Skólabúningarnir í Sæmundarskóli - frábært framtak

Ég er svo heppinn að fá að taka þátt í foreldrastarfi Sæmundarskóla, sem er einn framsæknasti skóli höfuðborgarinnar, ég er formaður foreldraráðs og höfum við ásamt foreldrafélaginu ákveðið í samráði við skólastjórnendur skólans að bjóða foreldrum uppá skólafatnað fyrir börnin. 

Eftir miklar vangaveltur ákváðum við að vera með fatnað frá Henson og Regatta því vitanlega þurfa börnin þægilegan fatnað sem og fatnað sem þola íslenska veðráttu.  Við undirbúningsvinnuna var varið vítt og breitt í umræðum um skólafatnað og hvers vegna hann væri ekki orðinn almennur hér á landi.  Þægindin við það að vera með slíkan klæðnað eru vafalaust fleiri en ókostir.  Einnig getur þetta verið fjárhagslega ódýrara fyrir foreldra því álagning á svona fatnað er að sjálfssögðu í algjöru lágmarki.  En ef fleiri skólar myndu vara í þetta væri vitanlega hægt að gera enn hagstæðari innkaup en við höfum verið að gera fyrir þau tæplega tvöhundruð börn sem koma til með að byrja í skólanum í vikunni.  Ef skólar til að mynda í Grafarholti og Árbæ myndu sameinast væri hugsanlega verið að kaupa hátt í tvöþúsund skólabúninga og með því væri hægt að ná verðinu niður.

Til gamans set ég inn af Henson búningunum - það vantar reyndar skóla merkið á þessa búninga.

Athugasemdir

[Janus, 20.8.2007 kl. 22:05]

Flott framtak hjá ykkur, það er greinilega margt jákvætt að gerast þarna í Sæmundarskóla :)

[Haraldur Haraldsson, 20.8.2007 kl. 23:30]

Sæmunarskóli eftir hverju er hann nefndur/kannski Sæmundar á selnum!!!!Kveðja Halli Gamli

[Óttarr Makuch, 20.8.2007 kl. 23:45]

Sæmundarskóli er nefndur eftir Sæmundi fróða sem margir kannast við úr Þjóðsögunum en hann þjónaði sem prestur í Odda.

[Jóna (IP-tala skráð) 21.8.2007 kl. 13:44]

Algjör snilld, bíð bara eftir að þetta verði tekið upp í Ingunnarskóla. Kveðja, Jóna