Gjafalisti

Hér kemur hugmynd af gjafalista sem Alcan getur fært hafnfirðingum og öðrum þeim sem búsettir eru í Hafnarfirði.  Það er stutt þar til íbúarnir eiga að kjósa og verður því álversrisinn að velja réttu gjafirnar, þetta er mitt framlag í hugmyndabankann. 

• Björgvin Halldórsson kemur í hvert hús og syngur eitt óskalag
• Svuntur merktar Alcan
• Bolli með spiladós sem Bó Hall tekur Alcan lagið
• Hrökkbrauð sent í öll hús þar sem allar kexkökurnar eru eins og Alcan merkið
• Álstöng (500gr) handa hverjum íbúa Hafnarfjarðar
• Sólgleraugu merkt Alcan
• Súrefniskútur og gríma
• Fartölva fyrir hvert heimili í firðinum
• Sportbíll fyrir húsbónda hvers heimilis (hvort sem húsbóndinn er karlinn eða konan )
• Gjafakort í verslunarmiðstöðinni Firðinum að upphæð 72.125 krónur á hvert heimili.

Svo er bara bíða og sjá hvaða gjafir verða sendar, nú þegar dómsdagur hefur verið ákveðin, hvort sem hann verður jákvæður eða neikvæður fyrir fjörðin, nema hvoru tveggja verði

Íbúakosning í Hafnarfirði 31. mars

Athugasemdir

[Rauða Ljónið, 24.1.2007 kl. 12:53]

Sæll. Óttar.

Óttar bullar mikið á síðunni sinni veit ekkert um hvað hann er að bulla, gefur í skin  og telur upp einhvern gjafalista, honum á að vera kunnugt um hverjir fóru fram á kosningar og hverju hefur verið stillt upp við vegg í þeim efnum, hann á líka að vita að það sem Alcan let að hendi rakna til Hafnfirðinga var ákveðið tveim til þrem árum fyrir 40 ára afmælis árið og hefur ekkert með um kosningar að gera .

Kv, Svig

[Óttarr Makuch, 24.1.2007 kl. 13:15]

Blessaður Rauða Ljón,

Ég er ekkert að gefa í skin, skrifaði einungis þennan lista til gamans og eiginlega til þess að gera grín að því fólki sem hélt því fram að Alcan hafi verið að kaupa sér atkvæði með því að senda BóHall og dagatal inn á hvert heimili, það er því alveg rétt hjá þér, allavega í þessu tilfelli, að þetta er tómt bull - svo við erum sammála um það