Amoy nautakjötsuppskrift

Fékk ábendingu um að það vantaði nautakjötsuppskrift á síðuna hjá mér

vegna síðustu bloggfærslu

 

Uppskrift fyrir tvo til þrjá:

450 gr. nautakjöt,

1 krukka Amoy Satay sósa 2 msk.

Amoy sojasósa (ljós eða dökk)

1 hvítlauksrif, smátt saxað

2 skallottulaukar eða 1 lítill laukur, smátt saxaður

1 msk. kóríander duft

1 msk. sítrónusafi eða vínedik

1 msk. sykur

Skerið kjötið í 2-3 cm bita. Hrærið saman öllu öðru í uppskriftinni. Hellið yfir kjötið og marinerið í a.m.k. 1 klst. Þræðið kjötbitana upp á pinna. Penslið hvern Satay pinna með dálítilli olíu og grillið í ca. 10 mín. við 200°C eða þar til þeir eru tilbúnir. Gott er að snúa pinnunum oft til að ná jafnri steikingu. Berið fram heitt eða kalt með Satay sósu. Hægt er að nota bita af hvaða kjöti sem er, svína-, kjúklinga-, nauta- eða lambakjöti. Satay er margbreytilegt - hægt er að hafa það sem forrétt með drykk, sem nasl, eða sem létta máltíð borna fram með salati og hrísgrjónum.

 

Þessi uppskrift er í boði

Athugasemdir

[Óttarr Makuch, 28.3.2007 kl. 23:31]

Ég myndi mæla með Marques De Casa Concha Cabernet Sauvignon sem er eðalvín frá Chile.  Einn sopi af þessu eðalvíni fyllir þig af konunglegri lottningu sem mun vara allt kvöldið.  Vínið er Höfugt, með ferskum ávaxta og djúpum kryddkeim.  Fæst að sjálfssögðu í einokunarverlsun ríkisins (ÁTVR).

[Sigríður Jósefsdóttir, 29.3.2007 kl. 10:40]

Hvar fæst þessi satay sósa?

[Óttarr Makuch, 29.3.2007 kl. 10:42]

Hún ætti að fást til að mynda í Fjarðakaup, Hagkaup eða Sparverslun í Kópavogi.