Messan í boði Plaza Mexcio

 

Jæja þá er maður kominn heim úr messu dagsins.  Fór í alþjóðlega messu í Fella- og Hólakirkju þar sem sóknarprestur Fellasóknar Svavar Stefánsson messaði ásamt presti nýbúa Sr.  Toshiki Toma þeir nutu svo aðstoðar djákna kirkjunnar hennar Ragnhildi Ásgeirsdóttur.  Eftir að messunni lauk var boðið uppá rammíslenska kjötsúpu í safnaðarheimilinu en einna merkilegast þótti mér sú nýstefna sem kirkjan tók þe að vera með atvinnu og vörukynningu í sínum húsum.  Á meðan gestirnir gæddu sér á súpu dagsins þá spilaði tríoið D.N.A tvö lög því næst komu eigendur verslunarinnar Plaza Mexico og kynntu verslun sína og þjónustu, ásamt því að gefa gestum sýnishorn af vörum til þess að taka með sér heim.  Það eina sem Svarar prestur gleymdi að tilkynna var að messan væri í boði Plaza Mexico

Þetta var skemmtileg samverustund með fjölskyldu, vinum og kunningjum.

Fréttablaðið hættir blaðaútgáfu á sunnudögum...

... allavega virðist það vera svo hér í Grafarholtinu, við höfum ekki fengið eintak af sunnudagsblaði Fréttablaðsins í þrjár vikur.  Það virðist vera orðið ljóst að Fréttablaðið hefur hætt blaðaútgáfu á sunnudagsfréttablaðinu eða er það ekki svo?  Er einhver sem fær þetta blað  eða tíma þeir ekki að keyra blaðinu alla leið upp í Grafarholt?

Frábært hjá tryggingarfélaginu

Er þetta nokkuð annað en sjálfssagt mál þe að tryggingarfélag geti fellt tryggingu úr gildi ef um er að ræða drukkinn ökumann sem veldur slysi?  Reyndar er það yfirleitt svo að tryggingarfélögin greiða bætur og skaða þriðja aðilla en eiga svo endurkröfurétt á tryggingarhafann.  Þetta á að vera jafn sjálfssagt og sú staðreynd að eftir einn ei aki neinn!

 

Fær ekki greidda kaskótryggingu vegna ölvunar ökumanns

Sálfræðigreining takk

Hvað í ósköpunum fær fólk til þess að gera þessa vitleysu mér er nú bara spurn!?  Ég hallast eiginlega að því að það þyrfti að senda þetta fólk í einhverskonar sálfræðigreiningu  

Flottir!

Frábært hjá lögreglunni.  Það er kominn tími til að taka ærlega á bæði þeim hópi sem kallaðir eru handrukkarar og einnig sölumönnum dauðans sem herferð lögreglunnar um helgina gekk út á að heimsækja.

FRÁBÆRT !

Ruðst inn á harðsvíraða handrukkara

Íslendingarnir sem eru í raun kínverskir túristar!

Ég hef áður sagt frá fjölskyldumeðlim úr myndatökufíkla fjölskyldu landsins.  Nú er kominn tími til þess að segja frá ættarstoltinu, höfuðpaurnum og aðal myndatökumanninum, já það er rétt ég er að taka um Pétur Snæland betur þekktan sem Peps.  Hann er með heimasíðu með mikið af myndum, hann hefur þó tileinkað síðunni sinni sérstaklega myndum af flugvélum þar sem hann er mikill áhugamaður um þær.

Endilega smellið á myndina hér fyrir neðan til þess að komast á síðuna hans.

Kapaflíngflíng - klikkar ekki

Jæja þá kemur sú síðasta í röðinni, þetta eru hreint út sagt snilldar auglýsingar hjá Kapaflíng flíng banka (Kaupþing).  Það mættu fleirri fyrirtæki taka þá sér til fyrirmyndar og gera skemmtilegar auglýsingar.

Allir þorpsbúar stöðvaðir

Það er engu líkara en lögreglan á Seyðisfirði hafi farið á námskeið hjá starfssystkynum sínum á Höfuðbogarsvæðinu nú eða á Blöndósi.  Það er spurning hvort það sé orðið markmið þeirra að stoppa alla þorpsbúa fyrir helgi

Sex teknir fyrir hraðakstur á Seyðisfirði

Vaseline - ótrúlegt

Alveg hreint ótrúlegt!  Ég sem hélt að Vaseline væri fitugur áburður sem enginn keypti nema þá einna helst einhverjir .......  En svo komst ég að því að þeir bjóða uppá alveg rosalega flotta línu af alskonar áburði svo ekki sé nú talað um varasalvan sjálfann. 

ó takk

Ég get nú ekki sagt annað en "ó takk" við Orkuveituna þegar maður les tilkynninguna frá þeim vegna lekans í vesturbænum.  Þar segja þeir orðrétt

"Verði ábyrgð á tjóninu rakin til Orkuveitu Reykjavíkur mun fyrirtækið vitaskuld bæta það"

Er það ekki sjálfgefið að ef tjónið er þeirra þá eiga þeir að greiða tjónskostnaðinn!  Er ekki óþarfi að slá sig til riddara með því að segja það sem er sjálfssagt!

 

OR harmar það tjón sem varð eftir að högg kom á raforkukerfið