Hverfisráð og bílastæðavandamál.

Vegna þeirrar umræðu sem hefur verið um bílastæðavanda Fjölbrautaskólans í Breiðholti og sundlaugarinnar þá var málið tekið fyrir í Hverfisráði Breiðholts, eftirfarandi bókun var samþykkt

"Hverfisráð Breiðholts óskar eftir að Framkvæmdasvið Reykjavíkurborgar kanni möguleikan á fjölgun bílastæða á sameiginlegu bílastæði Fjölbrautaskóla í Breiðholti og Sundlaugarinnar í Breiðholti.  Jafnframt bendir Hverfisráð Breiðholts á að almenningssamgöngur eru með miklum ágætum til og frá skólanum."

Með þessari bókun er málið komið í farveg hjá Framkvæmdasviði Reykjavíkurborgar sem mun koma með tillögur að úrbótum vegna svæðisins.

Ég bendi ykkur á blogg Guðmundar Jónssonar vegna málsins á sem hægt er að skoða með því að smella hér.

Athugasemdir

[Jórunn Sigurbergsdóttir , 21.2.2007 kl. 00:06]

Eru þetta myndir sem þú tókst eða tók Guðmundur bloggvinur þær?

Otti gott mál . Gaman ef þetta getur lagast. Auðvitað er þetta bara svona á meðan skólinn starfar. J 

[Óttarr Makuch, 21.2.2007 kl. 00:11]

Þetta eru myndirnar hans Guðmundar Jóns.

[Sigríður Jósefsdóttir, 21.2.2007 kl. 00:26]

Hmm, ég ætti kannski að bjóða þér í heimsókn til mín?  Að vísu ertu í göngufæri, en ástandið í Marteinslauginni er þannig að það þarf ekki nema eitt lítið barnaafmæli til, að setja bílastæðamál við blokkina í uppnám.  (Og þá á ég við, að það eru engin aukastæði).

[Óttarr Makuch, 21.2.2007 kl. 20:33]

Ég hef reyndar aldrei verið duglegur að gefa loforð, en hinsvegar mun ég fylgja þessu máli eftir sem og öllum öðrum málum sem ég tek að mér.  Það er hinsvegar alveg ljóst að það þarf að finna góða lausn á þessu máli .