Hér kemur stjörnuspá júní mánaðar - og það er ekkert verið að skafa af því.

Hrútur (20. mars - 20. apríl): Þú ert óþolinmóður og fljótfær egóisti, góður að lofa öllu fögru, en fljótur að gefast upp og láta aðra þrífa upp skítinn. Þú ert keppnismaður og sérlega klár í að keppa við ranga aðila og slá tilgangslaus högg útí loftið.  Þú ert kvikindi, en það hjálpar hversu einlægur, barnalegur og einfaldur þú ert.

Naut (20. apríl - 21. maí): Þú ert latur og þrjóskur, enda löngu staðnaður og fastur í sama farinu. Peningar og þægindi eru það eina sem þú hugsar um, enda háður nautnum, mat, sykri og skynörvandi efnum. Þú hreyfist ekki úr stað og selur sannfæringu þína hæstbjóðenda. Þú ert lítið betri en stífluð rotþró.

Tvíburi (21. maí - 20. júní): Þú ert eirðarlaus og yfirborðslegur, alltaf á hlaupum frá einu tilgangslausu verkefni í annað, með hundrað ókláruð járn í eldinum. Þú ert sí ljúgandi, enda sérfræðingur í að gefa loforð sem þú getur ekki staðið við.  Vissulega ertu vel gefinn, en þú sóar hæfileikum þínum í blaður og óþarfa.

Krabbi (21. júní - 23. júlí): Þú þykist vera töff, en ert í raun aumingi og tilfinningasósa, og getur ekki talað og tjáð þig, nema með því að væla og kvarta. Þú ert fastur í fortíðinni og munt því fyrr en síðar kafna í drasli og gömlum minningum.  Þegar þú reiðist þá fer allt í einn graut og upp blossar grimmd og hefnigirni. En svona dags daglega þá ertu fúll, þunglyndur og sjálfsvorkunnsamur.

Ljón (22. júlí - 23. ágúst): Þú ert eigingjarn og of upptekinn af eigin málum til að hafa áhuga á öðrum. Þú veist allt og hlustar ekki eða öskrar á andmælendur þína. Þú ert svo barnalegur, einlægur og trúgjarn, að það er augljóst að þú hefur aldrei fullorðnast. Þú ert latur, en þegar þú gerir eitthvað, þá gengur þú of langt.

Meyja (23. ágúst - 23. september): Þú ert einn leiðinlegasti maður í heimi, alltaf að kvarta, gagnrýna og skipta þér af fólki, en segir aldrei neitt sem gagnast öðrum. Þú ert alltaf á hlaupum, þykist vera duglegur, en gerir aldrei neitt af viti, ekki frekar en stormur í tebolla. Þú ert stressuð taugahrúga.

Vog (23. september - 22. október): Þú þykist vera ljúfur og vingjarnlegur, en ert í raun falskur og eigingjarn, brosir framan í fólk, en lýgur og ferð bakvið aðra. Það tekur þig óratíma að taka ákvaðanir, en þegar það loksins gerist, ertu óhagganlegur, enda of latur til að hugsa málin aftur og of upptekinn af því að smjaðra fyrir öðrum.

Sporðdreki (23. október - 21. nóvember): Þú ert frekur og valdasjúkur, færð einstök mál á heilann (þráhyggja) og ert því einhæfur og hundleiðinlegur. Þú ert ímyndunarveikur og tortrygginn, móðgast útaf engu og gerir úlfalda úr mýflugu. Lífið er annað hvort frábært eða ómögulegt. Þú ert eins og biluð plata, stöðugt að spila sama lagið.

Bogmaður (22. nóvember - 21. desember): Þú ert týpan sem grautar í öllu, en kann ekkert, enda alltaf á hlaupum úr einu í annað. Þú átt erfitt með að þekkja takmörk þín, ert agalaus, flýrð óþægindi og veist ekki hvernig þú átt að nýta hæfileika þína. Ef þú nærð tökum á einhverju, þá hleypur þú í verkefni sem þú ræður ekki við.

Steingeit (21. desember - 20. janúar): Þú ert stífur og vansæll vinnualki, fastur í tilgangslausum siðum og reglum, alltaf að skipta þér af öðrum og segja þeim að gera það sem þú getur ekki gert sjálfur. Þú ert snobbaður og þráir stöðutákn, enda með minnimáttarkennd sem þú heldur að hægt sé að breiða yfir með titlum og merkjavöru.

Vatnsberi (20. janúar - 19. febrúar): Þú ert sérvitur og skrýtinn, og alltaf svo langt á undan samtímanum að enginn skilur þig eða getur notað hugmyndir þínar. Vissulega ertu svalur, en þú ert svo sjálfstæður, ópersónulegur og hræddur við raunverulegan innileika, að þú ert í raun alltaf einn, frosinn í einskis manns landi. Týndur á skýi í háloftunum.

Fiskur (19. febrúar - 20. mars): Þú ert rugluð og týnd sál og hefur ekki hugmynd um hvernig þú átt að nýta hæfileika þína eða í hvaða átt þú átt að fara. Þú vilt vera alls staðar og upplifa allt. En þar sem þetta er ómögulegt, þá fer allt í vitleysu. En það gerir ekkert til, þú ert sérfræðingur í sjálfsblekkingum og því að flýja raunveruleikann.

Fjölskyldu og húsdýragarðurinn í boði FS

Það var ánægjulegt að njóta dagsins með fjölskyldunni í Fjölskyldu- og húsdýragarðinum á laugardaginn og sérstaklega vegna þess að við hjónin áttum 6 ára brúðkaupsafmæli.  Hvernig er hægt að halda uppá slíkan dag nema í faðmi fjölskyldunnar. 

Það voru foreldrar Kötu sem buðu okkur í garðinn til þess að taka þátt í fjölskyldudegi FS.  Það er óhætt að segja að dagurinn hafi verið velheppnaður.  Stelpurnar nutu sýn og fóru í hvert tækið á fætur öðru og ég og Kata fengum að fljóta með sem "aðstoðarmenn" öllum til mikillar skemmtunar.

Þegar líða tók á daginn var farið í tjaldið og þar voru fínar veitingar boðnar fram pylsur og pizzur krökkunum til mikillar ánægju - og reyndar okkur líka.

 

Ég er búinn að setja inn nokkrar myndir í myndaalbúmin hér af ferðinni í húsdýragarðinn. 

 

Sú stutta fór í sína fyrstu lestaferð í garðinum og þurfti að sjálfssögðu að kanna hvort ekki væri allt með feldu á hliðum vagnsins..... svo kallaði hún bara "allt í lagi hér"

 

 

Seinni auglýsingin

Rétt hjá þér Halli, maður verður að gæta jafnræðis svo hér birtist auglýsingin með karlmanninum

Það er getur oft verið skemmtileg að rekst á góðar auglýsingar..

.. þær geta allvega komið manni til þess að hlægja

Ég fékk tvær góðar senda til mín í gær og hér kemur sú fyrri.

Fram úr akstur bannaður

Ég rakst á þessa skemmtilegu mynd á netinu þar sem það er gefið til kynna að allur hraðakstur sé bannaður, sem væri kannski ekki svo broslegt ef þetta væri ekki í miðri eyðimörk.

 

Frábært framtak

Nú er spurning hvað kollegar þeirra hér á Íslandi gera.  Skyldu þeir fara að þessu góða fordæmi englendinga og styrkja góð málefni með launum sínum fyrir landsliðið.  Það er reyndar spurning hvort það ætti ekki að taka upp einhverskonar hvatakerfi þar sem þeir fengju greidd laun miðað við árangur - þar gæti KSÍ sparað stórar fjárhæðir - þeir hegðu þá lýklegast þurft að greiða með sér eftir síðasta leik !! eða hvað?

Leika launalaust fyrir enska landsliðið

Síðasti Framsóknarmaðurinn

Ég hélt þegar ég hóf að lesa þessa frétt að þarna væri á ferðinni hinn heini sannai Framsóknarmaður.  Hugsanlega einn sá síðasti líkt þeir eru nú að verða jafn sjaldgæfir og pandabjörnin.  Eins og allir vita þá þarf að hugsa vel um dýr sem eru í útrýmingarhættu hvort heldur sem við tölum um panda birnina eða framsóknarmenn

Blæddi grænleitu blóði

Afi þinn er rugludallur

Þetta minnir óneitanlega á setninguna hans Mikka ref í Dýrunum í Hálsaskógi

"Afi þinn er rugludallur"

En eins og allir vita vilja gömlu góðu afarnir (alveg sama á hvaða aldri þeir eru) vilja þeir börnum (börnum, barnabörnum, barna barna börnum o.s.frv.) ekkert nema vel - svo við skulum trúa því að það hafi verið í þessu tilfelli sem og öðrum.  En alveg trúið ég því og trú reyndar enn að afi minn hafi ráðið öllu

 

 

Afi ekki hafinn yfir lög og reglur

Sérkennileg forgangsröðun Morgunblaðsins

Já hún er stundum svolítið sérkennileg forgangsröðun Morgunblaðsins. 

Þegar lögreglan hefur óskað eftir því við fjölmiðla að þeir lýsi á eftir dreng sem hefur verið týndur frá því á þriðjudaginn s.l. þá ákveður Morgunblaðið að setja það á frekar óáberandi stað í blaðinu, þeir velja vinstri síðu og hafa þetta í smá klausu.  En þegar Egill Helgason hefur ákveðið að byrja blogga á mbl.is þá er það talinn vera stór frétt og höfð á áberandi stað á baksíðu blaðsins.

Vissulega er það frétt að maður sem hefur bloggað í mörg ár en alltaf neitað fyrir það að blogga með þeim rökum að hann hafi bara verið að skrifa en ég spyr er það stærri frétt en að ungur piltur sé týndur?

Já þetta er einkennileg forgangsröðun .... allavega að mínu mati!

Svona er það nú!

Hvað ætli séu margir fangar í USA sem ættu jafnframt að eiga rétt á að sleppa við afplánun líkt og Paris?  Þetta er nú frekar aumt - það hefur hugsanlega ekki verið eins mikil athygli sem hún fékk innan veggja stofnunarinnar eins og hún fær á götum úti eða voru það kannski fjölmiðlarnir sem fengu hana lausa svo að þeir gætu fylgst betur með henni ?

Látin laus samkvæmt læknisráði