Og hvað

Ekki það að ég ætli að halda verndarhendi yfir þessari blessuðu stúlku en ritgerðasamkeppni er nú einu sinni ritgerðasamkeppni.  Væntanlega var ekki skilyrði um að skrifa sanna sögu því oftar en ekki þegar maður skrifar ritgerð skrifar maður um eitthvað allt annað en sannleikann, lætur hugann reika og en það er kannski full langt gengið að deyða föður sinn til þess að vinna..... og þó?

Falsaði fráfall föður í ritgerðarsamkeppni

Íþróttamaður ársins er kona !

Kæra Margrét Lára til hamingju með kjör sem íþróttamaður ársins 2007.  Þú átt þennan titil svo sannarlega skilið eftir frábæra frammistöðu síðustu tvö ár.  Það hefur verið aðdáunarvert að fylgjast með þér og þínu liði.

Viðtak þitt eftir afhendingu verðlaunaða ætti að vera mörgum, ekki íþróttamönnum, hvatning til góðra verka og meta fjöldann í kringum sig hvort heldur sem er í íþróttum eða öðrum félagsmálum.  Það var einstaklega ánægjulegt að heyra hve hlýtt þú hugsar til hópsins og hve mikils þú metur fólkið í kringum þig. 

Það er vissulega rétt að íþróttafólk er öðru fólki á öllum aldri mikil hvatning og því er það sérlega mikilvægt að það fólk sem í framlínunni stendur sé öðrum góð fyrirmynd.  Það er akkúrat fólki eins og þér að þakka að börnin okkar leitast við að standa sig vel í íþróttum sem er afar brýnt þar sem næsta besta forvörn barna eru einmitt íþróttirnar.  Ef börn iðka íþróttir eru mun minni líkur á að þau leiðist út í óæskilegan félagsskap eða hefji drykkju ung.  Takk fyrir það!

Margrét Lára íþróttamaður ársins

Svona myndi ég vilja hafa það

Þetta er auðvitað bara frábært.  Þetta er kannski ástæðan fyrir því að ég bý ekki í einbýlishúsi, frúin myndu ekki samþykkja þetta - allavega ekki þegjandi og hljóðalaust.

Gleðilega hátíð kæru bloggvinir.

Skemmtilegur leikur

Stórskemmtilegur grínisti, alveg hreint frábær og hefur án efa komið aðstandendum til þess að brosa út í annað.  Spurning um hvort maður fari ekki og biðji Ragga í Space að geyma eins og 80 kort eða svo.

Sendi jólakort frá himnum

Hvað með nýársávarp Bessastaðabóndans

Ég hlakka til þess að geta fylgst með nýárs ávarpi forseta á youtube - Þá gæfist ríkisútvarpinu kostur á því að klippa ávarpið í tvennt og selt í auglýsingahlé - ég er reyndar ekki viss um að upphæðin yrði sú sama og í auglýsingahléi skaupsins þar sem talsvert færri horfa á nýárs ávarp forsetans.  En þeir sem vilja alls ekki sjá auglýsingar á milli geta farið á Youtube og horf á ávarpið í einni heild.

 

Drottningin á YouTube

Lögreglan kom í heimsókn á aðfangadag

Það var skemmtilegur aðfangadagur í gær en ég held samt að yfir daginn hafi hápunktur dóttur minnar verið þegar hún fékk heimsókn frá lögreglunni.  Hún hafði verið svo klár og svarað öllum umferðarspurningunum rétt sem hún skilaði inn.  Heppnin var svo með henni því hún var dregin út og fékk sendan bókaglaðning frá lögreglunni.  Hún hefur gert lítið annað en að lesa bókina fyrir litlu systur sína, já og segja henni mikilvægi þess að líta til beggja hliða áður en maður gengur yfir götu.

Nú þegar ég kom heim eftir hádegið eftir óvenju stuttan vinnudag þ.e ekki nema 4 klukkustundir eða svo þá var hafist handa við að undirbúa pakkaútkeyrsluna sem er allaf eitt af því skemmtilegasta sem maður gerir á hverjum jólum - alltaf gott að fá smákökur í hverju húsi þó svo maður hafi nú alls ekki gott af því að borða svo mikið sem eina köku.

Eftir pakkaútkeyrsluna fóru allir að taka sig til og fara í sitt fínasta púss áður en við færum til tengdaforeldranna til þess að halda aðfangakvöld.  Borðaður var dýrindismatur sem sumir skoluðu niður með eðal rauðvíni en aðrir bara með árgerð 2007 af jólaöli frá Agli Skallagrímssyni (góður árgangur það).  En auðvitað er alltaf mest spennandi hjá krökkum á öllum aldri þegar byrjað er að taka upp jólapakkana - það var alltaf skemmtilegt þegar dæturnar spurðu "hvenær megum við byrja að taka upp jólapakka" - þessi spurning kom á u.þ.b 5-10 mín fresti allt kvöldið  og þær voru reyndar alveg steinhissa að hvað tíminn var lengi að líða.

En allt tekur þetta enda og þegar búið var að ganga frá öllu sem við kom matarborðinu þá var gengið í það mikla verk að taka upp jólapakkana.  Þar kom ýmislegt í ljós og fengu allir eitthvað fallegt.  Þegar þessari aðgerð lauk má segja að stelpurnar hafi verið orðnar frekar þreyttar enda tók þetta örugglega rúmar tvær klukkustundir eða svo.

Það gátu því allir haldið til koju saddir, sælir og glaðir með boðskap jólanna í huga nú sem endranær.

Söguhringur Reykjavíkur - Nú ætti Menningar- og ferðamálaráð að vakna.

Nú er tækifæri til þess að merkja allar styttur og listaverk í Reykjavík.  Þar sem þeim fjölgar stöðugt sem eiga GPS staðsetningartæki. 

Menningar- og ferðamálaráð Reykjavíkur gæti látið útbúa nokkra skoðunarhringi sem menn gætu skráð inn upphafspunkt hjá einverri styttu t.d Jón Sigurðsson eða Leif Eiríkssyni.  Síðan yrði keyrt um bæinn í söguferð.  Á hverjum stað fyrir sig yrði settur upp fm sendir þar sem fólk gæfist kostur á að stilla útvarpið í bílnum eða í farsímanum og hlustað á stutta frásögn af persónu, húsi eða sögu.

Þannig væri hægt að gera skemmtilega hringi fyrir t.d persónur, hús eða aðra staði og almenningi gæfist kostur á að fara í þessa hringi sér að kostnaða lausu en til ómældrar skemmtunar.

 

Jesúbarnið fær GPS í jólagjöf

Hefði getað ollið ómentanlegu tjóni.

 

Það var ekki heppni skemmdarvargsins að ekki fór verr.  Það hefði getað kostað meira en bara peninga ef lögreglan hefði þurft að hraða sér í forgangsútkall og ekki komist.

Spurning hvort dómarinn ætti ekki að dæma varginn til vinnu á hjólbarðaverkstæðis yfir eina vertíð eða svo t.d. í vor.  Ég get rétt ímyndað mér að það sé ekki auðveld vinna og hann mun því hugsa sig tvisvar um áður en gerir þennan óleik aftur !  En það væri vissulega eftir að hann hefur klárað fulla meðferð á Vogi sem ætti auvðitað að vera skilda að allir þeir sem keyra ölvaðir færu strax í !

Jólavina samsærið

Eins og á mörgum vinnustöðum þá er leyni jólavinaleikur í gangi.  Alveg þrælmagnaður leikur og skemmtileg afþreying til þess að lífga uppá snjólausa jólatíð.  En nú er það komið á hreint þ.e jólavina samsærið.....

Leyni jólavinur minn byrjaði með pomp og prakt á þriðjudaginn var með því að skreyta skrifborðið mitt með fallegri jólaseríu og beið mín einnig þessi fína jóla kanna undir kaffisopann úr kaffigarðinum.  Ég var svo lánssamur að minn var virkur en hinsvegar var vinkona mín hér með algjörlega óvirkan leyni jólavin.

En hvað gerðist !!??

Minn hvarf og jólavinur vinkonu minnar birtist svo um munaði og hefur verið í stanslausu starfi frá því á þriðjudaginn - Samsærið er því að hann hefur hugsanlega komið mínum leyni jólavin fyrir kattanef - tekið pakkana og er nú að nýta sér þær til þess að gleðja sinn vin - ekki slæmt það......

en hér með er auglýst eftir leyni jólavini mínum......

Lögreglan gefur frítt stæði í miðborginni?

Gæti verið fyrirsögn fréttatilkynningar frá lögreglunni á Höfuðborgarsvæðinu.  Þetta ætti að vera ákaflega einfalt í framkvæmd og gæti verið gott framtak lögreglu og borgar við að efla vitund borgarbúa um að góður akstur borgar sig og jafnframt sem það myndi gera góða ímynd íslensku lögreglunnar enn betri.

Nú ef það heillar ekki lögregluna að gefa frítt stæði í eina til tvær klukkustundir þá ætti að vera auðvelt að semja við Kaffitár eða Te&Kaffi um kaffisopa enda báðar keðjurnar með kaffihús á fleiri en einum stað hér á höfuðborgarsvæðinu.

En eitt er víst það verður spennandi að leggja af stað til vinnu í fyrramálið og bíða eftir því að verða stoppaður fyrir það eitt að keyra um á löglegum hraða og gefa stefnuljós.

Lögreglan gefur ökumönnum kaffi