Steingrímur "Netlögga"

Ágæti Steingrímur,

Hvert ertu eiginlega að fara með þessari hugmynd þinni um "netlöggu" hvað verður næst "símalögga", "heimilislögga" og/eða "vinnulögga"  Þetta er hugmynd sem var ógeðfeld árið 1950 og er ekki minna ógeðfeld 2007.  Ég velti því fyrir mér hvert þessi flokkur er eiginlega að fara.  Hvar er friðhelgi einkalífsins að þeirra mati?  Líklegast á það ekki heima í nútíma þjóðfélagi VG.  Hvað er það sem hann ætlar sér með þessari nýju netlögreglu, á þetta að vera öflug deild vaskra lögregluþjóna  sem skoðar allan inn/út póst og heimasíðuheimsóknir allra tölvunotenda á Íslandi?  Þessi hugmynd er hreint út sagt hneyksli og grófleg árás á friðhelgi einkalífsins með hugmyndum Steingríms um ritstjórnarstefnu fyrir alla landsmenn. 

 

Steingrímur J. Sigfússon hjá Agli Helgasini í Silfrinu.

Vísir, 25. feb. 2007 16:29

Steingrímur J. vill netlöggu

Steingrímur J. Sigfússon, formaður Vinstri grænna, vill setja á fót netlöggu, til þess að hindra aðgang að klámi og annarri óáran, á netinu. Steingrímur lét þessi orð falli í Silfri Egils á Stöð 2 í dag. Það var verið að ræða um klámráðstefnuna sem ekki fékk inni á Íslandi, og Egill spurði Steingrím hvort hann vildi þá ekki ganga lengra og skera upp herör gegn öllu klámi.

Steingrímur kvað já við. Hann sagðist vilja stofna netlögreglu sem meðal annars og einkum ætti að koma í veg fyrir klámdreifingu á netinu. Steingrímur kvaðst einnig vera á móti nektar og súlustöðum, og ef hann fengi að ráða myndi hann reyna að koma þeim úr landi.

Athugasemdir

[Halldór Borgþórsson, 25.2.2007 kl. 22:16]

Er þetta ekki svipað kerfi og var í Rússlandi  fyrir nokkrum árum.  Skrítið hvað þetta virðist heilla Steingrím.  En mér fynnst ótrúlega  mikill feminiskurblær yfir þessu öllu.  Engu líkara en kvennalistinn sé endurvakinn undir nýu nafni ( VG)

[Maron Bergmann Jónasson, 25.2.2007 kl. 22:17]

Eg sá einmitt þennan Silfur Egils þátt og mér rann kalt vatn milli skinns og hörunds við að hlusta á Steingrím tala um stefnumál VG sem meðal annars virðast ganga út á að hafa hér eitt allsherjar "stóra bróður" ríki þar sem fylgst er með einstaklingum jafnt sem fyrirtækjum. 

 Ég hélt að einu ríkin í veröldinni sem hafa "netlöggur" á sínum snærum væru Kína og nokkur önnur ríki með sambærilega stjórnskipan. 

Steingrímur vill væntanlega hafa þetta eins hér.

[Ólafur fannberg, 25.2.2007 kl. 22:26]

netlöggu nei takk

[Óttarr Makuch, 25.2.2007 kl. 23:03]

Ég velti því fyrir mér hvort VG gæti ekki tekið þátt farið í útrás og boðið fram bæði í Kína og Rússlandi, þar væru þessar "ritskoðunarstefnur" vel þegnar af stjórnvöldum. 

[Egill Rúnar Sigurðsson, 26.2.2007 kl. 00:20]

Fáránleg hugmynd!  Steingrímur ætti að vita betur.