Air Force One - Óli okkar verður nú að ferðast með smá style !!!

 

 

Það hafa allir þjóðhöfðingjar sínar þotur nema Óli okkar, þetta er ekki sanngjarnt!  Hvers á hann að gjalda þegar hann hittir erlenda stórhöfðingja hann Óli okkar?  Varla getur hann sagt frá því opinberlega að hann hafi komið með áætlunarflugi og það IcelandAir allways on time! eða lággjaldaflugfélaginu IcelandExpress, hann Óli okkar veit ekki einu sinni að það flugfélag fljúgi til og frá Íslandi því þeir bjóða ekki uppá betri sæti, nýjustu tímaritin eða drykk fyrir flugtak og síður en svo teppi og kodda!  Svo eru flugfreyjurnar þeirra í grænu uniformi (ekki alveg að gera sig)!

Auðvitað getur Óli okkar ekki ferðast með hinum venjulega Íslending, það er ekki eins og hann eigi samleið með þeim, ég meina "come on" og svo kostar það ekki nógu mikið og hann á svo sannarlega nóg eftir af risnureikningi sínum þrátt fyrir að vera búinn að láta embættið borga ýmislegt á ferðalögum sínum sem eru að sjálfssögðu nauðsynleg þar sem hann er svona semí þjóðhöfðingi. 

Ég mæli eiginlega með því að forsetaembættið kaupi eina vél fyrir Óla okkar svo hann geti ferðast frjáls og óháður, laus við að gefa upp hver fljúgi með hann hvert sem klárlega veitir honum mikla öryggiskennd og síðast en ekki síst þá væri hann kominn í sama hóp og hinir þjóðhöfðingjarnir.

Það verður spennandi að sjá hverjir verða í næsta úrdrætti á fálkaorðunni, skyldi Óli okkar greiða fyrir flugfarið með því að veita styrkþegum sínum orðu þ.e þeim Jóni Ásgeir og Magnúsi í Eimskip, ég segi nú bara minna má það varla vera!

Athugasemdir

[Óskar Helgi Helgason (IP-tala skráð) 28.9.2007 kl. 00:24]

Heill og sæll, Óttarr !

Hygg, að betur færi; aflag þessa mont þjóðhöfðingja embættis. Nær væri, endurreisn Landshöfðingjans, með svipuðu móti og Magnús Stephensen, frændi minn gegndi því, á sinni tíð.

A.m.k., var Landskassinn ekki að sligast, undan óhóflegum kostnaði og bruðli, sem plagast, í samtíma okkar. 

Geri reyndar ráð fyrir; að þú sért að gantast þarna, að okkur lesendum; Óttarr minn. Ekki veitir svo sem af kerskninni, í undanfara skammdegisins.

Með beztu kveðjum, úr Árnesþingi / Óskar Helgi Helgason

[Óskar Helgi Helgason (IP-tala skráð) 28.9.2007 kl. 00:44]

Heilir og sælir, piltar !

Guðmundur minn ! Um flest annað, er hægt að saka mig, en öfund.

 Er einfaldlega einn þeirra, hverjum blöskrar flottræfilshátturinn, jú,...... jafnt í utanríkisþjónustunni, sem og að Bessastöðum, á meðan hjálparstofnanir og líknarfélög þurfa að halda úti súpueldhúsum, fyrir þurfandi og örsnautt fólk. Mætti víðar tína til sóðaleg dæmi, um andhverfurnar, í þjóðlífinu, almennt.

Þakka þér sæmd þá, sem þú sýndir Hrafnkatli Daníelssyni; áður hann hélt til Eydana, héðan frá Ísafoldu; Guðmundur minn. Sannar andlega auðgi þína, og virðingarsemi, við mæta samferðamenn.

Mbk. / Óskar Helgi Helgason 

[ottarr (IP-tala skráð) 28.9.2007 kl. 00:53]

það þyrfi eitthvað mikið að breytast í mínu fari ef ég ætti að fara öfundast út í einhvern. En ekki er ég nú sammála þér Gummi minn um àrangur ferða Óla okkar àn eva eru einhverjar sem skila árangri en klárlega ekki allar frekar en hjà öðrum. En hann Òli okkar ætti kannski að fara daga aðeins saman seglin því nóg hefur hann nú farið fram úr heimildum síðust ár, en enbætti hans ætti auðveldlega að geta soðið saman àætlun sem gæti staðist!!

[Ólafur fannberg, 28.9.2007 kl. 10:59]

eitt stutt augnablik hélt ég að þetta væri um mig en svo er þetta bara um nafna minn forsetann

[Ólafur Þórðarson, 3.10.2007 kl. 00:30]

Dittó, Ólafur.