Icelandair - Íslendingar skipta okkur ekki máli

Einkennileg afstaða Icelandair þ.e Guðjóns Arngrímssonar, það var ekki krafa íslenskra neytenda og umræðurnar hér á landi síðustu vikur sem breyttu fyrirkomulaginu hjá Icelandair heldur umræður erlendis.  Skítt með íslenska markaðinn það er erlendi markaðurinn sem skiptir máli að mati Guðjóns.

Ég segi það eða öllu heldur fullyrði það - Icelandair væri EKKERT án íslendinga og því hlítur að skipta höfðumáli kæri Guðjón hvað íslendingum finnst!

Ég geri mér grein fyrir samkeppninni erlendis frá en ég skil líka að British Airways er að fljúga til og frá landinu sem og Iceland Express!

en Guðjón takk fyrir að hlusta á útlendingana.

Gjöld innifalin hjá Icelandair

Athugasemdir

[Úlfar B Aspar (IP-tala skráð) 28.2.2007 kl. 08:14]

Heyr heyr.

Mikið rétt hverjir sköpuðu flugleiðir og hverjum þjóna þeir.

Virðingafyllst Úlfar B Aspar

[Jón Sigurgeirsson , 28.2.2007 kl. 21:26]

Er ekki sama hvaðan gott kemur. Frekar ætti að skattyrðast við þá sem ekki breyta, hvorki að kröfu okkar eða annrra.

[Einar (IP-tala skráð) 28.2.2007 kl. 22:41]

Heyr Heyr Jón Sigurgeirsson.

Menn eiga ekki að vera eins þröngsýnir og þetta blogg gefur dæmi um.  Annars verð ég að segja eftir lestur nokkurra færslna hér að þessi loggari þarf verulega að fara að skoða afstöðu sína til ýmissa málefna.  En ekki ætla ég að agnúast yfir skoðunum annarra, þar sem allir hafa rétt á sínum eigin.

Einar Lee

[Óttarr Makuch, 1.3.2007 kl. 00:37]

Já sem betur fer búum við í landi þar sem ritskoðun er bönnuð og skoðanafrelsi er algjört.  Við erum svo heppinn að geta opinberað skoðanir okkar á líðandi stundu hvort sem öðrum líkar það betur eða verr.  Auðvitað skal þó aðgát höfð í nærveru sálar eins og einhverstaðar er skrifað.

Það er rétt hjá þér Jón, það ber að lofa það sem vel er gert og vil ég taka virkan þátt í því, því segi ég

Icelandair, lengi lifi, húrra - húrra - húrra

En það sem ég er að benda á er að umræður um þessi gjöld hafa verið í umræðunni á Íslandi síðustu vikur ef ekki mánuði.  Guðjón er nýbúinn að vera í Kastljósi þar sem hann benti á að hendur þeirra Icelandair manna og kvenna væru algjörlega bundnar og þeir gætu bara ekkert gert.  En svo er farið að ræða þetta á erlendri grundu og þá allt í einu skiptir þetta höfuðmáli og breytingum hrundið í framkvæmd strax. 

En enn og aftur þá vil ég þakka Icelandair fyrir alltsaman enda hef ég notið góðs þeirra oft og mörgum sinnum og án efa held því áfram.