Frú Þorgerður - hlustaðu nú?

Þetta er ótrúlegur viðsnúningur hjá húsafriðunarnefnd og alveg fráleitt að nefndin vilji varðveita þessa húsakofa sem að mínu mati hafa síður en svo verið til prýðis fyrir Laugarveginn.  Það er engu líkara en að meirihlutinn í borginni hafi pantað þennan viðsnúning og óskað eftir að nefndin legði til friðun, enda á meirihlutinn í miklum vandræðum málsins sökum klofnings um afstöðu í málinu.

En af hverju má ekki byggja þarna ný, hagkvæmari og fallegri hús?  Þá væri hægt að óska eftir eða hreinlega gefa út skilyrt byggingarleyfi sem gerði það að verkum að framkvæmdaaðilinn þyrfti að byggja í gömlum stíl líkt og gert var þegar hótel þeirra feðga Ólafs Torfasonar og Torfa Torfasonar var byggt í Aðalstræti hér um árið.  Þar er vel heppnuð nýbygging innan um gömul hús reyndar er í nágrenninu ljótasta hús landsins sem áður hýsti Morgunblaðið en geymir nú TM.  Það hús mætti alveg rífa ef út í það er farið og byggja falleg hús í gömlum stíl.

Ég held að húsfriðunarnefnd og meirihlutinn í borginni ættu að hlusta á megin þorra íbúa svæðisins og leyfa niðurrif á þessum húsum og ekki standa í vegi fyrir uppbyggingu á svæðinu með það að leiðarljósi að byggja upp enn frekara mannlíf í miðborg höfuðborgarinnar.

 

SUS: Laugavegshúsin verði ekki friðuð

Athugasemdir

[Halla Rut , 11.1.2008 kl. 22:09]

Af hverju getur fólk ekki hugsað skynsamlega????

Laugavegur eða Draugavegur. 

[Jórunn Sigurbergsdóttir , 12.1.2008 kl. 11:43]

Ég vann í örðu húsinu í fimm ár. Það var áður en ég gifti mig og átti börnin. Ég sé sko ekki eftir því húsi.