Þá er það orðið klárt.

Þá hefur listinn verið ákveðinn fyrir Sjálfstæðisflokkinn í Suðurkjördæmi.  Öflugur listi með sterkum einstaklingum sem saman mynda góða heild.

Framboðslisti Sjálfstæðisflokksins í Suðurkjördæmi samþykktur

Árni Johnsen verður í 2. sæti

Árni Mathiesen, fjármálaráðherra og Árni Johnsen kankast á kjördæmisráðsfundinum. á Hótel Örk

Vísir, 21. jan. 2007 14:07

Árni Johnsen fær annað sæti á lista Sjálfstæðismanna í Suðurkjördæmi. Tillaga um að raða efstu mönnum samkvæmt úrslitum prófkjörs var samþykkt með tveimur þriðju greiddra atkvæða á kjördæmisþingi Sjálfstæðismanna sem haldið var í Hveragerði síðdegis. Um þriðjungur vildi Árna burt, samkvæmt öruggum heimildum. Sérstök tillaga um að fella Árna Johnsen af Framboðslista Sjálfstæðisflokksins á Suðurlandi var felld.
 
Árni Mathiesen, fjármálaráðherra hlaut þar fyrsta sæti í prófkjörinu í nóvember, Kjartan Ólafsson varð í þriðja sæti og Björk Guðjónsdóttir í því fjórða. Athygli vakti í prófkjörinu að tveimur sitjandi þingmönnum, Drífu Hjartardóttur og Guðjóni Hjörleifssyni, var hafnað.
Nokkur kurr hefur verið innan Sjálfstæðisflokksins vegna framboðs Árna Johnsen en efstu menn í prófkjörinu hlutu ekki bindandi kosningu. Vangaveltur voru uppi um að kjördæmisráðið kynni að hvika frá prófkjörsúrslitum og leggja til breytingar á listanum þegar hann verður lagður fyrir kjördæmisþingið. Tillagan sem lá fyrir fundinum og samþykkt var að lokum, gerði ráð fyrir prófkjörsröð efstu manna á listanum, en ljóst er af niðurstöðunum að talsverður fjöldi var á móti veru Árna á listanum. Sjálfstæðisflokkurinn hefur nú þrjá þingmenn á Suðurlandi.

Lagt til að Árni Johnsen verði felldur af listanum

Árni Mathiesen, fjármálaráðherra og Árni Johnsen kankast á kjördæmisráðsfundinum. á Hótel Örk

Vísir, 21. jan. 2007 14:07

Tillaga um að fella Árna Johnsen af framboðslista Sjálfstæðisflokksins á Suðurlandi var lögð fyrir kjördæmisþingið sem nú stendur yfir í Hveragerði. Þessa stundina er verið er að greiða atkvæði um hvort vísa eigi þessari brottfallstillögu frá. Atkvæði eru skrifleg því 2/3 atkvæða þarf til að ákveða þetta.
Það kemur fljótlega hvort kjördæmisráð Sjálfstæðisflokksins á Suðurlandi leggur til að Árni Johnsen skipi annað sæti á lista flokksins í samræmi við útkomu í prófkjöri í kjördæminu ellefta nóvember.
Árni Mathiesen, fjármálaráðherra hlaut þar fyrsta sæti, Kjartan Ólafsson varð í þriðja sæti og Björk Guðjónsdóttir í því fjórða. Athygli vakti í prófkjörinu að tveimur sitjandi þingmönnum, Drífu Hjartardóttur og Guðjóni Hjörleifssyni, var hafnað. Fundur kjördæmisráðs hófst á Hótel Örk í Hveragerði klukkan 14.
Nokkur kurr hefur verið innan Sjálfstæðisflokksins vegna framboðs Árna Johnsen en efstu menn í prófkjörinu hlutu ekki bindandi kosningu. Vangaveltur voru uppi um að kjördæmisráðið kunni að hvika frá prófkjörsúrslitum og leggja til breytingar á listanum þegar hann verður lagur fyrir kjördæmisþingið. Tillaga sem lá fyrir fundinum gerði ráð fyrir prófkjörsröð efstu manna á listanum. Sjálfstæðisflokkurinn hefur nú þrjá þingmenn á Suðurlandi.

Ætla menn aldrei að læra ?

 

Hvar enda þessi ósköp, þrátt fyrir mikla umræður í öllum fjölmiðlum um alvarleika hraðaksturs á virðast menn nú eða konur ekki vera að taka það til sín miðað við fréttirnar.  Það er enn verið að taka menn á vel yfir löglegum hámarkshraða !

Við þurfum að taka höndum saman og fækka hraðaksturs tilfellunum.

Hraðakstur og ölvun á Suðurnesjum

Hert fita BÖNNUÐ í New York

Fyrr í kvöld las ég afar áhugaverða grein í Heilsufréttum sem gefið út af Heilsuhúsinu. 

Ákvað að setja hana hér inn og deila henni með ykkur, þetta er málefni sem kemur okkur öllum við.  Við fjölskyldan hættum reyndar að nota olíu til matargerðar fyrir einu og hálfu ári síðan !

Matargöt um allan heim háma í sig franskar kartöflur, djúpsteiktar flögur, pizzur og sötra heitt súkkulaði án þess að átta sig á því, að stórhættuleg, hert fita er notuð í allan þennan varning.  Þó ekki New York, þar sem heilbrigðiseftirlitið ákvað í byrjun desember að gera herta fitu útlæga úr borginni.  Þó kom ákvörðun heilbrygðisyfirvalda í New York ekki á óvart en vakti lilta kátínu hjá talsmönnum veitingahúsa og skyndibitastaða, sem vita ekki almennilega hvernig þeir eiga að fara að því að djúpsekja franskar án hertrar fitu.  Þeir fá að vísu aðlögunartíma og helstu skyndibitakeðjur Bandaríkjana gera tilraunir með öðruvísi feiti en herta olíu.

Nú orðið vita flestir að hert olia er oftast nær jurtaolia sem blandað hefur verið vetni í til að olían harðni og fljóti ekki lengur.  Hert fita veldur því að magn vonds kólesteróls í blóðinu eykst en góða kólesterílið minnkar.  Heilbrigðisyfirvöld segja hvern einasta Bandaríkjamann innbyrða um tvö kíló af hertri fitu árlega!  Hert fita er ekki einungis notið til steikingar, heldur í bakstur: pizzubotnar og kex; en líka tilbúnum súkkulaðidrykkjum sem seldir eru sem duft, svo að dæmi séu tekin.

Veitingahús í New York verður bannað að nota steikingarfitu sem inniheldur transfitusýru frá og með 1 júlí n.k og frá og með 1 júlí 2008 mega veitingahús ekki selja nein matvæi sem innihalda transfitusýru.

25 mars söfnunin - allir með

Ég er að velta því fyrir mér hvern ég get fengið til þess að spila í afmælinu mínu !

Hef verið að skrá nokkur valin kunnar hljómsveitir niður á blað og gera smá kostnaðarsamtekt vegna afmælisins hjá mér þann 25 mars n.k.

1. U2

2. Rolling Stones

3. Robbie Williams

4. David Bowie

5. Cold Play

6. Eric Clapton

þetta eru allt saman gott tónlistarfólk sem tekur um og yfir 70 milljónir fyrir "nokkur" lög, svo hef ég verið að velta því fyrir mér hvort ég ætti frekar að bjóða uppá

1b. Stuðmenn

2b. Paparnir

3b. Sálin hans Jóns mins

4b. Bó Hall

5b. Ampop

6b. Nylon

Þetta eru ekki síður fríður flokkur tónlistamanna og kvenna en taka ekki nema kannski í mesta lagi tvær milljónir fyrir að spila heilt kvöld.

Það sjá það allir að það er úr vöndu að ráða hvern maður á að fá til þess að spila.  En til þess að eiga möguleiga á að panta úr öðrum hverjum flokknum hef ég ákveðið að starta söfnun undir heitinu "25 mars söfnunin - allir með" - Nú bið ég alla sem vettlingi geta valdið að aðstoða mig með framlagi, eins og allir vita þá gerir margt smátt eitt stórt  .................

Já ekki má maður vera minni maður í dag en ....................

 

Land og þjóð til heilla

Um leið og ég vil þakka Guðfinnu fyrir gott starf í þágu menntamála í landinu vil ég óska henni alls hins besta á nýjum og ábyrgðafullum starfsvettvangi.  Hennar bíða án efa mörg mjög spennandi verkefni til heilla fyrir land og þjóð.  Hún skipar 2 sætið á lista Sjálfstæðisflokksins í Reykjavík Norður og verður því í ábyrgðamikilli stöðu eftir kosningar fái flokkurinn til þess stuðning að stýra landinu áfram, land og þjóð til heilla !

 

Nýr rektor tekur við stjórn Háskólans í Reykjavík

Elton John - Er ekki verið að grínast ?

Er verið að segja mér það rétt að það hafi þurft að borgar Elton John 70 millljónir fyrir það að spila.  Eru menn að verða klikkaðir!  Ég sem hélt að það væri stórstjarna að koma til landsins, en svo kemur einhver gamall kall !  (ekki það að ég hafi neitt á móti öldruðum).  En ef ég hefði verið Óli í Samskip í einn dag hefði ég borgað stuðmönnum 1,5 milljón og sparað mér 68,5 milljónir sem ég hefði getað notað til þess að bæta þjónstu Samskipa nú eða gefið restina til góðgerðamála á íslandi!

En Óli - Til hamingju með afmælið  

 

Vísir, 20. jan. 2007 17:43

Elton John spilar í einkaveislu í Reykjavík í kvöld

Hinn heimsfrægi tónlistarmaður Elton John verður meðal skemmtikrafta í fimmtugs-afmælisveislu Ólafs Ólafssonar, stjórnarfomanns Samskipa, sem haldin verður í ísheimum frystigeymslu Samskipa við Vogabakka í kvöld. Elton John stígur á svið klukkan hálf níu og spilar í klukkustund.

Mikil leynd hefur hvílt yfir komu stórstjörnunnar hingað til lands. Skemmtidagskrá kvöldsins er auk þess prýdd fjölda innlendra og erlendra stjarna. Björgvin Halldórsson, Bubbi Morthens og Kristjana Stefánsdóttir syngja með Stórsveit Reykjavíkur. Ekki er vitað hvaða greiðslu Elton John tekur fyrir komuna hingað, en heyrst hafa tölur allt upp í eina milljón dollara.

Elton verður sextugur í mars

Elton John sestur upp í bílinn sem ók honum frá einkaþotunni á Reykjavíkurflugvelli
MYND/Stöð 2

Elton John heldur sjálfur upp á stórafmæli í á þessu ári. Hann verður sextugur 25. mars og hélt tónleika af því tilefni í Madison Square Garden í New York fyrr í þessum mánuði. Næsta auglýsta tónleikaröð með honum verður í Las Vegas, þar sem hann spilar 12 sinnum á Caesars Palace hótelinu/spilavítinu 30. janúar til 17. febrúar. Hann hét upphaflega Reginald Kenneth Dwight, en varð stærsta poppstjarna áttunda áratugarins undir nafninu Elton John. Hann garf út sína fyrstu plötu 1969, Empty Sky, en varð ekki þekktur fyrr en með laginu "Your Song" af annarri plötunni, sem bar nafn hans og hafði að geyma lög Eltons John með textum Bernie Taupins.


Ólafur Ólafsson, stjórnarformaður Samskipa, og eiginkona hans, Ingibjörg Kristjánsdóttir landslagsarkitekt, kynntu í morgun að þau hefðu stofnað velgerðarsjóð og lagt honum til einn milljarð króna í stofnframlag. Tekjum sjóðsins verður varið til ýmissa verkefna í þróunarlöndum og á Íslandi.
Ólafur Ólafsson er fæddur 23. janúar 1957. Hann var ráðinn forstóri Samskipa hf. árið 1990 og varð starfandi stjórnarformaður Samskipa 2003. Hann kom við sögu í baráttunni um Ker hf. og hafði betur. Hann var í forsvari fyrir Kjalar ehf. sem hafði betur gegn Gretti í baráttunni um félagið. Ker hf og Kjalar voru sameinaðir undir merki Kjalars. Eignarhlurinn í Kaupþingi var færður undir Kjalar invest bv.

Ólafur er er stjórnarformaður Alfesca og stjórnarformaður Kjalars invest. Kjalar er annar stærsti hluthafi Kaupþings banka. Ólafur fór fyrir hópnum sem keypti Búnaðarbankann.

Sjá kellu

Þá hefur það fengist staðfest, sá orðrómur sem uppi hefur verið í langan tíma um að hún hyggi á framboð til forseta.  Ég held svei mér þá að það sé allt betra en þessi blessaði Bush sem virðist geta klúðrað ótrúlegustu hlutum á skömmum tíma.

Ég hef fulla trú á því að hún nái langt í framboðinu, en til sigurs er ég ekki eins viss um.

Hillary Clinton hyggur á forsetaframboð

Eiga þingmenn að hafa ótakmarkaðan ræðutíma?

Það er könnun í gangi á visir.is þar sem spurt er 

Eiga þingmenn að hafa ótakmarkaðan ræðutíma?

Eins og staðan er núna þá er mikill meirihluti landsmanna sem vill takmarka ræðutíma þingmanna, þar sem þeir virðast ekki hafa vit á því sjálfir!