Þó fyrr hefði verið

Maður segir nú ekki meir!  Ég segi þó - að batnandi mönnum er best að lifa og loksins er lögreglan farinn að skipta sér af hraðakstri gulu hættunnar sem streyma hér um götur höfuðborgarsvæðisins.  Það er allt of algeng sjón að sjá hraðakstur þessara vagna og oft á tíðum ansi vel yfir hámarkshraða.

Veit ég vel að margar leiðir eru erfiðar hvað varðar tímatöflunar en þá eiga menn að segja "hingað og ekki lengra" enda er það alltaf vagnstjórinn sem ber ábyrgðina ef eitthvað kemur fyrir!!

Strætisvagn stöðvaður á of miklum hraða

Air Force One - Óli okkar verður nú að ferðast með smá style !!!

 

 

Það hafa allir þjóðhöfðingjar sínar þotur nema Óli okkar, þetta er ekki sanngjarnt!  Hvers á hann að gjalda þegar hann hittir erlenda stórhöfðingja hann Óli okkar?  Varla getur hann sagt frá því opinberlega að hann hafi komið með áætlunarflugi og það IcelandAir allways on time! eða lággjaldaflugfélaginu IcelandExpress, hann Óli okkar veit ekki einu sinni að það flugfélag fljúgi til og frá Íslandi því þeir bjóða ekki uppá betri sæti, nýjustu tímaritin eða drykk fyrir flugtak og síður en svo teppi og kodda!  Svo eru flugfreyjurnar þeirra í grænu uniformi (ekki alveg að gera sig)!

Auðvitað getur Óli okkar ekki ferðast með hinum venjulega Íslending, það er ekki eins og hann eigi samleið með þeim, ég meina "come on" og svo kostar það ekki nógu mikið og hann á svo sannarlega nóg eftir af risnureikningi sínum þrátt fyrir að vera búinn að láta embættið borga ýmislegt á ferðalögum sínum sem eru að sjálfssögðu nauðsynleg þar sem hann er svona semí þjóðhöfðingi. 

Ég mæli eiginlega með því að forsetaembættið kaupi eina vél fyrir Óla okkar svo hann geti ferðast frjáls og óháður, laus við að gefa upp hver fljúgi með hann hvert sem klárlega veitir honum mikla öryggiskennd og síðast en ekki síst þá væri hann kominn í sama hóp og hinir þjóðhöfðingjarnir.

Það verður spennandi að sjá hverjir verða í næsta úrdrætti á fálkaorðunni, skyldi Óli okkar greiða fyrir flugfarið með því að veita styrkþegum sínum orðu þ.e þeim Jóni Ásgeir og Magnúsi í Eimskip, ég segi nú bara minna má það varla vera!

Hver greiðir reikningin??

Fyrir flutningnum á skútinni alla leið frá Fáskrúðsfirði til Keflavíkur, leitina og frágang eftir leitina??

Það væri forvitnilegt að vita það, var ekki hægt að flytja skútuna í húsnæði annaðhvort fyrir austan eða í versta falli í flugskýlið á Akureyri?

En þrátt fyrir þessa einföldu spurningu mína þá vil ég nota tækifærið og lýsa yfir ánægju minni með þennan fíkniefnafund lögreglu, tollgæslu og annarra yfirvalda.

Ekki fannst meira af fíkniefnum í skútunni

Tiger Woods, Heiðar Davíð, Steve Flesch, Mark Foster og Birgir Leifur varið ykkur því

 

Já nú er maður að komast í atvinnumennskuna í golfinu - ekki spurning, fór á hreint frábært námskeið í dag sem stóð í 5 klukkustundir hérna í garðinum heima hjá mér þ.e í Básum hjá Golfklúbbi Reykjavíkur.  Það er því ljóst að Tiger Woods, Heiðar Davíð, Steve Flesch, Mark Foster og Birgir Leifur þurfa að fara vara sig því "I will be there" eftir nokkra áratugi

Námskeiðið var á vegum ProGolf (www.progolf.is) sem býður uppá metnaðarfull og vel skipulögð námskeið fyrir byrjendur sem og lengra komna á öllum aldri.  Í hópnum í dag voru fjórar konur og tveir karlar, sumir höfðu aðeins snert kylfurnar en aðrir tóku plastið af þeim á staðnum!  Þarna vorum við og fengum leiðsögn frá sjálfum skólastjóra ProGolf skólans.  Greinilega vanur kylfingur þar á ferð sem kunni ákaflega vel til verka, þrátt fyrir að vera kenna mis þrjóskum byrjenda kylfingum þá tókst honum verkið ákaflega vel.  Ólafur Már kenndi okkur allt á milli himins og jarðar, hvernig við áttum að standa, sveifla og það mikilvægasta að gera holu í höggi.  Sem ég var reyndar svo heppinn að ná..... reyndar bara í púttinu en það hlítur að teljast með   Eftir frábært fimm tíma námskeið sem leið eins og um eina klukkustund væri að ræða get ég óhikað mælt með námskeiðum á vegum ProGolf og ég hvet alla til þess að skoða heimasíðuna þeirra og námskeiða framboðið sem þeir hafa uppá að bjóða.

Nú er bara að pússa settið fyrir morgundaginn því stefnan er tekinn á að slá a.m.k. 300 kúlur á dag næstu vikuna - spurning hjá hvaða stofnun maður færi lögheimilið sitt

Vöndurinn kominn á loft! og hreinsun hafinn í heilbrigðiskerfinu - þó fyrr hefði verið!!!

Það var mikið að kominn er heilbrigðisráðherra sem þorir að taka á málunum.  Núverandi ráðherra Guðlaugur Þór mun án efa nota sópinn og hreinsa töluvert í burtu og ekki bara undir mottur heldur alla leið út.

Eitt af hans fyrstu verkum var að sópa Alfreð "fv. litla borgarstjóra Reykjavíkurborgar", eins og hann var stundum kallaður, úr ríkisjötunni, þó fyrr hefði verið.  Alfreð hefur áorkað meira en margur með framúrkeyrslum í framkvæmdum, sólundað okkar féi í hin ýmsu ævintýraverkefni s.s. Trjárækt á höfðanum, risarækjueldi, bygging Orkuveitunnar sem fór nokkuð duglega svo ekki sé nú meira sagt fram úr kostnaðaráætlunum og svo auðvitað að ógleymdu Línu.Net ævintýrinu sem enginn virðist vilja taka á.  Þessi ágæti maður hefði að sjálfssögðu átt að fá að taka pokann sinn um leið og hann hætti í borgarstjórn.  Spurningin er bara hve gott hann hefur haft það í byggingarnefnd Hátæknisjúkrahússins, en svar við þeirri spurningu fæst örugglega aldrei svarað!

En þetta er alls ekki eina verkefnið sem Guðlaugur tekur að sér, því hann er maður orða sinna og lætur verkin tala - Ég er þess fullviss að hagræðing í heilbrigðiskerfinu mun bæta til muna alla þjónustu í kerfinu, lyfjakostnaður mun lækka og valkostir landsmanna í þjónustu kerfisins fjölga öllum til gleði, ánægju og sparnaðar.

Vöndurinn er kominn á loft og vonandi mun hann hreinsa rykið vel út og það sem fyrst.

Bónuslestinn

Það er spurning hvort Jóhannes vilji ekki styrkja almenningssamgöngurnar í höfuðborginni, auglýsingin gæti litið eitthvað svona út

 Að hugsa sér hvað svona lestarvagn gæti frískað uppá miðbæinn

Skólabúningar í alla grunnskóla Reykjavíkur

Ég er hef haft könnun hérna á síðunni undanfarna daga sem spurt var

"Vilt þú láta taka upp skólabúninga í grunnskólum"

Já 76,7%

Nei 20,5%

Alveg sama 2,7%

Það er óhætt að segja að niðurstöðurnar eru afgerandi.  Reyndar er þetta ekki eina niðurstaðan sem sýnir svipað hlutfall um þetta málefni því útvarpsþátturinn Reykjavík síðdegis hafði sambærilega könnun fyrir nokkru síðan þar sem niðurstöðurnar voru svipaðar.  Einnig er vert að segja frá því að niðurstöður þessara kannanna endurspegla svo það sem gerðist í Sæmundarskóla nú á fyrstu skóladögunum þar sem foreldraráð og foreldrafélag ákváðu í samráði við skólastjórnendur að bjóða uppá skólabúninga.  Viðtökurnar voru hreint út sagt frábærar og má ætla að um og yfir 90% nemenda við skólann eigi nú skólarúningin.

Miðað við þetta tel ég orðið brýnt að kanna þessi mál betur og tel því rétt að Menntaráð Reykjavíkur taki málið upp og skipi nefnd um málið sem skipuð yrði fagaðilum og foreldrum/forráðamönnum.  Þar gæfist kostur á að skoða málið ofan í kjölinn og kanna hvort ekki sé kominn tími til þess að byrja með skólabúninga í öllum grunnskólum Reykjavíkur á næsta ári.

Nýr félagi

Það eru til þrjár gerðir af fólki sem tengist manni.

1.  Eru vinir

2.  Eru félagar

3.  Eru samferðafólk

Og maður verður að gera greinamun á milli tengsla við fólk.  Ég hef alltaf haft gaman af fólki sama í hvaða dilk maður dregur það (hér að ofan).  Í dag hef ég eignast nýjan félaga hér á blogginu sem ég hef reyndar þekkt til fjölda ára þar sem hann er félagi bróður minns. 

Kappinn heitir Einar og hægt er að skoða bloggið hans hér

Fari þeir norður og niður

Já og ekki orð um það meir.  Gamla lookið er komið til baka þrátt fyrir að sendiboðarnir hafi komið.  Vegna fjölda áskoranna þá hef ég nú tekið upp gamla "fasteigna" lookið og svei mér þá ef maður er nú bara ekki  nokkuð ánægður með það.  Það er klassískt og flott

Fékk eins og oft áður lánaða mynd frá Halldóri Sigurðssyni, áhugaljósmyndara sem ætti með réttu að vera atvinnuljósmyndari, hann tekur flottar myndir af mönnum og málefnum, þið getið séð bloggið hans HÉR ! 

- Halldór ég vona að það sé í lagi að ég hafi fengið þessa mynd lánaða!!

Hey ég náði henni, náði henni, náði henni ....