Hver segir svo að R-listinn hafi ekki verið að reyna fjölga reykvíkingum?

Ég gat ekki annað en brosað þegar ég sá þessa auglýsingu.  Spurning hvort R-listinn sé ekki að greiða meðlagið með barninu - Kannski er þetta sé eitt af því fáa sem komið hefur gott undan gamla meirihlutanum í Reykjavík

 

Góð sending frá vin

Vinaskilaboð! Sagan segir að tveir vinir hafi gengið í eyðimörk. Á leiðinni fóru þeir aðrífast og annar vinurinn gaf hinum létt á kjammann. Honum sárnaði, en ánþess að segja nokkuð skrifaði hann í sandinn;- " Í DAG GAF BESTI VINUR MINN MÉR, EINN Á ´ANN!"Þeir gengu áfram þangað til þeir komu að vatnslind,þar fóru þeir út í. Vinurinn sem hafði orðið fyrir hinum áður, var nærridrukknaður, en var bjargað af vini sínum.Þegar hann hafði jafnað sig, risti hann í stein;- "Í DAG BJARGAÐI BESTI VINUR MINN MÉR FRÁ DRUKKNUN".Vinurinn sem bæði hafði veitt honum tiltal og bjargað honum spurði:- "Þegar ég sló þig, skrifaðir þú í sandinn, og núna skrifar þú í steininn??"Af hverju?"Hann svaraði: - "Þegar einhver gerir þér eitthvað illt áttu að skrifa það ísandinn þar sem vindur fyrirgefningar getur eytt því. En þegar einhvergerir þér eitthvað gott áttu að grafa það í stein þar sem enginn getur eyttþví".- "LÆRÐU AÐ SKRIFA SÁRINDI ÞÍN Í SANDINN OG GRAFA HAMINGJU ÞÍNA ÍSTEIN"!Það er sagt að það taki mann eina mínútu að hitta sérstaka manneskju,einn tíma að kunna að meta hana, einn dag að elska hana en HEILA ævi aðgleyma henni.Sendu þessa sögu til manneskja sem þú gleymir aldrei, og mundu að senda hanatilbaka. Ef þú yfir höfuð sendir hana ekki til neins, þá þýðir það baraeitt, að þú: hafir of mikið að gera og hafir gleymt vinum þínum!!!!! "GEFÐU ÞÉR TÍMA TIL AÐ LIFA - OG EIGÐU GÓÐAN DAG"

 

Eru skólabúningar eitthvað sem koma skal í alla grunnskóla í Reykjavík?

Það eru nýir tímar í Sæmundarskóla eftir að fyrsta vor skólasetningin fór fram í gær.  Foreldraráð og foreldrafélag skólans unnu hörðum höndum í sumar við að undirbúa skólabúninga sem bjóða átti nemendum á skólasetningunni.  Í samráði við skólastjórnendur skólans var ákveðið að gera þessa skemmtilegu tilraun.  Að mér vitandi er Sæmundarskóli fyrsti grunnskóli Reykjavíkur sem býður nemendum upp á þennan fatakost.  Ákveðið var að bjóða uppá Henson galla bláleita að lit, Regatta flíspeysur og húfur rauðar eða bláar.  Stjórnir félaganna vildu geta boðið uppá fatnað sem krökkunum fannst hvort tveggja flottur og þægilegur.  Allt þetta var hægt að fá gegn mjög sanngjörnu verði.

Það er skemmst frá því að segja að foreldrar voru hæst ánægðir með þessa nýjung í skólastarfinu og tóku vel við sér.  Í dag eru rúmlega 150 nemendur af þeim 198 sem stunda skólann búnir að panta skólabúninga.  Ég er þess fullviss að á næstu vikum mun fjöldinn aukast enn frekar og áður en skólaárið er liðið þá munu all flestir ef ekki allir nemendur skólans eiga skólabúninga.  Þessar viðtökur fóru langt framúr björtustu vonum stjórnarmanna í foreldraráði og foreldrafélagi.  Það verður gaman að fá að taka þátt í þessu þróunarverkefni gengur á næstu árum í skólanum.

Þetta vekur upp spurningar hvort ekki sé kominn tími til þess að Menntaráð, skólastjórnendur og foreldrar taki umræður um þessi mál.  Er ekki orðið tímabært að hvetja skóla í borginni til þess að byrja með skólabúninga.  Vissulega eru kostir og gallar við að hafa slíka búninga en ég tel kostina mun fleirri en gallarnir. 

Merkilegt nokk

Ég rak augun í stjörnuspá okkar Hrútanna fyrir daginn í dag og hún fær mig til þess að glotta allavega út í annað.  Sérstakleg þó seinni setningin - þetta minnir mig á það sem Sólveig amma mín sagði alltaf "mér kemur það kannski ekkert við - en það er gott að vita þetta"  

Hrútur: Vinna er skapandi ferli fyrir þér. Þú vilt vera fræddum um allar ákvarðanir dagsins, og líka þær sem þér þér ekki beint við.

Skólabúningarnir í Sæmundarskóli - frábært framtak

Ég er svo heppinn að fá að taka þátt í foreldrastarfi Sæmundarskóla, sem er einn framsæknasti skóli höfuðborgarinnar, ég er formaður foreldraráðs og höfum við ásamt foreldrafélaginu ákveðið í samráði við skólastjórnendur skólans að bjóða foreldrum uppá skólafatnað fyrir börnin. 

Eftir miklar vangaveltur ákváðum við að vera með fatnað frá Henson og Regatta því vitanlega þurfa börnin þægilegan fatnað sem og fatnað sem þola íslenska veðráttu.  Við undirbúningsvinnuna var varið vítt og breitt í umræðum um skólafatnað og hvers vegna hann væri ekki orðinn almennur hér á landi.  Þægindin við það að vera með slíkan klæðnað eru vafalaust fleiri en ókostir.  Einnig getur þetta verið fjárhagslega ódýrara fyrir foreldra því álagning á svona fatnað er að sjálfssögðu í algjöru lágmarki.  En ef fleiri skólar myndu vara í þetta væri vitanlega hægt að gera enn hagstæðari innkaup en við höfum verið að gera fyrir þau tæplega tvöhundruð börn sem koma til með að byrja í skólanum í vikunni.  Ef skólar til að mynda í Grafarholti og Árbæ myndu sameinast væri hugsanlega verið að kaupa hátt í tvöþúsund skólabúninga og með því væri hægt að ná verðinu niður.

Til gamans set ég inn af Henson búningunum - það vantar reyndar skóla merkið á þessa búninga.

Ljósmyndari Moggabloggsins

 

Ég hvet ykkur til þess að skoða myndirnar hans Halldórs Sigurðssonar, hann er með margar myndir af iðandi mannlífi Reykjavíkur.  Myndin sem þíð sjáið hér fyrir ofan tók Halldór á Menningarnótt af flottustu flugeldasýningu sem haldinn hefur verið á Íslandi.  Ég hef oft velt því fyrir mér af hverju Mogginn birti ekki myndir eftir bloggarana í blaðinu hjá sér eins og þeir birta oft texta úr bloggum í blaðinu, reyndar vantar svolítið fjölbreytileikan því þeir virðast alltaf birta blogg eftir sömu bloggarana sem margir hverjir eru ágætir en þó ekki allir, en svo snýst þetta allt um smekk og misjafn er smekkur manna (sem betur fer).

500 þúsund kall í sekt fyrir að vekja nágrannana

Ég er ekki í vafa um að tengdapabbi sé ánægður með frammistöðu hollenska dómarans sem dæmdi prestinn.  Hann hefur hefur nefnilega haldið því fram að prestarnir í hverfinu ásæki hann með þessum kirkjuklukkum enda segir hann að prestarnir eigi einfaldlega að senda SMS nú þegar árið 2007 sé komið!  Hann segir einnig að það sé einfaldlega hægt að gera samning við Símann um magnsendingar á SMS sem hægt væri að senda hverju og einu sóknarbarni þegar presturinn vill ná sambandi við sóknina sína.  Spurningin er bara sú hvort það yrði ekki ólíft í hvefinu þegar SMS rignir yfir alla þar sem þar búa

Vísir, 19. ágú. 2007 15:04

Prestur sektaður fyrir klukknahljóm

Hollenskur prestur hefur verið dæmdur til að greiða 5000 evrur, eða tæpa hálfa milljón króna í sekt fyrir að hringja kirkjuklukkum í kirkju sinni of snemma og of hátt.

Presturinn, sem er kaþólskur, tók við nýju brauði fyrir hálfu ári og þá fór hann strax að hringja klukkum kirkjunnar heldur snemm að mati nágranna hans, eða klukkan hálf sjö um morguninn.

Talsmaður yfirvalda í heimabæ prestsins, Tilburg, sagði að honum væri heimilt að hringja klukkunum hvenær sem væri, en að hann yrði að halda sig innan hávaðamarka. Hann á einnig frekari sektir yfir höfði sér láti hann ekki af þessari hávaðasömu iðju

3 dagar í október - spennandi lesning

Bókin er eftir einn besta sölumann landsins og einn harðasta alþýðuflokksmann fyrr og síðar - hann slær nánast út afa mínum Runólfi Pjeturssyni sem var einn mesti alþýðumaður fyrr og síðar. 

Ég er búinn að verða mér úti um bókina og mun lesturinn hefjast á mánudaginn kemur.  Án efa er verður lesningin spennandi.

Upplýsingar teknar af www.skjaldborg.is

3 DAGAR Í OKTÓBER
Fritz M. Jörgensen.

Lík af konu uppgötvast í námunda við Þjóðarbókhlöðuna. Skömmu eftir að rannsóknin hefst hverfur önnur kona, Ásdís að nafni, við dularfullar aðstæður. Margt bendir til þess að atburðirnir sér tengdir. Gengur raðmorðingi laus í Reykjavík? Lögreglan leggur nótt við dag við að finna lausn á þessu dularfulla máli. Um leið fylgist lesandinn með örvæntingarfullri baráttu Ásdísar fyrir lífi sínu og kynnist smám saman hugarheimi þess sálsjúka manns sem við er að eiga. Það verður enginn svikinn af því að sökkva sér ofan í þessa frábæru spennusögu.

Íslenski þjóðfáninn bannaður í Reykjavík og hamingjuóskir til verkefnastjórnar Menninganætur

Fyrst af öllu vil ég óska verkefnastjórn Menningarnætur til hamingju með stórglæsilega dag og til hamingju reykvíkingar með glæsilega hátíð. 

Við fjölskyldan fórum í bæinn um kl 14.00 til þess að sýna okkur og sjá aðra og vorum við í bænum til miðnættis.  Allt skipulag dagsins var til fyrirmyndar og óhætt að segja að allir gátu fundið eitthvað við sitt hæfi á hvaða aldri sem þeir eru þrátt fyrir að Landsbankatónleikarnir hafi fengið falleinkunn frá ansi mörgum - sökum þess að þar vantaði skipulag, tónleikastjóra (kynnir) sá sem var settur sem kynnir var viðvaningur á móts við glæsilega frammistöðu Páls Óskars á tónleikunum á Laugardalsvellinum á föstudagskvöldið, einnig leið alltof langur tími á milli hljómsveita enda gáfumst við upp á þessum tónleikum og gengum þess í stað niður eina skemmtilegustu götu Reykjavíkur þ.e Skólavörðustíginn - sú gata er án efa staður lista og menningar, staður jóla sama hvaða árstími er því þar eru 2 ef ekki 3 jólabúðir sem opnar eru allan ársins hring og óneitanlega gleður það mig þar sem ég myndi helst vilja hafa jólaskrautið uppi 365 daga á ári.

Það var þó eitt sem við fórum að velta fyrir okkur þegar við sáum íslenska þjóðfánann blakta við eitt heimilið í borginni - svo undarlega sem það kann að hljóma þá virðist íslenski þjóðfáninn vera bannaður í Reykjavík því borgaryfirvöld flögguðu honum hvergi á þessari miklu menningarhátíð.  Á dögum sem þessum ætti fáninn að vera á hverju götuhorni og í öllum verslunargluggum ef ekki bara öllum gluggum, við erum allt of spéhrædd að nota fánann okkar.  Því þurfum við að breyta.

En maður lifandi hvað Villi borgarstjóri stimplaði sig rækilega inn með flugeldasýningu aldarinnar.  Þetta var flottasta, stærsta og magnaðasta flugeldasýning fyrr og síðar - þó svo það hafi verið erfitt þá sló Vilhjálmur gamla metið hans Davíðs þegar hann var borgarstjóri þegar haldið var uppá 200 ára afmæli Reykjavíkurborgar sú flugeldasýning var eins og trítill frá Landsbjörg í samanburði við þá flugeldasýningu sem var í gærkvöldi.  Til hamingju Vilhjálmur með þennan dag og þessa sýningu það verður erfitt að toppa hana að ári.

Ég hef ákveðið að breyta fyrri tillögu minni hvað varðandi skipulagningu á 17 júní hátíðarhaldanna.  Við fáum skipuleggjendur GayPride til þess að hafa yfirumsjón með skrúðgöngunni og málefnum henni tendri og fáum svo verkefnastjórn Menningarnætur til þess að skipuleggja viðburði um allan miðbæinn s.s. tónlistaratriði, listasýningar ofl.  Þá verður kannski 17 júní hátíðarhöldin mönnum bjóðandi.

Verkefnisstjórn Menningarnætur lýsir yfir ánægju

Kosningar í næstunni

Þá hefur Lúðvík tekist það sem fáum bæjarstjórum hefur tekist, en honum hefur ekki bara tekist það einu sinni heldur hefur honum tekist að kljúfa bæjarsamfélagið hjá sér herðar niður og skipta bænum í tvær fylkingar. 

En nú verður spennandi að vita hvort Lúðvík telji þetta vera stórframkvæmd eða bara smávægilega byggingarframkvæmd því er það ekki yfirlýst stefna Lúðvíks að allar stórframkvæmdir skulu fara í íbúðakosningu?   Því hlýtur spurningin að vera sú hvenær á að kjósa?

En eins einkennilegt og það kannski hljómar þá segir fólk oft " ég skil bara ekki af hverju það er ekki byggt upp í loftið, stærri hús líkt og gert er erlendis og byggingarreitir nýttir betur".  En svo þegar kemur að því að byggja há hús þá vill enginn hafa þau nálægt sér en það finnst öllum sjálfssagt að byggja bara svo framalega sem það sjáist ekki frá sínu heimili.  Merkilegt!

 

Stórhýsi kynnt í Hafnarfirði