Vel giftur og Mjólkursamsalan (MS)

Ég hef aldrei efast um að ég sé vel giftur og sé ríkur maður þegar litið er til fjölskyldunnar.  En miðað við gömlu "kerlinga" bækurnar, þá hlýt ég að vera sérstaklega vel giftur eða þá að Mjólkursamsalan (MS) er að fíflast með mig og aðra viðskiptavini sína, nú nema það sé bara hvoru tveggja

Eftir að hafa skráð inn á heimasíðu Mjólkursamsölunnar fullt af lukkunúmerum eða u.þ.b. 20 lukkunúmerum í Grill-leik með sýrðum rjóma og 3 lukkunúmerum í Kókómjólkur leik samsölunnar þá hefur það komið í ljós að ég fékk engan vinning - ekki einu sinni penna eða glasamottu svona í sárabætur.  Ég fékk akkúrat ekkert.... ég bara spyr hvert er eiginlega vinningshlutfalið í þessum leikjum samsölunnar.... það er sjálfssagt líklegra að verða fyrir bjórflutningabíl í Mjóafirði en að fá vinning hjá Mjólkursamsölu Reykjavíkur.... kannski þetta fari bara að minna ískyggilega á happatappaleik Coca Cola sem Vífilfell bauð uppá á sínum tíma.... hum!

 

Gáta dagsins - Miðvikudagur

Jæja gott fólk, hér kemur gáta dagsins

 Tvo fætur hef ég, en aðeins þegar ég hvíli mig snerta þeir grund.   Hver er ég??

Gáta dagsins

Hér kemur gáta dagsins,

Smiður smíðar hlut,

sá sem kaupir hann notar hann ekki,

sá sem notar hann veit ekki af því..

Hver er hluturinn ???