Borðarðu Cheerios eða Cocopuff´s í morgunmat?

Ertu í brúnum eða hvitum nærbuxum? 

Notarður skó númer 30-35, 36-40 eða 41-45? 

Finnst þér Olivur góðar? 

Þessar spurningar væru auðvitað í lagi við ákveðnar kringumstæður en ef þú ert að færa bankaviðskiptin þín og þjónustufulltrúin spyr þig þeirra, þá er auðvitað eitthvað að!

Ef ég myndi segja já við að ég tengdist hryðjuverkastarfsemi að einhverju tagi, fengi ég þá ekki að stofna til viðskipta? Til að mynda er einstaklingur sem starfar við niðurrif á húsum hann er klárlega merktur hryðjuverkamaður hjá húsfriðunarnefnd og félögum þeirra 

Ef móðir mín væri frá Kúbu og faðir minn frá Færeyjum fengi ég þá ekki að stofna bankareikning?

Ég spyr nú bara hvenær er nóg orðið nóg

„Ertu hryðjuverkamaður?“

Páskaeggjaleit í Elliðárdalnum í dag

 

Í Elliðarárdalnum laugardaginn 7.apríl kl. 14.00 við gömlu Rafveitustöðina

Krakkar, mömmur, ömmur, pabbar og afar

Sjálfstæðisfélögin í Breiðholti og Árbæjarhverfi efna til páskaeggjaleitar í Elliðarárdalnum 7. apríl kl. 14:00

Leitað verður að fagurlega skreyttum eggjum og börnin fá súkkulaðiegg Leiktæki og hoppkastali verða á staðnum

Keppt verður í húllakeppni

Munið að taka með körfur eða poka undir eggin

Hittumst hress 

Allir velkomnir Stjórnir sjálfstæðisfélagnna í Breiðholti og Árbæ

Er Morgunblaðið hefnigjarnt?

Það borgar sig greinilega ekki að gangrýna Mbl.is of mikið, því þá lendir maður í tómu tjóni.  Núna eru allmargar færslur af blogginu mínu týndar í augnablikinu og fyrsta færslan á forsíðunni hjá mér er síðan í febrúar.  Skemmtileg tilviljun að ég skuli hafa verið að gangrýna mbl.is einmitt þennan sama dag og þetta gerðist   En vonandi kemst þetta í lag í dag, ef ég er heppinn.

Hver þarf langferðabíl ?

Ekki veit ég af hverju við stórfjölskyldan erum að aka um á strumpastrætó (Toyota Previa), væri ekki nóg og mun heilsusamlegra að aka um á einu svona farartæki, svo myndi maður ekki styrkja þessa blessuðu íslensku olíufursta endalaust með síhækkandi bensínverði

 

Frábær árangur eyjapeyja frá Færeyjum sem rúllaði upp X-Factor

Ekki veit ég hvað er í gangi á MBL.IS þeim sofandi netfréttamiðil sem eitt sinn skipaði fyrsta sætið yfir alla aðra fréttamiðla.  En núna er klukkan orðin 23.21 og þeir hafa enn ekki tilkynnt um úrslit X-Factor sem haldinn voru fyrr í kvöld.  Þar kom sá og sigraði Færeyski pilturinn með yfirburðum og fékk enga álverskosningu því hann fékk samtals 70% atkvæða, geri aðrir betur!

Til hamingju nágrannar með glæsilegan árangur.

Vísir, 06. apr. 2007 22:42

Jógvan frá Færeyjum söng sig inn í hjörtu Íslendinga

Jógvan frá Færeyjum söng sig inn í hjörtu áhorfenda í Vetrargarðinum í beinni útsendingu á X-factor á Stöð tvö í kvöld. Hann háði einvígi í úrslitakeppninni við Hara-systurnar frá HVeragerði og vann með yfir 70 prósent atkvæða.

Jógvan var skjólstæðingur Einars Bárðarsonar í keppninni, en hver dómaranna þriggja undirbjó og þjálfaði söngvara í lokaþáttunum.

"Okkur líður eins og fegurðardrottningum," sagði Einar skælbrosandi eftir að úrslitin úr símaatkvæðagreiðslu voru kunngerð.

Færeyingar fylgdust með sínum manni í keppninni í beinni útsending, en gátu ekki greitt atkvæði.

Opinbert markmið með X-Factor - líkt og forveranum Idol-Stjörnuleit - er að uppgötva nýjar söngstjörnur; laða fram í sviðsljósið hæfileikaríkt söngfólk sem unnið getur hug og hjörtuð þjóðarinnar með söng sínum og persónutöfrum.

"Við erum sko ekki að fara að grenja - og við erum ekki hættar!" sögðu Hara-systurnar, Hildur og Rakel.

Báðir keppendur fluttu nýtt lag, sem Óskar Páll Sveinsson og Stefán Hilmarsson sömdu sérstaklega fyrir úrslitaþáttinn. Lagið, í flutningi sigurvegarans, Jógvans, verður svo gefið út strax að loknum þætti og verður fáanlegt á tonlist.is.

Er mbl.is að deyja eða er fréttavaktin sofandi?

Ég velti því fyrir mér nú þegar klukkan er 07.58 að það hafa engar fréttir verið færðar inn á mbl.is síðan kl 21.15 í gærkvöldi.  Fór ég ósjálfrátt að velta fyrir mér hvort hér gæti verið á ferðinni ein mesta og stærsta gúrkutíð fréttafjölmiðils í langan tíma?  Það er varla að ég trúi því að EKKERT hafi gerst á Íslandi já eða í heiminum öllum síðan kl 21.15 í gærkvöldi.

Er Visir.is að stinga Mbl.is af, þeir virðast vera orðnir fljótari með fréttirnar og uppfærslur á vefnum hjá sér.  Það væri grátlegt ef Mbl.is myndi missa það góða forskot sem þeir höfðu á aðra netfjölmiðla.

Strákar og Stelpur á fréttavakt Mbl.is - VAKNIÐ, það er kominn dagur

Byrjar þau aftur!

Þetta er orðin frekar þreytt dugga bæði hjá Vinstri Grænum og Samfylkingunni um að bókhald stjórnálaflokka skuli vera opið.  Þetta hafa þessir flokkar boðað síðustu ár en eins og við svo margt annað sem þessir flokkar boða þá verður lítið um efndir.  Hvers vegna í ósköpunum opna þessir flokkar ekki bókhald sitt?  Það hefur enginn staðið í vegi fyrir því.  Ég skora á þessa tvo flokka að hætta þessum leikarskap eða á ég að segja hræsni og opna sitt bókhald og standa við yfirlýsingar sínar.

En svo má líka spyrja sig af því hvers vegna flokkarnir eigi að vera með opið bókhald.  Ég veit til þess frá fyrstu hendi að margir einstaklingar styðja sinn flokk um einhverja tiltekna fjárhæð á mánuði eða ári og sumir af þeim kæra sig ekkert um að það sé tilkynnt að þeir séu að greiða inn í stjórnmálastarf.  En ég segi stoltur frá því að ég hef greitt til Sjálfstæðisflokksins í hart nær 10 ár. 

 

Bókhald stjórnmálaflokka á að vera öllum opið að mati VG

Til hamingju með afmælið

Þegar ég las og hlustaði á þessa frétt fór ég að velta því fyrir mér hvaða kaka gæti verið tákn Reykjavíkur og eða landsins.  Er það hin klassíska skúffukaka, randalínukaka, Djöflateran eða eru það kannski bara kleinur?

Það er vissulega alltaf keppni á milli bakara um tertu/köku ársins en væri það ekki kjörið verkefni fyrir félag bakara að efna til verðlaunasamkeppni og velja hina einu sönnu köku sem gæti verið tákn Reykjavíkur eða landsins alls. 

Næst þegar ég fer út í bakarí þá mun ég án efa prufa að byðja um Reykjavíkurtertuna!

Sacher-tertan 175 ára

Það munar ekki um örlætið

Merkilegt hve fljótt menn geta tekið nýja stefnu, þetta minnir einna helst á Samfylkinguna hér á landi.  Það er vinstri, hægri snú og breyting á stefnu nánast daglega.  Fyrir fáeinum klukkustundum þá vildu menn fá Íranir fá dóm yfir bretunum, en núna eru þeir leystir út með gjöfum.

Maður segir nú ekki annað en batnandi mönnum er best að lifa.

Sjóliðarnir komnir heim með vasa og sælgæti frá Ahmadinejad

Varúð - Matarhátíð hefst

Það er óhætt að segja að matarhátíðin sé nú formlega hafin.  Reyndar hófst hún um leið og byrjað var að ferma og maður fékk hvert boðskortið á fætur öðru í fermingarveislur sem allar áttu það sameiginlegt að bera fram kræsingar af bestu gerð og auðvitað át maður á sig gat í þeim öllum, enda rétt að fá eitthvað fyrir andvirði pakkans sem gefin var

Í dag skírdag fer fjölskyldan í eina fermingarveislu og eftir hana er haldið í afmæli þar sem afmælisbarnið er komið á "sveskjusafa aldurinn" þe hann er orðinn FIMMTUGUR karlinn, hann heldur sér þó ótrúlega vel þrátt fyrir að gráu hárin spítist nú fram á methraða líkt og íllgresið í garðinum á sumrin

Jæja sem sagt skemmtilegur dagur framundan þar sem við munum hitta mikið af kunningjum, vinum, vandamönnum já og svo fólk sem við þekkjum ekki neitt.

Gleðilega páskahátíð öllsömul.