Það má bara ekki gerast!

svona barnanna vegna þá má það nú bara ekki gerast að hún verði ein heimavinnandi húsmóðir.  Miðað við fréttirnar af blessaðri stúlkunni þá gæti þetta haft slæmar afleiðingar fyrir börnin, hugsanlega myndu þau enda með því að fara ein út að keyra.... allavega er það eldra búið með fyrsta ökutímann ef ég man rétt

En svo er það nú annað, ég myndi nú ekki sakna hennar mikið ef hún hætti í poppbrasanum, svo mikið er víst!

Britney hugleiðir að gerast heimavinnandi húsmóðir

Aðgerðin heppnaðist vel - takk fyrir öllsömul

Heil og sæl öllsömul,

Fyrst af öllu vil ég þakka allar þær athugasemdir og pósta sem ég hef fengið við blogginu mínu varðandi systur mína.  Ég hef komið öllum þeim kveðjum sem ég hef fengið til hennar og hefur það verið henni ómældur stuðningur.  Hreint út sagt var hún alveg gáttuð á því hve margir vildu hugsa vel til sín þrátt fyrir að þekkja hana lítið eða jafnvel ekki neitt.   Hún bað mig um að setja mynd af sér hér svo hún gæti sýnt öllum að hún væri öll að hressast og gæti brosað til ykkar.  Að sjálfssögðu hlýðir maður litlu systur sinni í einu og öllu og set ég því myndina hér inn

Af henni er helst að frétta að aðgerðin tókst vonum framar að sögn læknanna, að sögn þeirra minnti aðgerðin einna helst á söngin "höfuð-herðar-kné og tær" þar sem þeir þurftu að framkvæma aðgerð á höfði, hálsi og maga.   Aðgerðin hefur tekið töluvert á hana, hún er þreytt og þróttlítil en núna er þetta allt saman uppá við og mátturinn og styrkurinn eykst með degi hverjum og hún verður án efa farin að hlaupa um allt og skipa svolítið fyrir í vikulok.

Enn og aftur takk fyrir góðar og hlýjar kveðjur öllsömul.

Ósk um bæn

Kæru vinir og félagar,

mig langar til þess að biðja ykkur um að hafa Sólveigu Þóru systur mína með í bænum ykkar í dag og næstu daga.  Hún er nú komin á Landspítalan Fossvogi.  Eftir tæpa klukkustund þá fer hún í mjög erfiða höfuðaðgerð og þarf hún því á öllum þeim styrk að halda sem hún getur fengið.

Hún er sterk stelpa og ekki vantar neitt uppá þegar hún getur hjálpað öðrum og sjaldan biður hún um aðstoð sjálf.  En nú þarf hún svo sannarlega á styrknum að halda.

Sumarið er tíminn

Sumarið er að koma
ég heyri vel í því.
Hitinn fer hækkandi
því í sólina sést oftar í.

Öll laufin springa út
og grasið verður grænt.
Fortíðar þjófar skila öllu
sem um veturinn höfðu rænt.

Ástin lætur til sín taka
þó svo það sé dagur eða nótt.
Svo fallast pörin í faðma
og sofna róglega en fljótt.

Þursi

 

Með þessu ljóði vil ég óska ykkur öllum gleðilegs sumars og þakka fyrir stórskemmtilegan vetur.

Góðan daginn, ég hringi til þess að afpanta

Þetta verður klárlega upphafið af fyrsta símtali morgundagsins þegar ég hringi í Úrval Útsýn og afpanta spánarferðina fyrir sumarið.  Hér verður Spánarveður í allt sumar samkvæmt "kellingabókum" og eins og alþjóð veit þá hafa þær margsinnis sannað gildi sitt. 

Nú er það bara Ásbyrgi, Kópasker, Egilsstaðir, Mjóifjörður og Norðfjörður svo eitthvað sé nú nefnd - þessir staðir verða líklega eins og Alicante eða álíka staðir hvað hita varðar

Sumar og vetur frusu saman

Ja hérna hér

Sem betur fer fór vel.  En stóra spurning dagsins "hvað var í pokanum" þarna er fréttamaðurinn klárlega að missa fótfestuna þegar hann "gleymir" að spyrja um eitt af aðalatriðum atviksins

En svo erum við að segja það að hlutirnir geti bara gerst í Bandaríkjunu...... hum

Konu kippt upp úr gjótu

Flott

Þessi bygging verður samkvæmt myndinni stórglæsilegt, verður mikill sómi bæði fyrir Kópavogsbúa svo ekki sé nú meira sagt.  En hvað ætla þeir að gera við allt þetta skrifstofurými, nú þegar er bygging hafinn við einn turn sem af einhverri tilviljun er beint á móti þessum.  En án efa verður hægt að finna kaupendur eða leigendur af þessu öllusaman.  En hvað sem því líður væri ég alveg til í að eiga efstu hæðina í öðrum hvorum turninum og búa þar.... flott útsýni þar!

 

Fyrsta skóflustungan tekin að Norðurturni við Smáralind

N1 - Þvær hendur sínar uppúr rauðu!

Dæmi hver sem vill, þetta eru kannski allt ólögleg merki mjög lík og keimlík??

Öll eru þau byggð á rauðum grunni með hvítu letri - Spurning hvort þessi þrjú fyrirtæki lögsæki ekki rauða hættumerkið - en ekki veit ég við hvað menn eru ósáttir hjá N4 - Vissulega er þetta svipaður litur en samt ekki eins, varla geta menn skráð bakgrunns litinn sem skrásett vörumerki, eða hvað?  Mér finnst ekki einu sinni leturgerðin lík, en það eru misjafnar skoðanir manna - dæmi hver sem áhuga hefur.

Spurningin hvort N1 þurfi núna að skipta aftur um merki fari kannski í K7 með fjólubláum lit, hver veit....?

N4 kannar réttarstöðu sína vegna nafns og firmamerkis N1

Hverjir eru bestir !!!???

Þarf að spyrja að því...... nei að sjálfssögðu ekki - Svarið er einfalt

KR - KR - KR

Við skulum hrópa þrefalt húrra fyrir forsætisráðherra, land, þjóð og KR

*HÚRRA*

*HÚRRA*

*HÚRRA*

 

KR-ingar Íslandsmeistarar karla í körfubolta

Nýjir tímar - á traustum grunni

Þá er góðum landsfundi lokið og maður gengur beinn í baki stoltari en nokkru sinni áður að vera sjálfstæðismaður. Það er mikill styrkur hverjum þeim sem fundið hefur sínum hugsjónum og stefnum ferðafélaga.

Það að sitja landsfund ásamt flokksystkynum sínum sem telja langt á annað þúsund manns er ólýsanlegt. Finna þann mikla kraft, hug og vilja sem býr með hverjum og einum.

Það er óhætt að segja að einkunnarorð landsfundar "nýjir tímar - á traustum grunni" eigi vel við og fullt erindi við okkur sjálfstæðismenn sem og landsmenn alla.

Margar ályktanir voru samþykktar landi og þjóð til heilla, nú er bara eitt eftir og er það að tryggja Sjálfstæðisflokknum öruggt og gott brautargengi í næstu kosningum svo allar þær fjölmörgu og góðu samþykktir nái fram að ganga.

Áfram X-D

P.S. Vinsamlegast takið þátt í skoðanakönnuninni hér til hliðar.