Múæsingurinn byrjaður aftur á Akureyri - Ótrúlegt en satt !

Múæsingurinn er byrjaður aftur fyrir norðan og merkilegt nokk þá virðast fjölmiðlar gleypa við honum.  Hvað hefðu þessir aðilar sem að þessum undirskriftalista sagt ef ekkert hefðu verið gert og allt hefði farið á verri veg, án þess að ég sé að segja að það hefði gerst ef unglingar hefðu mátt tjalda, en segjum sem svo að allt hefði farið á vesta veg.  Ég er alveg viss um að þá hefði komið gagnrýni og yfirlýsing frá þeim þar sem þeir hörmuðu afskiptaleysi bæjarstjórans og / eða bæjarstjórnar.

Þeir hefðu alveg mátt segja sér það að hátíðin yrði með öðru sniðu núna og ég er alveg klár á því að það hefði ekki þurft prófessors gráðu til þess að sjá það út. 

En ég sá einhverstaðar að veitingastaður á 3000 hamborgara á lager eftir helgina, eiga bæjaryfirvöld að taka ábyrgð á því?  Er þetta ekki á ábyrgð rekstraraðila - en væntanlega er staðurinn fljótur að selja þessa þrjúþúsund hamborgara - hann getur væntanlega fryst þetta og tekið út eftir þörfum!

Vissulega hefði eflaust mátt grípa öðruvísi í taumanna, en þetta var þó tilraun sem virðist hafa gengið ágætlega.  Allavega virðist megin þorri íbúa vera sáttur við þessa ákvörðun.

Tæplega hundrað manns skrifað undir

Athugasemdir

[björn (IP-tala skráð) 10.8.2007 kl. 03:31]

Sæll. Aðalmálið mundi ég halda að væri að þessir aðilar hafi ákveðið þetta alveg uppá eigin spýtur, án samræmis við neinn og já í sömu viku og helgin var ?

Það hefðu alveg hellingur af aðilum verið tilbúnir að skella peningum í betri gæslu á svæðinu, og það eftir að nú karlfeministahópnum var neitað að koma til að vera með forvarnir gegn nauðgunum.

Nú er ég á þessum aldri (20) og það voru heilmargir í mínum vinahóp sem hættu við að fara á hátíðina útaf þessari ákvörðun. Það merkilega við þetta finnst mér að hún vogi sér að segja að það hafi ekki verið ástæðan fyrir þessum litla fjölda heldur byrjar hún að kenna veðurspánni og fleiru um ?

Ég bara get ekki tekið undir þessa mismunun á þessum hópi þar sem þetta er örlítill hluti af þessum aldursflokki sem kann ekki að haga sér, og þetta var langt frá því að vera síðasta úrræðið. Mín skoðun á málinu. 

[Óttarr Makuch, 10.8.2007 kl. 08:37]

Sæll björn,

Í fyrsta lagi þá er bæjarstjórn kosin af almenningi á Akureyri til þess að stýra þeim þáttum bæjarstarfseminnar sem fellur undir þá þ.m.t tjaldsvæðum, veitingu leyfa ofl.  Það var því ofur eðlilegt að bæjarstjórinn tæki á þessu máli, ekki man ég reyndar hvort þetta var í vikunni fyrir versló eða 2 vikum fyrir en þessi ákvörðun var tekinn og þar við situr.  Hinsvegar er einnig eðlilegt að setjast niður og ræða hvernig gekk og hvort menn vilja halda þessu til streitu um næstu verslunarmannahelgi. 

Þú talar um að hellingur af aðilum hefðu verið tilbúnir að leggja til fjármagn í betri gæslu, ég er ekki svo viss um það, held að það sé nú meira sagt svona eftir helgina en áður - af hverju buðust þeir til að mynda ekki til þess þegar þessi ákvörðun var tekinn??  Þá hefði hún hugsanlega verið endurskoðuð í ljósi breyttra aðstæðna.

En hver gat bannað karlahóp feminista að vera á Akureyri með forvarnir?  Get ekki skilið það en hugsanlega hefðu þeir þurft að greiða fyrir þann kostnað sjálfir og er það ekki bara eðilegt?