Góð sameiginleg niðurstaða

Borgarstjórnarflokkur Sjálfstæðisflokksins stendur þétt við bakið á Vilhjálmi Þ. sem er oddviti flokksins hér í borginni.  Það er því einkennilegt að lesa hér á blogginu að ákvörðunum hefur verið frestað og borgin sé áfram stjórnlaus.  Í fyrsta lagi þá hefur borgin aldrei verið stjórnlaus nema hugsanlega í tíð R-listans á tímum skuldasöfnunar og í öðru lagi þá hefur engu verið frestað. 

Vilhjálmur hefur gefið út hvað hann varðar er opið hver tekur við embætti borgarstjóra af hálfu Sjálfstæðisflokksins í mars 2009. Borgarstjórnarflokkurinn mun ákveða borgarstjóraefnið í sameiningu þegar nær dregur.  Það liggur ekkert á að tilkynna hver verður í því sæti eftir rúmt ár, sú ákvörðun verður tekinn í fyllingu tímans með hagsmuni allra borgarbúa að leiðarljósi.

Ákvörðun síðar um borgarstjóra