Sjöundi var Hurðaskellir

 

Sjöundi var Hurðaskellir,

- sá var nokkuð klúr,

ef fólkið vildi í rökkrinu

fá sér væran dúr.

 

Hann var ekki sérstaklega

hnugginn yfir því,

þó harkalega marraði

hjörunum í.

Sá sjötti, Askasleikir

 

 

Sá sjötti, Askasleikir,

var alveg dæmalaus. –

Hann fram undan rúmunum

rak sinn ljóta haus.

 

Þegar fólkið setti askana

fyrir hött og hund,

hann slunginn var að ná þeim

og sleikja á ýmsa lund

Sá fimmti, Pottaskefill,

 

 

Sá fimmti, Pottaskefill,

var skrítið kuldastrá.

- Þegar börnin fengu skófir

hann barði dyrnar á.

 

Þau ruku´ upp, til að gá að

hvort gestur væri á ferð.

Þá flýtti ´ann sér að pottinum

og fékk sér góðan verð.

 

(Jóhannes úr Kötlum) 

34 mínútur í dauðateygjunum

Angel Diaz,

Ég hef oft verið að velta því fyrir mér hvað það sé sem réttlætti dauðarefsingar, hvað gefur okkur það vald að taka manneskju af lífi!? 

´

Eins og sjá má þá er ég á móti dauðarefsingum og það sem meira er þá er ég andvígur þeim í öllum tilfellum.  Ég get ekki séð hvernig nokkur maður getur tekið sér það vald sem aðeins guð almáttugur hefur, nú eða sá aðilli sem ræður ríkjum í þeirri trú sem menn og konur iðka.

Ég sá á Vísir fréttina hér fyrir neðan og þá vaknar upp sú spurning hvor aðillinn er betri, sá sem fremur hrottalegan glæp á götum úti eða þessi böðull sem framkvæmdi aftökuna á Angel Diaz?  Á einhver skilið slíkan dauðdaga,

ég bara spyr !?

Vísir, 15. des. 2006 21:49

Lyfin láku úr æðunum

Ónákvæmni í stungu sprautunnar leiddi til rúmlega hálftíma langs dauðastríðs dauðadæmds fanga. Niðurstöður krufningar leiddu í ljós að sprautunálinni var stungið í gegnum æðarnar í bæði skiptin sem maðurinn var sprautaður og þannig láku lyfin út fyrir æðarnar. Flestir deyja á örfáum mínútum eftir slíka sprautu

Flórídaríki stöðvaði allar aftökur um óákveðinn tíma eftir að niðurstöðurnar lágu fyrir.

Hæstaréttardómari í fylkinu sagði í kvöld að löggjöfin um það að dauðarefsingum skuli framfylgt með þessum hætti sé meingölluð og standist ekki stjórnarskrá. Hann sagði hins vegar að ekki þyrfti endilega að hætta við sprauturnar, löggjöfina mætti lagfæra.

Sá fjórði, Þvörusleikir,

 

 

Sá fjórði, Þvörusleikir,

var fjarskalega mjór.

Og ósköp varð hann glaður,

þegar eldabuskan fór.

 

Þá þaut hann eins og elding

og þvöruna greip,

og hélt með báðum höndum,

því hún var stundum sleip.

 

(Jóhannes úr Kötlum) 

Greinapróf fyrir alla verkfræðinema - STRAX - takk fyrir !

Er ekki allt í lagi með þetta fólk.  Hvað fær verkfærðinema við háskólann til þess að setja svona upplýsingar inn á heimasíðu sína, ég geri ráð fyrir að hún sé ekki vistuð á heimasvæði háskólans.

Ég held svei mér þá að það ætti að taka þennan pilt í sálfræðigreiningu og kanna hvort ekki séu allar síður til staðar!  og hana nú! 

Vísir, 14. des. 2006 18:30

Verkfræðinemar leiðbeina um sprengjugerð

Ítarlegur leiðarvísir á íslensku um sprengjugerð og kveikibúnað hefur verið öllum aðgengilegur á heimasíðu verkfræðinema í Háskóla Íslands. Sprengjusérfræðingur Landhelgisgæslunnar segir ótrúlegt að til sé fólk sem birti svo háskalegar upplýsingar.

Í saklausri leit að kökuuppskrift gúglaði maður saltpétur á netinu og rakst þá á þessa ítarlegu handbók á íslensku um sprengjur.

Í handbókinni er farið yfir sprengiefni, meðal annars er sagt frá áburði sem notaður var til að sprengja byggingu í Oklahóma og drap 168 manns. Eins og segir í handbókinni íslensku þá rústaðist byggingin þannig að öll framhliðin sprengdist í tætlur.

Þarna eru líka nákvæmar leiðbeiningar um hvernig eigi að búa til rörasprengju og fjarri því að fólk sé hvatt til að láta sprengjugerð vera - þvert á móti - þar segir : þegar þú sprengir reyndu þá að snúa töppunum frá þér.

Og svo er farið yfir einfaldan kveikibúnað fyrir sprengjur, t.d. hvernig þú getur útbúið kveikjubúnað með fjarstýrðum bíl - nú eða tímasprengju með vekjaraklukkunni þinni.

Óvíst er að foreldrar séu verkfræðinemanum þakklátir svona rétt fyrir gamlárskvöld þegar krakkar eru líklegri en á öðrum árstímum til að fikta við sprengjugerð í óvitaskap sínum. Sprengjusérfræðingur hjá Landhelgisgæslunni segir ótrúlegt að til skuli vera fólk sem birti upplýsingar af þessu tagi á netinu.

Nær öll íslensk fyrirtæki nýta tölvur og netið

Ekki það að við íslendingar séum neitt nýjungagjarnir eða tæknióð upp til hópa

Nær öll íslensk fyrirtæki nýta tölvur og netið

Stúfur hét sá þriðji

 

 

Stúfur hét sá þriðji

Stubburinn sá.

Hann krækti sér í pönnu,

þegar kostur var á.

 

Hann hljóp með hana í burtu

og hirti agnirnar,

sem brunnu stundum fastar

við barminn hér og þar.

 

(Jóhannes úr Kötlum) 

Skytturnar þrjár munda olíubyssurnar með lögmannaher !!!

Skytturnar þrjár munda olíubyssurnar með lögmannaher !!!

 

Það er svo einkennilegt að fylgjast með umræðunni á netinu vegna ákvörðunar Ríkissaksóknara hvað varðar að ákæra forstjóra Olís og fyrrum forstjóra Essó og Shell. 

 

Fólk virðist vera kætast yfir “tæknilegum mistökum” annara og segja “nú vinnur réttlætið”. 

 

En ég spyr er það svo?  Ég held ekki, þá kunna einhverjir að spyrja hvers vegna, jú vegna þess að það er sama hvernig þessir ágætu herramenn verða dæmdir hvort heldur sem er til greiðslu sekta eða til fangavistar þá eru það alltaf við neytendur sem þurfum að greiða brúsann.  Ef einhver okkar heldur að þeir muni greiða sektirnar úr eign vasa þá er það stór misskilningur, olíufélögin munu að sjálfssögðu greiða fyrir þá nú ef þeir verða dæmdir til fangelsisvistar þá skal ég hundur heita ef þeir fái ekki greiðslur frá olíufélögunum fyrir.  Jafnframt þá mun lögfræðiher þeirra munda olíubyssurnar til þess að verjast með kjafti og klóm með tilheyrandi kostnaði.  En hverjir skyldu svo greiða fyrir öll þessi herlegheit á endanum …?

Hverjir aðrir en við neytendur með því að versla við þessi þrjú olíufélög (Olís, Essó og Shell).

En ég tel að stærsta refsingin sem þessir ágætu herramenn og fyrirtæki geta fengið er sú ef við myndum hætta að versla við þau!  Það er það eina sem þau myndu skilja, þe þegar það kemur við budduna þeirra !                              

                                                     

Við skulum svo vona að málarekstur ríkissaksóknara sé betur undirbúinn en Baugsmálið með endalausum áfrýjunum fram og til baka!

Svona til gamans, ef þú verslar við þessi fyrirtæki ertu að styðja samráðið! 

 

              

Þrír einstaklingar ákærðir vegna samráðs olíufélaganna

Giljagaur kom annar,

 

Giljagaur var annar,

með gráa hausinn sinn.

-  hann skreið ofan úr gili

og skauz í fjósið inn

 

Hann faldi sig í básunum

og froðunni stal,

meðan fjósakonan átti

við fjósamanninn tal.