Skattur, skattur og aftur skattur - hvað með öryggið?

Hvað er að hjá háttvirtum umhverfisráðherra?  Á að refsa mér og öðrum sem viljum vera á nagladekkjum vegna ferða okkar um landið þegar veturkonungur ræður ríkjum?  Er þetta rétta leiðin?  Nei það held ég ekki, þar sem nagladekkinn hafa virkað hvað best í hálku á þjóðvegum landsins!  Ég kalla eftir betur ígrunduðum hugmyndum háttvirtur ráðherra!?

 

Skattur lagður á nagladekk?

Umhverfisráðuneytið og Akureyrarbær boðuðu til blaðamannafundar á Akureyri í dag þar sem kynnt var ný skýrsla um svifryksmengun á Íslandi og leiðir til úrbóta. Þar kom fram að svifryksmengun horfir í að verða alvarlegt vandamál og boðar umhverfisráðherra aðgerðir sem byggðar eru á tillögu starfshóps. Þar verður þeim sem aka um á nagladekkjum refsað með því að greiða hærri tolla en þeir sem nota ónegld dekk.

Á Akureyri fer svifryksmengun oftar á ári yfir heilsuverndarmörk en í Reykjavík en breytilegir þættir eins og veður og umferð skipta miklu. Sérstakt hrós fékk þó Akureyrarbær fyrir að hafa um áramótin felltniður gjaldtöku í strætó en auknar almenningssamöngur vega þungt í að halda menguninni niðri

Tillögur starfshópsins til úrbóta ganga út á tilmæli fremur en boð og bönn en að óbreyttu bitnar ástandið mjög á komandi kynslóðum.

Athugasemdir

[Karl Ólafsson, 1.2.2007 kl. 22:42]

Persónulega er ég hlynntur því að stuðlað sé að aukinni notkun ónegldra dekkja, en það sem er dálítið leitt að sjá í þessu máli eins og svo mörgum áður að neyslustýringin er útfærð með því að hækka álögur á þá hluti sem reyna á að draga úr notkun á, en sjaldan eða aldrei dettur þessu blessaða fólki í hug að lækka álögur á þá hluti sem hvetja á til notkunar á.

[Haraldur Haraldsson, 1.2.2007 kl. 23:31]

Eg er buin að að keyra i 55 ár meira og mynna og aldrei notað naggladekk,Eg mæli með að banna þau öllum sem ekki þurfa þess örggisins veggna þetta er oftat falst öryyggi,Góð vetrardekk eða harnkorna er yfirleit best!!!!