Hvað er að gerast? Er kennslu ábótavant?

Hvernig stendur á því að ökumenn leyfa sér að haga sér svona í umferðinni sér og öðrum til mikillar hættu.  Það segir sig sjálft að ökumaður sem ekur á 152 og svo ekki sé talað um 196 km hraða er hvorki að hugsa um sig hvað þá aðra sem í kringum hann eru. 

Af hverju nýta þessir ökumenn sér ekki kvartmílubrautina fyrir þessa útrás, þar er óhætt að keyra hratt án þess að vera tekinn fyrir of hraðan akstur og án þess að stofna lífi annarra vegfarenda í hættu með þessum leikaraskap.

En hvað er það sem veldur þessum síaukna hraðakstri, er löggæslan orðinn virkari eða eru ökumenn farnir að leyfa sér meira?  Er umferðarfræðslu ábótavant? 

Fyrir nokkrum árum gátu foreldrar og forráðamenn óskað eftir æfingar akstursleyfi fyrir þá sem voru að læra að aka ökutækjum, getur verið að með því hafi hallað á þá kennslu sem sérmenntaðir ökukennarar eru að sinna?  Er mögulegt að ökukennarar láti freistast til þess að taka nemendur í færri tíma en kennsluskráin segir til um?  En til fróðleiks væri gaman að sjá upplýsingar frá lögreglu um hvort ekki verði krafist eignatöku á þessum ökutækjum, ég er þess fullviss að ef lögreglan færi að nýta sér þá heimild þ.e að taka ökutæki eignanámi þá færu ökumenn að hugsa sig um tvisvar áður en pinninn er kitlaður.  Einnig væri fróðlegt að vita í hve mörgum tilfellum á þessu ári hafi verið óskað eftir því að ökutæki væru gerð upptæk.

Þetta eru vissulegar margar spurningar en við hljótum að þurfa spyrja gagnrýnna spurninga í ljósi þessara frétta um mikinn hraðakstur.   Ekki síst í ljósi þeirra miklu hættu sem þessir ökumenn skapa öðrum vegfarendum sem eru á ferli og eiga það síst skilið að eitthvað komi fyrir þá vegna gáleysis annarra.

 

Einn tekinn á 196 km og tveir á 157 km hraða

Athugasemdir

[Jón Kristinn Pálsson (IP-tala skráð) 19.7.2008 kl. 13:32]

Ég nenni ekki að lesa það sem þú skrifaðr enn þú ert bara að röfla það sama og allir aðrir hafa skrifað um hraðakstur.

 Þetta er einfalt það vantar úrræði fyrir ungt fólk,því þetta lið þarf að fá útrás og það er hvergi hægt að leyfa þeim það þannig að þetta er staðreyndin og á meðan ekkert verður gert getið þið röflað af ykkur rassgatið og lögreglan og ríki græðir á þessu unga fólki.

[Óttarr Makuch, 19.7.2008 kl. 13:54]

Ágæti Jón Kristinn,

Má ég benda þér á að þetta er ekki einungis ungt fólk sem er að haga sér svona í umferðinni heldur er þetta fólk á öllum aldri.  Það er heldur enginn að græða á þessum hraðakstri!  Ef þú tekur saman hve mikið hraðakstur er að kosta ríkið (mig og þig) vegna umferðaslysa og hve mikið er að koma inn vegna hraðasekta er ég hræddur um að sá munur sé talsverður þar sem umferðaslysin kosti langt umfram það sem lögreglan er að innheimta í sektargreiðslur.

Þú talar um aðstöðu, er ekki aðstaða t.d á kvartmílubrautinni?  Hinsvegar er spurning hvort ekki mætti opna Reykjavíkurflugvöll eftir miðnætti til þess að leyfa ökumönnum að breyta sig á honum þegar ekkert flug er á vellinum, gæti verið áhugaverð hugmynd?

[Halldór (IP-tala skráð) 19.7.2008 kl. 14:51]

Algengur misskilningur, kvartmílubrautin er örstuttur beinn kafli þar sem menn eru varla lagðir af stað þegar þeir þurfa að stoppa aftur.  Sem er það sem spyrnan snýst um og brautin fín í svoleiðis æfingar, en hún er ekki til hraðakstursæfinga.

Menn eru búnir að vera að missa sig í heilagri vandlætingu í bloggheimum út af hraðakstri en fæstir virðast skilja málið, eða eru búnir að gleima hvernig það er að vera ungur.  Þetta sníst nefnilega ekki alltaf um aga eða virðingarleysi, brjálæði eða gáfnafar.  Þetta er einfaldlega svakalega gaman og hefur verið stundað síðan bíllinn var fundinn upp.  Svo er hraðablindan svo fljót að ná tökum á fólki að eftir smá stund er 180kmh bara þægilegur ferðahraði og menn missa skilningin á því að aðrir telji þetta ofsaakstur.

það er sama hvort við reynum að aga, siða, hræða, kenna eða tuða. Þetta verður alltaf til staðar, braut mindi hinsvegar minnka hraðaksturinn á götunum.

[Óttarr Makuch, 19.7.2008 kl. 14:59]

Ég játa fúslega vankunnáttu mína með kvartmílubrautina, ég taldi hana nægilega langa til þess að menn gætu fengið útrás fyrir hraðaþörf sína.  En sama hvað því líður þá eru götur borgarinnar ekki til þess ætlaðar að svala hraðaþörf ökumanna "á öllum aldri" öðrum vegfarendum til mikillar hættur.

[Birna Dis Vilbertsdóttir (IP-tala skráð) 19.7.2008 kl. 15:32]

Þetta er fáránlegur hraði og það á að taka hart á svona brotum,enda drepur svona hraði

[Halldór (IP-tala skráð) 19.7.2008 kl. 17:09]

Hættulegt og fáránlegt er svolítið afstætt hugtak.  Ef ég fer yfir á rauðu ljósi á gatnamótum kringlu og miklubrautar á háannatíma og næst, þá fæ ég hvað?  Einn punkt og einhverja klink sekt.  Ef ég er tekinn á Reykjanesbrautinni að nóttu til, engin umferð, á 180 þá kostar það sviftingu og einhverja hundraðþúsundkalla í sekt.

Hvort er nú hættulegra???

Staðsetning og aðstæður skipta nefnilega ansi miklu máli í hraðabrotum, en hvorki kerfið né bloggarar hugsa út í það.  Ég er ekki að reyna að réttlæta hraðabrot, alls ekki, en það er bara ekki svo einfalt að þetta sé svart og hvítt og ekkert þar á milli.

[Birgir Þór Bragason, 19.7.2008 kl. 18:36]

Óttarr þú gerir smá mistök hér í þessari bloggfærslu. Fyrsta talan sem þú nefnir í blogginu er 152 km/kls. Sá sem var á þeim hraða var drukkinn. Það er mun alvarlegra að aka drukkinn og þeir sem slíkt gera valda mun fleiri alvarlegum umferðarslysum en þeir sem aka hratt. Það sem mér liggur fyrir með því að benda á þetta er að útbólgnar umræður um hraðakstur á Íslandi eru farnar að skyggja á það sem er raunverulega vandamálið - akstur undir áhryfum.

Með þessu er ég ekki að réttlæta eitt eða neitt síður en svo. Við munum hinsvegar ekki ná árangri í umferðaröryggismálum ef við vinnum út frá því einu að hraðinn valdi óhöppunum. Það er einfaldlega rangt. Sofandaháttur, þreyta, hugurinn við annað en aksturinn, áfengi, lyf, sjúkdómar, fíkniefni, ónóg þjálfun, of lítil kennsla, og það að fólk sem ræður ekki við þá kappakstursbíla og hjól sem löglegt er í umferðinni eru miklu stærri orsakavaldar en hraði.

[Halldór Sigurðsson, 20.7.2008 kl. 00:16]

En svo að sjálfsögðu - þá er þetta atvinnuskapandi - það sem þeir/þær gera