Einn góður

Gunna: Mikið voru blessuð jólin frábær. Fékk þvílíkt flottar gjafir og 
frábæran mat. En þú Fjóla mín var ekki allt eins og best var á kosið ??????

Fjóla: Ja Gunna mín, þetta var nú ekki alveg eins og best hefið verið.
Nú klukkurnar hringdu inn jólin og ég var komin í mitt fínasta púss og 
gargaði á liðið að fá sér að borða.

Nú allir ruddust að borðinu og gerðu sér að góðu jólamatinn, nema  þegar ég
var á fullu sving að fá mér "væna flís af feitum sauð",  heyrðist í Palla
mínum, "Heyrðu Fjóla mín, viltu ekki fara smá varlega  í matinn, þú lítur orðið
út eins og heybindivél í vextinum".

Ég bara fékk flog, en hélt þó haus og var ekkert að æsa mig. Svo þegar  búið
var að opna pakkana og allir farnir að lúlla þá vildi nú Palli  minn fá sitt!!!!

Ég snéri mér og horfði fast í augun á honum og sagði; "ELSKU PALLI ÞÚ  SKALT
NÚ EKKI HALDA AÐ ÉG RÆSI HEILA HEYBYNDIVÉL FYRIR EITT LÍTIÐ STRÁ"

Pöntun á 1 stk

Eitt stykki takk fyrir - það væri ekki amarlegt að fá eitt svona tæki við skrifborðið, ganga allann daginn í vinnunni !!  Árangurinn yrði brjálæðislegur.

Bumbuna burt í vinnunni

Heyr himna her !

Nú skal sko berjast sem aldrei fyrr.  Fyrr en varir sér maður menn og konur massera um stræti og torg með byssur, gaffla og hrífur syngjandi hersöngva og kallandi baráttuslagorð eins og þeir ættu lífið að leysa í baráttu sinni um ógnvaldinn mikla MINKINN.  Án þess að ég vilji vera neikvæður þá held ég að þetta sé jafn töpuð orusta og þegar Samfylkingin ætlaði að fella ríkisstjórnina - algjörlega dauðadæmd aðgerð frá upphafi bæði fyrir land og þjóð.

Sótt verður að minknum sem aldrei fyrr

TNT - Öruggar hraðsendingar

Væri ekki nær að stjórnvöld myndu skipta um hraðfluttningsfyrirtæki.  Ég get til að mynda mælt með TNT sem Íslandspóstur er með.  En hversu "einfaldur" þarf maður að vera til þess að átta sig ekki á að um kjörseðil er að ræða, ég geri ráð fyrir að pakkinn hafi verið að koma frá sendiráði eða ræðismanni. 

Ég hélt líka að DHL gætu treyst sendiráðum og ræðismönnum, en það er kannski ekki svo?

DHL segist áskilja sér rétt til að opna pakka

Óþarfi eða?

Eins og svo margir aðrir sá ég þessi umræddu auglýsingu.  En ég get ekki séð nokkur rök fyrir því að einhver ætti að þurfa biðjast afsökunar vegna hennar.  Hún var ekki á nokkurn hátt meiðandi fyrir einn né neinn, að mínu mati.

Ég hugsa að Steingrímur sé sár vegna andlitsteikningar sem kom útúr tölvuskjá þar sem hann var dulbúinn sem "net"lögga.  En þetta var einfaldlega fyndinn mynd og ég er ekki frá því að það hafi halað inn einhverjum atkvæðum fyrir vinstri græna sjálfa frekar en framsókn !

Steingrímur krefur Jón um afsökunarbeiðni

Fráhvarfseinkenni vegna skoðanakannana.

Það er ekki laust við að maður sé kominn með fráhvarfseinkenni þar sem engar skoðanakannanir hafa verið birtar í dag.  Svona til þess að draga úr einkennunum hef ég sett inn nýja skoðanakönnun hér á síðuna þar sem spurt er hvort þið séuð sátt við niðurstöður alþingiskosninganna.  Endielga takið þátt.

Traustur þingmannaflokkur Sjálfstæðisflokksins

     

1 RS Geir H. Haarde                          

2 RS Björn Bjarnason

3 RS Illugi Gunnarsson

4 RS Ásta Möller

5 RS Birgir Ármannsson 

1 RN Guðlaugur Þór Þórðarson

2 RN Guðfinna S. Bjarnadóttir

3 RN Pétur H. Blöndal

4 RN Sigurður Kári Kristjánsson

JÖ SV Þorgerður Katrín Gunnarsdóttir

1 NV Sturla Böðvarsson

2 NV Einar Kristinn Guðfinnsson

3 NV Einar Oddur Kristjánsson

1 NA Kristján Þór Júlíusson

2 NA Arnbjörg Sveinsdóttir

3 NA Ólöf Nordal

1 SU Árni M. Mathiesen

2 SU Árni Johnsen

3 SU Kjartan Þ. Ólafsson

4 SU Björk Guðjónsdóttir

Stórsigur Sjálfstæðisflokksins

Það er ekki hægt að kalla niðurstöður kosninganna annað en stórsigur Sjálfstæðisflokksins og Vinstri Grænna.  Það var ánægjuleg stund þegar síðustu tölurnar voru lesnar upp í morgun að sjá bæði hve vel flokkurinn kemur út úr kosningunum, þrátt fyrir að að honum hafi verið sótt úr öllum áttum, þá sá kjósendur í gegnum það og fékk flokkurinn 36,6% atkvæða og bætti við sig 3 þingmönnum.  Stórglæsilegt.

 

Síðasti sjens !!

Nú er að verða síðasti sjens að nýta eitt af því dýrmætasta sem við eigum þe kosningaréttinn.  Það er frekar leiðinlegt þegar fólk nýtir sér ekki þann mikla rétt sem fylgir kosningaréttinum. 

En nóg um það,

Dagurinn í dag hefur verið hreint alveg stórfenglegur, maður er búinn að hitta fleirri hundruð manns sem komið hafa við á kosningaskrifstofunni okkar Sjálfstæðismanna í Breiðholti.  Frambjóðendur hafa að sjálfssögðu ekki látið sig vanta frekar en fyrridaginn og maður getur ekki annað en glaðst yfir öllum þeim brosandi andlitum sem komið hafa við og ég er þess fullviss að við Sjálfstæðismenn og konur munum uppskera ríkulega upp úr kjörkössunum.

Innanhúsvandi

Nú er sko mælirinn fullur.  Við virðumst engan möguleika hafa lengur til þess að ná góðu sæti í Eurovison.  Samsæri segja sumir en ég vil nú frekar kalla það innanhúsvandamál.  Hvers vegna, jú vegna smæðar þjóðarinnar, fólk á íslandi hefur einfaldlega ekki verið nógu duglegt að fjölga sér, þe séð útfrá Eurovision modelinu.  Ég mæli því með eftirfarandi aðgerðum fyrir næstu keppni.

1.  Áætlun um fjölgun íslendingsins hefst strax.

2.  Allir kaupi 10 frelsi frá Símanum fyrir hvern einstakling á heimilinu, tilvalið fyrir fyrirtæki sem gjöf til þess að gleðja starfsmanninn.  Þá getur hver einstaklingur kosið aukalega 30 sinnum til viðbótar við venjulega símaeign sína.

3.  Eða við hættum að taka þátt í þessu og búum til okkar eigin keppni á okkar eigin forsendum, hún gæti til dæmis kallast Burovison - svona til þess að taka dæmi

Annars verðum maður bara að taka ungmennafélags andan á þetta og segja " það skiptir ekki máli hver vinnur, það er að vera með sem skiptir máli"

 

Ísland komst ekki í úrslit Eurovision