðandanum eða rafrænni Reykjavík þú færð einfaldlega ekki þjónustu án þess að gefa upp kennitöluna þína.  Þú ert hreint og beint búinn að segja allt og öllum kennitöluna þína, hvort heldur sem þér líkar betur eða verr.

Þá mundi ég eftir samtali við þjóðverja sem ég átti fyrir nokkrum árum og skoðun hans á ofnotkun kennitölunnar hér á landi.  Hann skyldi einfaldlega ekki af hverju allir þyrfti að fá kennitölu viðskiptavinarins, ég skil það svo sem ekki heldur, en hvað getur maður gert annað en að gefa upp blessuðu kennitöluna.

Ég man eftir viðtali við lögfræðing persónuverndar sem var í útvarpinu fyrir u.þ.b. 3-4 árum, þar ræddi hún um mikilvægi þess að fólk óskaði eftir leyfi persónuverdar vildi það safna kennitölum.  Mér vitanlega er ekki eftirlit að hálfu stofnunarinnar á því og tel ég víða pottur brotinn í þessu sambandi.

Af hverju eru t.d myndbandaleigur, læknar og rafræn Reykjavík ekki með notendanafn eða númer í stað kennitölu.  Já spyr sá sem ekki veit !

Hver vegna eru ekki frjáls gjaldeyrisviðskipti ! ?

Ég var staddur í Kauþing á föstudaginn sem er ekki svo frásögu færandi nema að maðurinn sem var á undan mér var að óska eftir því að fá keyptan gjaldeyrir.

Það var svo sem ekki mikið mál EN hann vildi ekki gefa gjaldkeranum upp kennitöluna sína!  Hann vildi fá einfaldri spurningu svarað sem var " Hvers vegna þarftu kennitöluna mína þegar ég er að kaupa gjaldeyri? "  Svar gjaldkerans var einfalt " Ef ég fæ ekki kennitöluna þína þá færð þú EKKI gjaldeyri, svo einfalt er málið" " þú getur reynt að ræða við útibústjórann, en hann mun jafnframt neita þér"  En svona til þess að það valdi engum misskilning þá var gjaldkerin síður en svo dónalegur, heldur var einfaldlega að benda á þær reglur sem henni væru settar.

Það er oft rætt um að við séum heppinn þar sem m.a við getum átt frjáls gjaldeyrisviðskipti þegar okkur hentar og með þá upphæð sem við kjósum.  Má vel vera !

EN hvers vegna í ósköpunum biðja allir bankar fólk, sem er að skipta eða kaupa gjaldeyri um kennitölur viðkomandi?  Reglur bankann eru mjög skýrar - ef þú neitar að gefa upp kennitöluna þá færðu ekki gjaldeyrir - PUNKTUR.

Ég spyr hvers vegna?  Hvað kemur bankanum við hver sé að kaupa gjaldeyri?  Svo framalega sem viðkomandi greiði fyrir hann! 

Ég get ekki séð tilgang bankanna með því að óska eftir þessum upplýsingum, ekki nema þá að þeir vilji senda þér sólalandar hankæði, skíðalúffur eða einhvern annan ruslpóst því ekki getur annar tilgangur verið en sá að njósna, eða hvað?

Getur einhver svarað mér því ?

Ég á ekki svo langt í land

Betur má ef duga skal, segi ég nú bara.  Ég sem kalla mig góðan þegar ég fer á þrekhjól í Hreyfingu og hjóla 1,5 til 2 klukkustundir.  Ég sem var viss um að það væri nærri því heimsmet   En af hverju eru menn að slá heimsmet í því að hjóla á þrekhjóli, hvað græðir maður á því?  þ.e fyrir utan að komast í enn betra form en maður er í ? 

Heimsmet á þrekhjóli

Sem betur fer

Vel má vera að háskólinn missi nú góðan mann, erum við ekki öll góð inn við beinið?  Öll höfum við kosti og galla hvert á okkar sviði.  En mér hefur alltaf fundist það hálf broslegt þegar embættismenn innan háskólans eru þeirrar skoðunnar að þeir eigi sínar stöður með húð og hári.  Ég er svo sem ekki að setja út á það þegar fólk tekur sér launalaust leyfi í 12 mánuði eða svo en það er annað mál þegar fólk ætlar sér að taka frí launalaust í óskilgreindan tíma gætu verið 12 mánuðir og gætu verið 10 ár.  Viljum við virkilega hafa það svo að þegar fólk hefur fengið embættishlutverk í háskólanum að það geti notað þá stöðu sem einhverskonar björgunarbát um aldur og ævi þegar og ef það ákveður að snúa til baka ?  Ég segi einfaldlega NEI

Þetta væri svona álíka og ef ég í minni vinni tæki mér leyfi til þess að fara vinna fyrir samkeppnisaðilan í ótilgreindan tíma og þegar ég væri orðinn leiður þar þá myndi ég bara snúa mér aftur til gamla vinnuveitandans og segja.... Hæ ég er kominn aftur, hvar er stóllinn minn...  Algjörlega út í hött.

Við þig Einar vil ég óska þér alls hins besta í nýju starfi og ég er þess fullviss að þú munt sóma þér vel á Bifröst enda Borgarfjörðurinn næst fallegasti staður landsins.

 

Fær ekki launalaust leyfi

Norðmenn eiga þetta ekki og við vitum það öll

Já nú skal spyrja hver er réttmætur eigandi fjársjóðsins !

Nú mæli ég með að allir sem vettlingi geta valdið fari í íslendingabók og athugi ættir sýnar aftur til ársins 800 eða svo, ég tala nú ekki um þá sem eru í blóðflokk A+ eða A-, þar sem sagan segir að þeir séu komnir af Norskum víkingum, gæti það verið að hugsanlega lang lang lang lang lang afi þinn hafi átt gullið nú eða bróðir hans sem átti enginn börn og því hefði lang lang lang lang lang afi þinn átt að erfa bróður sinn og þú þar með talið líka?  Nú skulu allir læsir sem ólæsir leggjast í lestur ættfræðivefa, ættfræðibóka og hefja "yfirherslu" allra ættingja.... við skulum fá það sem við eigum skilið

Mikill víkingafjársjóður fundinn í Noregi

Við eigum það allt skilið

Það var lagið.  Enda er það ekkert nema sanngjarnt að við höfuðborgarsvæðisbúar fáum meira af snjó, sól, rigningu og roki en þeir norðanmenn já og konur sem á Akureyri búa.  Enda búa flesti hér  nei ég segi nú bara svona.

Umtalsvert meiri snjódýpt í Reykjavík en á Akureyri

prozac-þjóð

Alveg mögnuð frétt og þið getið giskað á hvaðan........auðvitað vinum okkar í Bandaríkjunum.  Það næsta sem við heyrum verður eflaust að hundar verða settir á Rídalín ef þeir gelta of mikið eða páfagaukarnir vegna þess að stanga of mikið í búrið.....   Hvenær er nóg komið!

Prozac fyrir gæludýrin

Tuborg besta forvörnin...

Það er nú bara orðin spurning hvort maður þyrfti ekki að fara vera með mjöð í bílnum, svona ef ske kynni að maður myndi rekast á innbrotsþjóf.   Ef konan sem var rænd ferðatölvunni um daginn og heyrði þjófinn segja "ég get borgað þér núna" þegar hann var að tala í símann.  Ef hún hefði haft bjór á sér þá hefði hann hugsanlega dokað við og þá hefði lögreglan líklegast bara náð honum. 

Hreint og klárt : Ný forvörn í innbrotsvörnum.... skyldu Öryggismiðstöðin bjóða uppá tilboð sem væri eitthvað á þessa leið. 

Þráðlaust öryggiskerfi

Slökkvitæki

1 kassi bjór (af eigin vali)

1 sjúkrakassi

Allt þetta og meira til á kr. 7.999 á mánuði...... hum maður myndi kannski hugsa sig um ....

 

Vísir, 12. jan. 2007 22:45

Bjór gegn glæpum

Tveir hjálpsamir menn í Flórída í Bandaríkjunum náðu að handsama ræningja sem lögregla var að leita að. Og hvernig? Jú, með því að gefa honum bjór.

Mennirnir tveir voru vitni að innbroti í bíl og létu lögreglu vita. Þegar lögreglan kom á vettvang flúði þjófurinn og lögreglan fór í humátt á eftir honum. Mennirnir ákváðu þó að leita að þjófinum sjálfir og keyrðu í svipaða átt og þjófurinn hljóp. Að lokum fundu þeir hann sitjandi á vegarbrúninni.

Í stað þess að öskra á manninn þá buðu þeir honum bjór og far upp á þjóðveg. Þjófurinn var fljótur að segja já, hentist inn í bíl og fékk kaldan bjór í hendurnar. Mennirnir snéru þá við og keyrðu þjófinn beint í hendur lögreglu. Ekki er vitað hvort að þjófurinn hafi fengið að klára bjórinn.

Breska dagblaðið Metro skýrir frá þessu á vefsíðu sinni.

Handteknir fyrir að fita hundinn

Já það er eins gott að passa línurnar hjá öllum á heimilinu.  Skyldi maður geta fengið dóm ef maður fitar kóngulærnar of mikið. 

Vísir, 12. jan. 2007 21:15

Handteknir fyrir að fita hundinn

Tveir breskir bræðir hafa verið dæmdir fyrir brot á dýraverndunarlögum en þeir gáfu hundinum sínum Rusty meira að éta en honum var gott. Vesalings Labradorhundurinn þyngdist um næstum fjórtán kíló á tveimur árum og eins og sjá má líkist hann meira rostungi en venjulegum hvutta.

Bræðurnir, sem eru 53 og 62 ára gamlir, kváðust hins vegar aðeins hafa dekrað hundinn vegna mikillar væntumþykju í hans garð og því ákváðu dómarar að skilorðsbinda refsingu þeirra gegn gegn því að þeir gæfu greyið dýrinu minna að éta.