Aðgerðin heppnaðist vel - takk fyrir öllsömul

Heil og sæl öllsömul,

Fyrst af öllu vil ég þakka allar þær athugasemdir og pósta sem ég hef fengið við blogginu mínu varðandi systur mína.  Ég hef komið öllum þeim kveðjum sem ég hef fengið til hennar og hefur það verið henni ómældur stuðningur.  Hreint út sagt var hún alveg gáttuð á því hve margir vildu hugsa vel til sín þrátt fyrir að þekkja hana lítið eða jafnvel ekki neitt.   Hún bað mig um að setja mynd af sér hér svo hún gæti sýnt öllum að hún væri öll að hressast og gæti brosað til ykkar.  Að sjálfssögðu hlýðir maður litlu systur sinni í einu og öllu og set ég því myndina hér inn

Af henni er helst að frétta að aðgerðin tókst vonum framar að sögn læknanna, að sögn þeirra minnti aðgerðin einna helst á söngin "höfuð-herðar-kné og tær" þar sem þeir þurftu að framkvæma aðgerð á höfði, hálsi og maga.   Aðgerðin hefur tekið töluvert á hana, hún er þreytt og þróttlítil en núna er þetta allt saman uppá við og mátturinn og styrkurinn eykst með degi hverjum og hún verður án efa farin að hlaupa um allt og skipa svolítið fyrir í vikulok.

Enn og aftur takk fyrir góðar og hlýjar kveðjur öllsömul.

Athugasemdir

[Inga Lára Helgadóttir, 23.4.2007 kl. 00:00]

Gott að vita Óttarr, ég vildi ekki skrifa neitt í pistilinn á undan, en þið komuð fram í bæn minni í dag . 

[Eiður Ragnarsson, 23.4.2007 kl. 00:02]

Baráttukveðjur að austan....

[Heimir Lárusson Fjeldsted, 23.4.2007 kl. 00:08]

Frábært.

[Sigrún Jóna (IP-tala skráð) 23.4.2007 kl. 11:33]

Kveðja til Sólveigar. Hugsa til hennar áfram, og til ykkar allra. gott að eiga svona góðan stóra bróður

[Jórunn Sigurbergsdóttir , 23.4.2007 kl. 22:38]

Mikið brosir hðun fallega. Það er svo gott að heyra að aðgerðin heppnaðist vel. Ég óska henni alls góðs og bið að heilsa.

[Halldór Sigurðsson, 23.4.2007 kl. 22:58]

Yndislegt að heyra góðu fréttirnar.
Og það sést á brosi hennar ,að allt mun ganga vel.
Óskir um góðan bata ,og gott er að eiga góðan bróðir.

[Pétur Ragnar Sveinsson (IP-tala skráð) 25.4.2007 kl. 16:46]

Kærar kveðjur frá okkur á Stokkseyri

Gangi Sólveigu sem allra best, við hugsum

fallega til hennar og ykkar allra