Lífskapphlaupið vs 2 höfuðaðgerðir - hvenær er nóg komið?

 

 Á hverjum degi furðar maður sig á því hve skrítið þetta líf er - enginn maður með mönnum sem ekki á Land Rover, GSM, vera sítengdur með langbestu nettenginguna, flatsjónvarp, Bose hljómflutningstæki og Sodastream tæki reyndar luma einstaka heimili á gömlu fótanuddtæki frá Radíóbúðinni sálugu.

En á meðan við keppumst við að vera í kapphlaupi við okkur sjálf og hafa það gott þá eru því miður sum okkar í þjóðfélaginu sem mættu svo sannarlega hafa það betra.  Ég skrifaði það hér um daginn að systir mín hún Sólveig væri búin að vera mikið veik og hefði þurft að fara í uppskurð.  Í huga okkar allra þá vorum bjartsýn á að nú færi allt að vinna á betri veg fyrir Sólveigu okkar.  Í morgun fengum við því miður þær fréttir að hún þarf að gangast undir tvær höfuðaðgerðir í viðbót sú fyrri verður í dag og sú síðari eftir viku eða svo.  Maður hlýtur að spyrja sig hvenær er nóg komið ? Þessar aðgerðir eru afar flóknar og erfiðar og því er ljóst að það mikið á þessa elsku lagt.  En sem betur fer er hún sterk, ákveðinn og þrjósk og allir þessir kostir eiga án efa eftir að styrkja hana í þessum veikindum. 

 

Athugasemdir

[Jóna (IP-tala skráð) 31.8.2007 kl. 13:42]

Bestu kveðjur til ykkar allra.

[Hulda (IP-tala skráð) 31.8.2007 kl. 14:20]

Hugsum til ykkar hér í Köben.

[María Anna P Kristjánsdóttir, 31.8.2007 kl. 16:03]

Sendi ykkur mínar bestu kveðjur og vona að aðgerðin gangi vel.Kveðja María

[Eiður Ragnarsson, 31.8.2007 kl. 16:10]

Vonandi fer þetta allt saman vel hjá systur þinni. Baráttukveðjur héðan að austan

[Ásdís Alda (IP-tala skráð) 31.8.2007 kl. 16:20]

Já það er mikið lagt á litla snót.. Ég vona það innilega að allt fer á besta veg og við hugsum til hennar héðan frá Danmörku.
Baráttukveðjur, Ásdís og Toni

[Ragnheiður Ástvaldsdóttir (IP-tala skráð) 31.8.2007 kl. 23:15]

Í kvöld þá kveikti ég á kerti í minningu föðurs míns, bæti öðru við fyrir systur þína. Vil hvetja fólk til að staldra við og hugsa um hver hin eiginlegu verðmæti í lífinu eru.

Vonandi fer allt á besta veg hjá systur þinni.

[Haraldur Haraldsson, 1.9.2007 kl. 11:50]

Sama herna Óttarr /við biðjum til Guðs um bata/Halli Gamli