Listamennirnir búa í Grafarholti

Það eru skemmtilegir tímar í Grafarholti.  Í tilefni af degi leikskólans þá hafa leikskólarnir í Grafarholti ákveðið að halda listmunasýningu í samstarfi við fyrirtækin hér í hverfinu.  Það hafa verið hengd upp á þriðja hundrað listaverk eftir nemendur á Maríuborg, Geislabaug og Reynisholti. 

Það ætti því að gleðja viðskiptavini og gesti Blómavals, Landsbankans, Húsasmiðjunnar og Nóatúns að líta yfir listaverk barnanna. 

Skemmtileg hugmynd leikskólanna og gott framtak fyrirtækjanna í hverfinu að taka þátt.  Ég hvet alla til þess að koma við í þessum fyrirtækjum og skoða listmunina.

Athugasemdir

[Jórunn Sigurbergsdóttir , 7.2.2008 kl. 00:23]

Já yndislegir listamenn. Þetta gera leikskólarnir hér í Breiðholti líka bæði í Lóuhólum og Mjóddinni. Alltaf gaman að skoða þetta.