Kirkjan sem átti að SPRENGJA

Héðan frá Köln er allt gott að frétta, það er fallegt veður úti en frekar svalt.  Fór út að borða og hafði það gott enda kannski æskilegt að hvíla sig aðeins áður en átök morgundagsins byrja þegar ISM opnar og maður hefst handa við að ganga hverja sýningarhöllina á fætur annari í leyt af góðum vörum sem hentað gætu fyrirtækinu nú svo að hitta þá sem við erum nú þegar í viðskiptum við.  Alltaf gaman að hitta fólk! 

Það er óhætt að segja að Köln sé ein af þeim borgum sem allir ættu að heimsækja a.m.k. einu sinni um ævina, hér er fallegt um að litast og byggingarstíllinn sérstæður og þar fer fremst í flokki hin eina sanna Dómkirkja í Köln, ákaflega falleg bygging bæði að utan sem að innan.  Stóð reyndar til í stríðinu að sprengja hana, en sem betur fer þá "óhlíðnaðist" flugmaðurinn skipun yfirmanna og lét sprengjuna falla rétt til hliðar við kirkjuna, hann hefur án efa farið upp en ekki niður fyrir það

Athugasemdir

[Jórunn Sigurbergsdóttir , 28.1.2007 kl. 12:32]

Ég hef verið þrisvar sinnum í Köln en í stuttan tíma í senn þar sem Berlin er mín borg og ég yfirleitt á ferð á milli en mér finnst allat eins og ég eigi heima í Köln.

[Jórunn Sigurbergsdóttir , 28.1.2007 kl. 12:33]

Nei annars ég hef verið oftar en svona er nú minnið.

[Birna M, 28.1.2007 kl. 13:27]

Mig langar til Köln, dvölin hefur greinilega verið betri en ferðin þangað

[Heimir Lárusson Fjeldsted, 28.1.2007 kl. 14:00]

Það vekur alltaf grunsemdir hjá mér Óttarr þegar menn í skotferð á erlenda grund hringja heim og segjast hafa verið að skoða kirkjur;)

En þegar þeir blogga sömu upplýsingum fyrir alþjóð, ja þá er ég viss.............:)

[Óttarr Makuch, 28.1.2007 kl. 17:49]