Óskemmtileg sjón

Maður getur nú ekki annað en brosað, í það minnsta út í annað þegar maður les viðbrögð upplýsingafulltrúa Flugstoða.

"Hún segir Flugstoðir munu kanna hvernig skemmdarvargarnir komust inn á svæðið"

Það þarf nú ekki mikla rannsókn til þess að sjá hvernig þeir fóru inn á svæðið, líklega hafa þeir klifrað yfir girðinguna sem er rétt rúmlega mannshæðar há og það ætti ekki að taka meðal mann nema u.þ.b 2 mínútur að vippa sér yfir. 

Þegar maður hefur verið að fara um svæðið til þess að skoða flugvélarnar með krökkunum þá hefur maður iðulega velt því fyrir sér hvers vegna það sé engin öryggisgæsla á staðnum, þetta er nú einu sinni alþjóðaflugvöllur og þarna er fólk að koma frá Egilsstöðum, Danmörku, Vestmannaeyjum og Þýskalandi svo eitthvað sé nú nefnt.  En þarna sér maður aldrei neina öryggisgæslu á ferð.

En hitt er svo annað mál að þessi verknaður er auðvitað afskaplega hvimleiður eins og allt þetta "veggjakrot" er og maður skilur hreinlega ekki skemmdafíknina hjá þessu fólki.

 

Skemmdarverk á Þristinum

Athugasemdir

[Arnór Valdimarsson (IP-tala skráð) 7.9.2008 kl. 23:47]

Ég hafði samúð með þessum krökkum, en nú sé ég að ekkert er heilagt. Afbrota og skemmdarfýsninni eru engin takmörk sett. Þetta eru bara ótýndir glæpamenn sem eiga ekkert gott skilið. 

[Óttarr Makuch, 7.9.2008 kl. 23:55]

Þeir þurfa allavega aðstoð til þess að komast inná beina braut aftur.

[Birna Dis Vilbertsdóttir (IP-tala skráð) 9.9.2008 kl. 12:38]

Sammála þér.Furðulegt að engin gæsla skuli vera og svona auðvellt aðgengi fyrir þá sem eiga ekki erindi þarna