Það er ekki tekið út með sældinni að búa í 101

Ef það er einhver sem telur það vera auðvelt að búa í eða við miðbæ Reykjavíkur þá hefur sá og hinn sami rangt fyrir sér.

Fólk sem býr á þessu svæði virðist ekki geta sofið nema rétt rúmlega tvær klukkustundir um helgar og maður lifandi það hefur verið vakið fyrir allar aldir núna nokkrar helgar í röð.

Þeir sem ákváðu að flytja nær mekka veitinga- og skemmtistaða hafa þurft að sætta sig við að geta ekki sofnað fyrr en seint og síðar meir og sér í lagi eftir að reykingabindindið tók gildi, fólk er hlægjandi og með skrílslæti fyrir framan staðina og til þess að bæta gráu ofan á svart þá hefur verið ákveðið að gera við húsin í hverfinu líka með tilheyrandi ónæði.

Mætti ég benda á að í flestum nýjum hverfum borgarinnar er dagurinn tekinn stemma og vaknar maður við hamarshögg, sprengingar eða önnur umhverfishljóð sem tilheyra framkvæmdum.

Íbúar kvarta undan hávaða vegna viðgerða

Athugasemdir

[Þorsteinn Þormóðsson, 6.7.2008 kl. 01:23]

Væri allt annað líf ef þið hefðu ísbirni til að sleppa lausum eftir  kl 3! Yrðu öskur í hálftíma og svo "dauðaþögn"!!

[Jórunn Sigurbergsdóttir , 6.7.2008 kl. 13:18]

Ég hef nú aldrei viljað búa þar og ég held að þeir sem geri það ættu að vita hvað fylgi því.

[Birna Dis Vilbertsdóttir (IP-tala skráð) 6.7.2008 kl. 16:40]

Ég vel að vera laus við hávaðamengun frá börum og bí því í Grafarvogi.Er alin upp að hluta til í 101 og líkar það svæði mjög vel.En ró og friðuð vil ég.