ó takk

Ég get nú ekki sagt annað en "ó takk" við Orkuveituna þegar maður les tilkynninguna frá þeim vegna lekans í vesturbænum.  Þar segja þeir orðrétt

"Verði ábyrgð á tjóninu rakin til Orkuveitu Reykjavíkur mun fyrirtækið vitaskuld bæta það"

Er það ekki sjálfgefið að ef tjónið er þeirra þá eiga þeir að greiða tjónskostnaðinn!  Er ekki óþarfi að slá sig til riddara með því að segja það sem er sjálfssagt!

 

OR harmar það tjón sem varð eftir að högg kom á raforkukerfið

Appelsínu-byggingar

Já það er ýmislegt sem fólk tekur sér fyrir hendur og dundar sér við að búa til, en svona til gamans þá er þetta allt saman búið til úr appelsínum.

Könnun á dag kemur skapinu í lag.... eða hvað?

Það er ekki laust við að maður sé að fá einkenni "kannannaþreytu" - Ég spyr hvernig verður þetta þrem til fjórum vikum fyrir kosningar, koma þá fjórar kannanir í viku ein í hverju dagblaði (Mbl, Fréttablaðið, Blaðið og DV)  Það er spurning hvort Viðskiptablaðið helli sér ekki út í lestina, svona til þess að vera með og þá gætum við fengið eina könnun á dag alla virka daga! 

En á sama tíma og mikil sorg hlítur að ríkja á stjórnarforystu Samfylkingarinnar þar sem fylgi flokksins virðist dala í hverri könuninni á fætur annari og það virðist vera svo að almenningur sé farinn að sjá í gegnum sífelldar stefnubreytingar hjá þeim og því eru góð ráð orðin dýr hjá flokknum, hvað skyldi forystan taka til bragðst á næstu dögum því það er alveg orðið ljóst að eitthvað verður að gera til þess að reyna koma flokknum aftur á koppinn.  Þessi könnun rifjar óneitanlega upp orð Jóns Baldvins þar sem hann taldi líftíma flokksins liðinn og spurningin hlítur því að vera orðin sú hvort Jón Baldvin skyldi hafa reynst sannspár?  Sagan segir að væringar séu innan flokksins um hvernig sé hægt að standa að forystubreytingum þegar svo stutt er til kosninga eins og raun ber vitni. 

En í öðrum flokki ríkir mikil gleði og ganga menn orðið beinir í baki og með höfuðið hátt, já ég er að tala um Vinstri Græna sem virðast vera á fljúgandi siglingu inn í ríkisstjórn og fátt virðist ætla stoppa fylgisaukninguna hjá flokknum, reyndar held ég að það eina sem geti stoppað hana sé kjördagur því ég tel það alveg ljóst að þeir munu ekki fá það fylgi upp úr kjörkössunum sem þeir eru að mælast með í könnunum.  En auðvitað verður "dómsdagur" bara að leiða það í ljós.

 

Samfylkingin með 19,2% fylgi samkvæmt könnun Fréttablaðsins

Ekki ég

Svona til þess að taka af allan vafa þá var að ekki ég sem fékk vinningin að þessu sinnu.  En ég vil óska vinningshafanum hjartanlega til hamingju með pottinn.

Einn fékk fimmfaldan lottópott

Er meiraprófskennsla léileg?

Hvernig geta menn leyft sér að bera við þekkingarleysi á vinnu sinni eins og einhverjir meiraprófsbílstjórar gerðu í dag þegar lögreglan gerði athugasemdir við festingar á farmi, olíu eða skífum.  Ég vona að þessir einstaklingar séu ekki margir sem þekkja ekki eðli og ábyrgð þess að vera meiraprófsbílstjóri í umferðinni.

Ég vil ekki trúa því að kennsla þeirra skóla sem nú hafa réttindi til þess að kenna aukin ökuréttindi sé ábótavant, ég vona að þetta séu engöngu undantekningarnar sem sanna svo aftur regluna hve góðir meiraprófsbílstjórar eru hér á landi.

Ég fagna þessu átaki lögreglustjórans.  Hann er einfaldlega að sýna það í verki að löggæslan mun verða sýnilegri en hún hefur áður verið hér í höfuðborginni, sem betur fer!

Vöruflutningabílar með ótryggan farm kyrrsettir

Vinir Steingríms J.

Skyldi Steingrímur J. vera kominn í útrás eins og stórfyrirtækin eftir að flokkurinn byrjaði að mælast með fylgi um og yfir 20% ?  Skyldi hann hafa geta selt svíum netlöggu - hugmyndina sína?  Mér er sama hvort þetta sé í Svíþjóð, Danmörku, Ameríku, Finnlandi eða Íslandi hugmynd hans að netlöggu er ógeðfelld og er tilraun flokksins til þess að rífa niður það lýðræði og það skoðunarfrelsi sem ríkt hefur á Íslandi.

 

Sænsk stjórnvöld vilja koma á fjarskiptaeftirliti

Hvar eru þingmenn höfuðbogarbúa?

Það heyrist ekkert frá þeim þrátt fyrir að enn og aftur sé verið að taka störf frá höfuðborgarsvæðinu.  Eiga þeir ekki að standa vörð um hagsmuni þeirra sem á höfuðborgarsvæðinu búa enda eru það íbúar svæðisins sem kjósa þingmennina "sína" inn á þing.

Ég er nokkuð viss um að þingmenn landsbyggðarinnar hefðu látið heyra í sér ef til að mynda stöf hefðu verið tekin frá Akureyringum og flutt á Selfoss nú eða Akranes!

 

Úrvinnsla hraðaeftirlitsmynda fer fram hjá sýslumanni Snæfellinga

NMT eða GSM?

Fyrst að svona þurfti að fara þá skulum við nú bara rétt vona að þarna hafi verið á ferðinni GSM en ekki gömlu NMT símarnir!  En maðurinn á fangelsisdóm svo sannarlega skilið, hverskonar meðferð er þetta á blessaðri konunni??

Sex ára fangelsi fyrir farsímaofbeldi

3 kindur, 2 beljur og 1 hestur!

Nú er málið komið á skrið og nýr klámlögfræðingur hefur komið út úr skápnum hér á klakanum   Er íslenskt þjóðfélag hugsanlega að breytast í átt að því ameríska?  Þú dettur og þú ferð í mál, þú hlærð ekki að brandara og þú ferð í mál og þú færð heitt kaffi og þú ferð að sjálfssögðu í mál! 

Nei, ég tel svo ekki vera reyndar er ég alveg sammála þessu klámfólki auðvitað eiga þau rétt á skaðabótum.  Hvernig getur hótel og eða eigendur þess dregið fólk í dilka hvort heldur sem er eftir kynþætti, kyni eða skoðunum, er íslands ekki land sem boðar skoðunar og tjáningarfrelsi?

En ég velti því fyrir mér hvernig skaðabæturnar gætu litið út fyrir hvern og einn ráðstefnugest, geta menn ekki komist að niðurstöðu t.d með því að Bændasamtökin greiði hverjum og einum ráðstefnugest eftirfarandi skaðabætur

3 kindur, 2 belju og 1 hestur 

Kanna hvort grundvöllur sé fyrir skaðabótamáli á hendur Hótel Sögu

Ertu með LÍK í kjallaranum

Þetta minnir einna helst á textann góða "í kjallaranum úa í kjallaranum úa tralla lalala"  Ekki myndi ég vilja vakna við það einn daginn að heill kirkjugarður væri hér í kjallaranum.  Skyldi hafa verið reimt í húsinu?  Skyldu fólkið einhvertíman grunað þetta?  En hvað sem því líður þá myndi ég flytja út!

Frétt úr Austurglugga

Tíu beinagrindur í kjallaranum

Skrifað af GG   

Tuesday, 06 March 2007

Fornleifafræðingar munu á næstu mánuðum hefjast handa við að grafa upp fornan kirkjugarð sem er undir gamla íbúðarhúsinu á Rangá í Hróarstungu. Þegar hafa fundist tíu grafir undir kjallaragólfinu og ekki er ólíklegt að fleiri eigi eftir að koma í ljós. Fornleifafræðingur telur líklegt að grafirnar séu frá miðöldum.