Málum þær gular

Hvað varð um þá skoðun að hraðaeftirlit ætti að vera forvarnargefandi en ekki til þess eins að refsa?

Ég vil einfaldlega sjá fleiri lögreglubíla á ferðinni um þjóðvegi landsins.  Ég hef ferðast ansi mikið undanfarin ár og það er hrein undantekning ef ég hef séð lögreglubíl á ferðinni.  Man reyndar í fljótu bragði eftir því þegar ég var stöðvaður á Stöðvarfirði  um klukkan 01 að nóttu um miðjan vetur og lögregluþjónninn sagði við mig grafalvarlegur - veistu ekki að það er stranglega bannað að aka með þokuljós í þéttbýli  

En fyrst að svona er komið og ekki er væntanleg fjölgun lögreglubíla á ferðinni, þá eiga þessar myndavélar að vera málaðar í mjög áberandi litum svo ekki verði um villst að þarna séu hraðamyndavélar ! 

 

Hraðamyndavélar í gagnið

Athugasemdir

[Gunnar (IP-tala skráð) 24.7.2007 kl. 10:49]

Nei.... ekki gular.... þá sjást þær, eins og þú segir tilgangurinn er ekki að leiðbeina eða til forvarnar heldur að ná sér niður á náungangum með því að bregða honum aftan frá.

[Davíð (IP-tala skráð) 24.7.2007 kl. 11:53]

En er ekki alveg eins betra að ökumenn viti ekki hvar þær eru, en viti samt að þeir geti átt von á að verða myndaðir hvar sem er? Það sem mun gerast núna er að ökumenn sem aka oft þarna um vita hvar vélin er og keyra á löglegum hraða þangað til þeir eru komnir framhjá henni, og gefa svo í. Ég hefði talið betra ef þannig væri búið um þær að hægt sé að færa þær til á auðveldan hátt svo menn geti lækkað hraðan bara þar sem þeir vita að vélarnar eru.

[Gísli Bergsveinn Ívarsson, 24.7.2007 kl. 13:13]

Sammála því að mála þær í áberandi lit

[Haraldur Haraldsson, 24.7.2007 kl. 14:54]

Sammála þessu með synilega lögreglu,það er malið stóra ,það eitt nær niður hraðanum/Svo á að vera skriðstylliri öllum bilum/Halli gamli