Útileiga Fuglanna 2008

Ótrúlegt en satt þá virðist maður ætla lifa af enn eina útileigu hjá saumklúbb frúarinnar.  Þrátt fyrir að vera staddur í miðju fuglabjargi þar sem konurnar tala á hærri nótum en við hinir.  Að þessu sinni var ákveðið að fara upp að Þórisstöðum og eyða þar helginni í faðmi fjölskyldu og vina.

Við höfum verið ákaflega heppinn með veður, rétt rúmlega 16 stiga hiti hér í dag þrátt fyrir að það hafi kólnað hratt þegar líða tók á kvöldið.  Þá er bara spurning að drekka sterkt kaffi eða heitt kakó með sykurpúðum.

Ég er búinn að setja nokkrar myndir inn úr ferðinni en væntanlega kemur meira inn á morgun þegar maður kemst aftur í menninguna. 

Golfklúbbur Reykjavíkur fær viðurkenningu frá Hverfisráði Grafarholts og Úlfarsárdals

 

Á fundi hverfisráðs Grafarholts og Úlfarsárdals þann 27. maí sl. var samþykkt að veita viðurkenningar til fyrirtækja/félagasamtaka fyrir framúrskarandi þjónustu við íbúa, snyrtilegt nærumhverfi eða gott starf í þágu hverfisins. Einu fyrirtæki/félagasamtökum skal veitt viðurkenning ár hvert í Grafarholti og Úlfarsárdal.
Samþykkt var að veita Golfklúbbi Reykjavíkur viðurkenningu fyrir árið 2008

Óttarr Guðlaugsson formaður hverfisráðs Grafarholts og Úlfarsárdals afhenti forsvarsmönnum GR viðurkenninguna nú í morgun. Það voru Jón Pétur Jónsson formaður og Garðar Eydal framkvæmdastjóri sem veittu viðurkenningunni móttöku.