Vöndurinn kominn á loft! og hreinsun hafinn í heilbrigðiskerfinu - þó fyrr hefði verið!!!

Það var mikið að kominn er heilbrigðisráðherra sem þorir að taka á málunum.  Núverandi ráðherra Guðlaugur Þór mun án efa nota sópinn og hreinsa töluvert í burtu og ekki bara undir mottur heldur alla leið út.

Eitt af hans fyrstu verkum var að sópa Alfreð "fv. litla borgarstjóra Reykjavíkurborgar", eins og hann var stundum kallaður, úr ríkisjötunni, þó fyrr hefði verið.  Alfreð hefur áorkað meira en margur með framúrkeyrslum í framkvæmdum, sólundað okkar féi í hin ýmsu ævintýraverkefni s.s. Trjárækt á höfðanum, risarækjueldi, bygging Orkuveitunnar sem fór nokkuð duglega svo ekki sé nú meira sagt fram úr kostnaðaráætlunum og svo auðvitað að ógleymdu Línu.Net ævintýrinu sem enginn virðist vilja taka á.  Þessi ágæti maður hefði að sjálfssögðu átt að fá að taka pokann sinn um leið og hann hætti í borgarstjórn.  Spurningin er bara hve gott hann hefur haft það í byggingarnefnd Hátæknisjúkrahússins, en svar við þeirri spurningu fæst örugglega aldrei svarað!

En þetta er alls ekki eina verkefnið sem Guðlaugur tekur að sér, því hann er maður orða sinna og lætur verkin tala - Ég er þess fullviss að hagræðing í heilbrigðiskerfinu mun bæta til muna alla þjónustu í kerfinu, lyfjakostnaður mun lækka og valkostir landsmanna í þjónustu kerfisins fjölga öllum til gleði, ánægju og sparnaðar.

Vöndurinn er kominn á loft og vonandi mun hann hreinsa rykið vel út og það sem fyrst.

Bónuslestinn

Það er spurning hvort Jóhannes vilji ekki styrkja almenningssamgöngurnar í höfuðborginni, auglýsingin gæti litið eitthvað svona út

 Að hugsa sér hvað svona lestarvagn gæti frískað uppá miðbæinn

Skólabúningar í alla grunnskóla Reykjavíkur

Ég er hef haft könnun hérna á síðunni undanfarna daga sem spurt var

"Vilt þú láta taka upp skólabúninga í grunnskólum"

Já 76,7%

Nei 20,5%

Alveg sama 2,7%

Það er óhætt að segja að niðurstöðurnar eru afgerandi.  Reyndar er þetta ekki eina niðurstaðan sem sýnir svipað hlutfall um þetta málefni því útvarpsþátturinn Reykjavík síðdegis hafði sambærilega könnun fyrir nokkru síðan þar sem niðurstöðurnar voru svipaðar.  Einnig er vert að segja frá því að niðurstöður þessara kannanna endurspegla svo það sem gerðist í Sæmundarskóla nú á fyrstu skóladögunum þar sem foreldraráð og foreldrafélag ákváðu í samráði við skólastjórnendur að bjóða uppá skólabúninga.  Viðtökurnar voru hreint út sagt frábærar og má ætla að um og yfir 90% nemenda við skólann eigi nú skólarúningin.

Miðað við þetta tel ég orðið brýnt að kanna þessi mál betur og tel því rétt að Menntaráð Reykjavíkur taki málið upp og skipi nefnd um málið sem skipuð yrði fagaðilum og foreldrum/forráðamönnum.  Þar gæfist kostur á að skoða málið ofan í kjölinn og kanna hvort ekki sé kominn tími til þess að byrja með skólabúninga í öllum grunnskólum Reykjavíkur á næsta ári.

Nýr félagi

Það eru til þrjár gerðir af fólki sem tengist manni.

1.  Eru vinir

2.  Eru félagar

3.  Eru samferðafólk

Og maður verður að gera greinamun á milli tengsla við fólk.  Ég hef alltaf haft gaman af fólki sama í hvaða dilk maður dregur það (hér að ofan).  Í dag hef ég eignast nýjan félaga hér á blogginu sem ég hef reyndar þekkt til fjölda ára þar sem hann er félagi bróður minns. 

Kappinn heitir Einar og hægt er að skoða bloggið hans hér

Fari þeir norður og niður

Já og ekki orð um það meir.  Gamla lookið er komið til baka þrátt fyrir að sendiboðarnir hafi komið.  Vegna fjölda áskoranna þá hef ég nú tekið upp gamla "fasteigna" lookið og svei mér þá ef maður er nú bara ekki  nokkuð ánægður með það.  Það er klassískt og flott

Fékk eins og oft áður lánaða mynd frá Halldóri Sigurðssyni, áhugaljósmyndara sem ætti með réttu að vera atvinnuljósmyndari, hann tekur flottar myndir af mönnum og málefnum, þið getið séð bloggið hans HÉR ! 

- Halldór ég vona að það sé í lagi að ég hafi fengið þessa mynd lánaða!!

Hey ég náði henni, náði henni, náði henni ....

3G frá Símanum - Algjör snilld

Og ég sem hélt að ég hefði ekki þörf fyrir 3G - maður lifandi hvað þetta er mikil snilld, er eiginlega kominn á þá skoðun að þessi þjónusta Símans að bjóða uppá 3G sé algjörlega ómissandi (Ragnar Reykás hvað).

Ég fékk mér 3G kort fyrir fartölvuna í verslun Símans og er búinn að nota það óspart síðan.  Það er hreint frábært að vera alltaf í netsambandi - alltaf allsstaðar!  Maður einfaldlega hefur kortið í fartölvunni og þú ert "on line" er hægt að hafa þetta betra og það sem meira er þá er hraðinn bara fínn - betri en sumir hafa heima hjá sér, ótrúlegt - en dagsatt  

Maður er því ekki lengur bundinn við að vera inni við þegar maður þarf að vinna í tölvunni, maður getur verið á ferðinni í bíl, setið á Austurvelli (þ.e þegar hættir að rigna) eða bara hvar sem er - Ef þetta er ekki must þá er ekkert must !  Þessi tækni getur nýst svo að segja öllum hvort heldur sem er í vinnu eða leik.

Ef þú ert ekki nú þegar búin að fjárfesta í 3G kortinu þá ráðlegg ég þér að gera það hið snarasta og öðlastu frelsi - vertu frjáls með Símanum ! (maður ætti kannski að reyna selja þeim þetta slagorð)

Nýtt útlit - aðstoð óskast

Þá er komið nýtt útlit á síðuna hjá mér, fyrir mitt leiti held ég bara að "gamla" útlitið hafi höfðað meira til mín - en hvað finnst ykkur?

Reyndar óska ég eftir aðstoð við að búa til mitt eigið útlit - kann ekkert á þessa forritunarvinnu, ef einhver hefur tök á að aðstoða mig þá væri sú hjálp vel þeginn!

P.S. Nú er bara að bíða og sjá hvort sendiboðarnir eða umbjóðandi þeirra fíli betur bláar appelsínur en "fasteignasölu-lookið"

Frábært hjá nýja lögreglustjóranum og hans starfsfólki

Við skulum kalla þrefalt húrra fyrir nýja lögreglustjóranum

*Húrra* *Húrra* *Húrra*

Það er alveg magnað að fylgjast með nýja lögreglustjóranum á höfuðborgarsvæðinu.  Hann lætur sig allt varða, hann er sýnilegur og hann nær árangri.  Ég held ég geti fullyrt að ég hef séð meira af honum heldur þessa nokkru mánuði sem hann hefur verið í starfi en ég sá þann sem hann tók við af öll árin hans í embætti.  Merkilegt nokk.

Ég fagna því að það sé farið að taka á þessum sóða málum í Reykjavík og ég segi nú bara þó fyrr hefði verið.  Það verður þá kannski til þess að hreinsikostnaður sem borgin/við höfum verið að greiða síðustu ár fari minnkandi á næstu mánuðum - það þarf nefnilega ekki að vera mikið mál að halda borginni okkar hreinni - hver og einn þarf nefnilega bara að hugsa um sjálfan sig og byrja að virða sig og umhverfið í kringum sig.

Fimmtíu og þrír brutu gegn lögreglusamþykkt

Tveir sendiboðar komu ríðandi

Ritstjórn síðunnar hefur borist orðsending.

Það var seint í gærkvöldi sem tveir sendiboðar komu ríðandi á litlum hestum á skrifstofu ritstjórnar síðunnar, þeir tóku ritstjórann og aðstoðarkonu hans tali á meðan þeir þáðu ljúfan drykk.  Umkvörtunarefnið var útlit síðunnar og voru þeir nú komnir til þess að krefjast þess að útlinu yrði breitt hið snarasta þar sem sögn umbjóðenda þeirra liti hún út eins og heimasíða fasteignasala. 

Eftir að sendiboðarnir fóru á hestum sínum út í nóttina þá var boðaður til neyðarfundur ritstjórnar og ákveðið var að boða fund með vefdeild síðunnar ekki síðar en 06.24 nú í morgunn, enda alþekkt að nördarnir sem þar vinna fá sínar bestu hugmyndir eftir að þeir hafa lokið við að spila tölvuleiki alla nóttina.  Staða mála er nú sú að stefnt er að setja í loftið nýtt útlit mánudaginn 10 september kl 22.13 og verður það útlit haft til reynslu í 48 klukkustundir og ákveðið verður með framhaldið í lok reynslutímabilsins.