Er þetta ekki að verða ágætt

Fischer nefndin vann ágætt starfs þegar þau unnu hörðum höndum að því að Fischer fengi íslenskan ríkisborgararétt og fluttu hann til landsins með aðstoð kaupmanns.  En er þetta ekki orðið ágætt, hvernig í ósköpunum ætlar Fischer nefndin að réttlæta það að hann verði jarðsettur á Þingvöllum?  Eru menn ekki farnir að ætlast til of mikils, mér er bara spurn? 

Ekki rætt um að fleiri verði jarðsettir á Þingvöllum

Er bara morgunfúlt fólk í strætó?

Ég gat ekki annað en brosað út í annað ef ekki bara bæði þegar ég las orð hennar Liv Berþórsdóttur framkv.st. Nova

"segist aðspurð ekki telja að morgunfúlir farþegar muni taka uppátæki fyrirtækisins illa"

Miðað við þessa setningu þá er einungis morgunfúlt fólk sem tekur strætó, það er kannski þess vegna sem ég tek ekki strætó - vegna þess að ég er ekki morgunfúll eða hvað segir Liv við því?

 

 

Lifandi auglýsingar

Lýðveldi kostar sitt

En er þetta ekki einum of mikill fórnarkostnaður?  Þetta er auðvitað komið út fyrir öll velsæmismörk.  Það þarf að koma breyting á stjórnarskrá strax á þessu þingi svo unt sé gera kröfu um fleiri meðmælendur fyrir framboð þ.e hækka þá úr 1500 upp í 4-5.000, það ætti að vera smá hindrun fyrir því að aðrir en þeir sem ætla í alvöru framboð bjóði sig fram.  Þegar ég segi alvöru framboð meina ég auðvitað þetta lýðskrum sem í gangi er þegar maður sem boðið hefur sig fram í tvígang ætlar að fara fram í þriðja skiptið til þess eins að vekja athygli á sjálfum sér og fullnægja eigin egó. 

Svo spyr maður sjálfan sig hvað í ósköpunum sé í gangi þ.e að koma fram með þessa kæru á hendur Þórunni.  Það sér þetta hver heilvita maður að þetta framboð er bara grín.

Ástþór kærir Þórunni

Ég segi nú bara ja hérna hér.

Það er kannski hægt að réttlæta einn eða tvo daga þó svo það sé mjög erfitt en hvernig í ósköpunum er hægt að réttlæta að maðurinn hafi verið gleymdur í fimmtíu ár.

Vonandi fær maðurinn ásættanlegar bætur svo ekki sé nú meira sagt.

Gleymdist í fangelsi í 50 ár

Samanburður

Það gæti verið áhugavert að sjá samanburð á ökuhraðanum í gegnum göngin.  Með því gæti maður séð hvort hraðinn sé að aukast þarna í gegn eða hvort það sé að hægjast á honum.  Mín tilfinning er sú að hraðinn hafi minnkað í gegnum göngin frá því lögreglan fór í átak gegn hraðakstri.

89 óku of hratt í Hvalfjarðargöngunum

Porsche í henglum

Það er víst aldrei of varlega farið og menn hvort heldur sem þeir aka um á Porsche eða Toyota bílum ættu ávallt að aka miðað við aðstæður. 

Sem betur fer fór betur en á horfðist í Grindavík og hreint út sagt heppni að ekki fór verr.  En ekki að mér komi það mikið við en skyldi tryggingarfélagið greiða bílinn að fullu?  En miðað við fréttirnar af slysinu þá ók ökumaðurinn á ofsaakstri og missti stjórn á bifreiðinni.   

Og þá verða sagðar ekki fréttir

Þessi frétt er vinningshafi vikunnar í flokki ekki frétta.  Hvers vegna í ósköpunum ratar hún hér á mbl.is - Reyndar hugsaði ég þrennt þegar ég las þessa frétt

1.  Hverskonar smekkleysa er þetta að gefa rauða kaffikönnu, en sem betur fer er nú misjafn smekkur fólks

2.  Mikið svakalega gengur illa hjá mínu viðskiptabanka í fyrra gaf hann okkur hjónum brauðkörfu en núna dagatal sem fór beina leið í ruslafötuna, kannski að maður ætti að skipta yfir í Glitnir og fá rauða kaffikönnu.

3.  Þessi frétt er vinningshafi ekki frétta þessa vikunna!

Jólagjöf Glitnis of rauð

Frú Þorgerður - hlustaðu nú?

Þetta er ótrúlegur viðsnúningur hjá húsafriðunarnefnd og alveg fráleitt að nefndin vilji varðveita þessa húsakofa sem að mínu mati hafa síður en svo verið til prýðis fyrir Laugarveginn.  Það er engu líkara en að meirihlutinn í borginni hafi pantað þennan viðsnúning og óskað eftir að nefndin legði til friðun, enda á meirihlutinn í miklum vandræðum málsins sökum klofnings um afstöðu í málinu.

En af hverju má ekki byggja þarna ný, hagkvæmari og fallegri hús?  Þá væri hægt að óska eftir eða hreinlega gefa út skilyrt byggingarleyfi sem gerði það að verkum að framkvæmdaaðilinn þyrfti að byggja í gömlum stíl líkt og gert var þegar hótel þeirra feðga Ólafs Torfasonar og Torfa Torfasonar var byggt í Aðalstræti hér um árið.  Þar er vel heppnuð nýbygging innan um gömul hús reyndar er í nágrenninu ljótasta hús landsins sem áður hýsti Morgunblaðið en geymir nú TM.  Það hús mætti alveg rífa ef út í það er farið og byggja falleg hús í gömlum stíl.

Ég held að húsfriðunarnefnd og meirihlutinn í borginni ættu að hlusta á megin þorra íbúa svæðisins og leyfa niðurrif á þessum húsum og ekki standa í vegi fyrir uppbyggingu á svæðinu með það að leiðarljósi að byggja upp enn frekara mannlíf í miðborg höfuðborgarinnar.

 

SUS: Laugavegshúsin verði ekki friðuð

Fyrsti fundur hverfisráðs Grafarholts og Úlfarsárdals

Það var fyrsti fundur hverfisráðs Grafarholts og Úlfasárdals í dag eftir þær breytingar sem orðið hafa á hverfisráðunum bæði hvað varðar samsetningu ráðanna sem og eftir meirihlutaskiptin hér í Reykjavík áttu sér stað. 

Á fundinum var farið yfir eitt og annað hvað varðar fyrirkomulag þeirra fund sem framundan eru, einnig var rætt um Átak/samráð í uppbyggingu útivistarsvæða sem í fljótu bragði virðist vera verkefni sem unnið er fyrst og fremst úr hugmyndum gamla meirihlutans, sem er auðvitað hið besta mál.

Á fundinum vöknuðu ýmsar spurningar sem settar voru fram og beðið er nú svara við.

Eftirfarandi fyrirspurning lögðu fulltrúar sjálfstæðisflokksins fyrir fundinn.

1. Hver er heildarkostaður við verkefnið átak/samráð í uppbyggingu á nærumhverfi þ.m.t laun og kostnaður vegna starfsmanna?
2. Þar sem innkaupareglur borgarinnar gera ráð fyrir að verkefni eða framkvæmdir sem fara yfir 5-7 milljónir skulu fara í útboð, var verkefni auglýsingarstofunnar boðið út þar sem fyrirsjáanlegur kostnaður vegna vinnu stofunnar og birtingarkostnaður auglýsinga mun fara yfir það viðmið?
3. Í áætlun er að þrír milljarðar fari í hverfatengd verkefni.  Hvernig munu þessir fjármunir skiptast nákvæmlega niður á hverfin, í hvaða forgangsröð verða þau unninn og hvenær á þessum verkefnum að vera lokið?
4. Er nú þegar búið að ráðstafa og skilgreina þessa fjármuni í einstök verkefni og framkvæmdir í hverju hverfi fyrir sig?
5. Þar sem enn er ekki búið að taka ákvörðun um legu Sundabrautar og ekki ljóst hvenær framkvæmdir við brautina hefjast, óskum við eftir upplýsingum um til hvaða ráðstafana verði gripið vegna umferðar til og frá nýrri byggð í Úlfarsárdal?
6. Við breytingu á hverfisráðum hefur skapast aukinn kostnaður við stjórnsýslu borgarinnar.  Hver er fjárhagsleg aukning borgarinnar við þessa breytingu?

Óskað var eftir skriflegum svörum með sundurliðunum þar sem það átti við

Einnig komu fulltrúar sjálfstæðismanna með eftirfarandi tillögu fyrir fundinn

Leggjum við til að framvegis verði fundir hverfisráðs Grafarholts og Úlfarsárdals haldnir í hverfi ráðsins.  Næg aðstaða er í hverfinu til funda og eðlilegast að ráðið sem á að bera hagsmuni hverfisins að leiðarljósi fundi á þeim stað.

Þessari tillögu var því miður frestað til næsta fundar sem haldinn verður 22 janúar n.k.

Ef þú hefur spurningar eða hugmyndir sem vel hefur verið gert eða betur mætti fara hér á svæðinu þá endilega sendið mér línu.

Góð tillaga sjálfstæðismanna einróma samþykkt

Það var ánægjulegt að sjá hve vel hverfisráð Breiðholts tók í tillögu sjálfstæðismanna um lausn á þeim umferðarhnút sem verið hefur á þessu svæði þegar mikill ös er.  Tillaga sjálfstæðismanna er hvort tveggja í senn umhverfisvæn því græn svæði stækka og rýmkar fyrir almenningssamgöngum sem og einkabílnum.

 Hér má sjá tillögu sjálfstæðismanna í eins og hún var borinn upp og var einróma samþykkt.

Tillaga lögð fram á fundi hverfaráðs Breiðholts fimmtudaginn 10. janúar 2007   

Sjálfstæðismenn í hverfisráði Breiðholts leggja til að gatnamótum Bústaðarvegar og Reykjanesbrautar verði breytt með þeim hætti að gerð verði aukaakrein meðfram Bústaðavegi í norður sem liggur í göng undir Reykjanesbrautina. Þá verði jafnframt gert hringtorg fyrir ofan Sprengisand og grænt svæði við íbúðabyggð austast í Fossvogi stækkað. Áhersla verði lögð á umhverfisvæna lausn sem tekur mið af því að í næsta nágrenni eru Elliðaárnar. Þá verði séð til þess að nýi vegurinn liggi eins nálægt núverandi vegi og kostur er þannig að ekki fari of mikið landsvæði í þessa miklu samgöngubót fyrir borgarbúa.  Tillögunni verði vísað til umhverfisráðs og framkvæmdaráðs borgarinnar.

  

 

Greinargerð: Tillagan felur í sér meira umferðaröryggi, minni slysatíðni, flæðandi og greiðari umferð í báðar áttir. Þá gerir tillagan ráð fyrir, eins og sjá má á mynd sem fylgir tillögunni, að umferðarljós verða óþörf á þessum stað og að ekki verður lengur hægt að taka vinstri beygju frá Bústaðavegi yfir á Reykjanesbraut. Við gerð þessarar tillögu voru umhverfissjónarmið höfð að leiðarljósi og tillagan útfærð með þeim hætti að ekki yrði of mikið rask við Elliðaárdalinn og að þessi samgöngubót væri ekki fyrirferðamikil í umhverfinu. Þá var einnig hugað að því að stækka grænt svæði sunnan við Bústaðaveg sem yrði til aukinna þæginda fyrir nærliggjandi íbúabyggð austast í Fossvogi. Með tillögunni teljum við að hægt sé að draga töluvert úr mengun því eins og ástandið er nú við þessi gatnamót standa bílar í lausagangi þarna í löngum röðum á álagstímum en það hefur verið margrannsakað að bílar í lausagangi menga mjög mikið og auka  þar með svifrykið í borginni.

 

Vilja aukaakrein meðfram Reykjanesbraut