Árbæjarlaugin rúlar

Maðurinn er skemmtilega geggjaður.  Ég hef hingað til látið Árbæjarsundlaug duga eða öllu heldur heita pottinn í Árbæjarlaug þar sem maður er laus við slöngur, krókódíla og mannætufiska en ræningjarnir á bökkunum geta verið til staðar þegar Hrafninn er annars vegar

 

Synti eftir endilöngu Amazonfljóti

Páskaeggjaleitinni lokið í Grafarholti

Jæja þá hafa allar stelpurnar mínar fundið sín páskaegg. 

Dagurinn byrjaði um kl 07.00 þegar Hafdís Hrönn kom askvaðandi inn í svefniherbergi og spurði hvort það væri ekki alveg örugglega komin páskadagur og hvort hún mætti byrja leita af páskaegginu sínu.  Svarið var einfalt - Gleðilega páska og svo byrjaði ballið þú er köld, volg, köld, heit, köld, heit, heitari og svo brennandi heit og BINGÓ - Páskaeggið fundið

Því næst hjálpaði Hafdís Hrönn litlu systur sinni henni Emmu Brá að leita, það tók aðeins skemmri tíma þar sem sú stutta er ekki orðinn tveggja ára og því kannski ekki eins mikið þolinmæði þar á ferð.

Hafdís Hrönn fékk að fela páskaeggið hennar mömmu sinnar og var það gert mjög vel og vandlega svo húsmóðirin á heimilinu var töluverðan tíma mjög köld, volg og aftur köld en að lokum finnast þau alltaf - sem betur fer.

Þá hófumst við handa við aðgerðir á eggjunum, allt eftir kúnstarinnar reglum, opna lokið á bakinu, taka nammið allt saman út og það mikilvægasta finna málshættina fyrir árið.

Málshættir heimilisins fyrir árið 2007 eru eftirfarandi

Mamma - Æskunnar dáð er ellinnar ráð.

Hafdís Hrönn - Milt er móður hjartað.

Emma Brá - Hönd skal hendi þvo.

Kæru vinir, gleðilega páskahátíð.

Endilega setjið inn í athugasemdir hvaða málshætti þið fenguð

Frábær dagur - Súkkulaðiegg í vinning

Þá er fyrsta páskaeggjaleit sem haldinn hefur verið í Elliðárdal lokið.  Það er óhætt að segja að það hafi verið margt um mannin því þarna voru saman komin afar, ömmur, mömmur og pabbar ásamt börnum og barnabörnum líklegt er talið að þarna hafi verið saman komin í kringum 1500 manns.  Það er óhætt að segja að Breiðhyltingar og Árbæingar láta ekki veðrið aftra sér við að koma og leita af eggjum og skemmta sér í góðra vina hópi.

Takk fyrir daginn þetta var stórskemmtileg skemmtun.

Margir leituðu að páskaeggjum í Elliðaárdal

Bölvað ólán var þetta

ÆÆ mikið var þetta óheppilegt fyrir aumingja bóndann. 

Kviknaði í út frá flúrlampa sem notaður var við kannabisræktun

Beltislaus og talandi í gsm

Í fljótu bragði virðist þetta vera það eina sem vantaði uppá til þess að vera með fullt hús stiga.

En fyrirsögnin segir að hann hafi ekið númerlausum bíl en hið rétta kemur svo fram í fréttinni þar sem segir að hann hafi verið ekið bílnum sem hafi verið án númeraplötu að framan, stórbrot þar á ferð.   Annað hvort hefur lögreglan á Blöndósi ekki áttað sig á því að það er númeraplata einnig aftan á bílum eða þeir gleymt að taka hana af líka nú eða þriðji valmöguleikin að þessi ágætis ökumaður hafi ákveðið að fá númeraplötu að "láni" hjá þriðja aðila en það hlýtur að vera lögbrot líka. 

Án þess að ég sé að gera lítið úr þessum brotum þá held ég að það að vera ölvaður og réttindalaus skipti höfð máli.

Það er auðvitað ekki í lagi með svona menn.  Hvernig er hægt að koma svona fólki til hjálpar? 

Ölvaður og ökuréttindalaus á númerslausum bíl

Borðarðu Cheerios eða Cocopuff´s í morgunmat?

Ertu í brúnum eða hvitum nærbuxum? 

Notarður skó númer 30-35, 36-40 eða 41-45? 

Finnst þér Olivur góðar? 

Þessar spurningar væru auðvitað í lagi við ákveðnar kringumstæður en ef þú ert að færa bankaviðskiptin þín og þjónustufulltrúin spyr þig þeirra, þá er auðvitað eitthvað að!

Ef ég myndi segja já við að ég tengdist hryðjuverkastarfsemi að einhverju tagi, fengi ég þá ekki að stofna til viðskipta? Til að mynda er einstaklingur sem starfar við niðurrif á húsum hann er klárlega merktur hryðjuverkamaður hjá húsfriðunarnefnd og félögum þeirra 

Ef móðir mín væri frá Kúbu og faðir minn frá Færeyjum fengi ég þá ekki að stofna bankareikning?

Ég spyr nú bara hvenær er nóg orðið nóg

„Ertu hryðjuverkamaður?“

Páskaeggjaleit í Elliðárdalnum í dag

 

Í Elliðarárdalnum laugardaginn 7.apríl kl. 14.00 við gömlu Rafveitustöðina

Krakkar, mömmur, ömmur, pabbar og afar

Sjálfstæðisfélögin í Breiðholti og Árbæjarhverfi efna til páskaeggjaleitar í Elliðarárdalnum 7. apríl kl. 14:00

Leitað verður að fagurlega skreyttum eggjum og börnin fá súkkulaðiegg Leiktæki og hoppkastali verða á staðnum

Keppt verður í húllakeppni

Munið að taka með körfur eða poka undir eggin

Hittumst hress 

Allir velkomnir Stjórnir sjálfstæðisfélagnna í Breiðholti og Árbæ

Er Morgunblaðið hefnigjarnt?

Það borgar sig greinilega ekki að gangrýna Mbl.is of mikið, því þá lendir maður í tómu tjóni.  Núna eru allmargar færslur af blogginu mínu týndar í augnablikinu og fyrsta færslan á forsíðunni hjá mér er síðan í febrúar.  Skemmtileg tilviljun að ég skuli hafa verið að gangrýna mbl.is einmitt þennan sama dag og þetta gerðist   En vonandi kemst þetta í lag í dag, ef ég er heppinn.

Hver þarf langferðabíl ?

Ekki veit ég af hverju við stórfjölskyldan erum að aka um á strumpastrætó (Toyota Previa), væri ekki nóg og mun heilsusamlegra að aka um á einu svona farartæki, svo myndi maður ekki styrkja þessa blessuðu íslensku olíufursta endalaust með síhækkandi bensínverði

 

Frábær árangur eyjapeyja frá Færeyjum sem rúllaði upp X-Factor

Ekki veit ég hvað er í gangi á MBL.IS þeim sofandi netfréttamiðil sem eitt sinn skipaði fyrsta sætið yfir alla aðra fréttamiðla.  En núna er klukkan orðin 23.21 og þeir hafa enn ekki tilkynnt um úrslit X-Factor sem haldinn voru fyrr í kvöld.  Þar kom sá og sigraði Færeyski pilturinn með yfirburðum og fékk enga álverskosningu því hann fékk samtals 70% atkvæða, geri aðrir betur!

Til hamingju nágrannar með glæsilegan árangur.

Vísir, 06. apr. 2007 22:42

Jógvan frá Færeyjum söng sig inn í hjörtu Íslendinga

Jógvan frá Færeyjum söng sig inn í hjörtu áhorfenda í Vetrargarðinum í beinni útsendingu á X-factor á Stöð tvö í kvöld. Hann háði einvígi í úrslitakeppninni við Hara-systurnar frá HVeragerði og vann með yfir 70 prósent atkvæða.

Jógvan var skjólstæðingur Einars Bárðarsonar í keppninni, en hver dómaranna þriggja undirbjó og þjálfaði söngvara í lokaþáttunum.

"Okkur líður eins og fegurðardrottningum," sagði Einar skælbrosandi eftir að úrslitin úr símaatkvæðagreiðslu voru kunngerð.

Færeyingar fylgdust með sínum manni í keppninni í beinni útsending, en gátu ekki greitt atkvæði.

Opinbert markmið með X-Factor - líkt og forveranum Idol-Stjörnuleit - er að uppgötva nýjar söngstjörnur; laða fram í sviðsljósið hæfileikaríkt söngfólk sem unnið getur hug og hjörtuð þjóðarinnar með söng sínum og persónutöfrum.

"Við erum sko ekki að fara að grenja - og við erum ekki hættar!" sögðu Hara-systurnar, Hildur og Rakel.

Báðir keppendur fluttu nýtt lag, sem Óskar Páll Sveinsson og Stefán Hilmarsson sömdu sérstaklega fyrir úrslitaþáttinn. Lagið, í flutningi sigurvegarans, Jógvans, verður svo gefið út strax að loknum þætti og verður fáanlegt á tonlist.is.