Staðgreitt skal það vera

Öryggisráðið hefur samið um að þú færð 5% staðgreiðsluafslátt.  Nei svona að öllu gríni slepptu þá hefði mátt skoða þetta mál aðeins betur.  En að öllu gríni slepptu þá held ég að þetta sé frekar dauft mál, svo ekki sé nú meira sagt.  En ég hefði tekið þetta lengri ef ég væri þær og kært VISA international - af hverju að eltast við litlu "vonabe" risann Visa á Íslandi.

Femínistafélagið kærir Vísa-klám

Enn um Siðmennt

"Ég fagna því ef Siðmennt vill nú styðja kristinfræðikennslu og trúarbragðafræðslu í skólum eins og fram kemur í opna bréfi félagsins til mín. Það er sannarlega gleðilegt ef Siðmennt vill taka þannig höndum saman við Þjóðkirkjuna."

Hér að ofan er texti sem Biskup Íslands skrifaði í opnu bréfi til Siðmenntar þann 7 desember s.l.  Margir hefðu túlkað þessi orð sem útrétta sáttarhönd kirkjunnar til Siðmenntar.  Því hryggir mig nýútkomið opið bréf Siðmenntar til Biskups í dag.

Þar kemur fram svo ekki verði um villst að stjórn Siðmenntar virðist ekki vilja komast að friðsamlegri niðurstöðu miðað við niðurlag bréfsins, en þar segir

"Siðmennt hefur áhyggjur af ófriði um skólastarf og vill leggja sitt af mörkum til þess að friður náist um það. Friður kemst ekki á nema skólar verði lausir undan ágangi trúboðs".

Hvað fellst annars í þessari setningu annað en þau einföldu skilaboð, við sættum okkur ekki við neitt annað en okkar sjónarmið, eða hvað?

En hvers vegna getur ekki náðst friður í grunnskólastarfi landsins nema ef allir sættu sig við stefnu Siðmenntar?

Ég trúi því ekki að fólk geti ekki fundið lausn á þessu máli á friðsamlegan hátt án þess að vera senda opin bréf fram og til baka því það er deginum ljósara að sátt næst ekki í þessum málum á blaðsíðum dagblaðanna.

Væri til dæmis ekki hægt að fá samþykki foreldra eða forráðamanna barna líkt og gert er í leik- og grunnskólum fyrir myndatökum og vettvangsferðum.  Þar gæfist þeim hópi fólks sem ekki vill að barn sitt taki þátt í trúarlegum athöfnum s.s. heimsóknum í kirkjur, litun á trúarbragðamyndum ofl. kostur á því að segja nei við beiðninni og barnið færi þá t.d á aðra staði þegar farið væri í kirkjur og fengi aðrar myndir þegar verið væri að lita.  Ef presturinn hverfisins kæmi svo í heimsókn þá væri barninu einfaldlega boðið að kíkja við á bókasafni skólans þar sem það gæti dundað sér við lestur nú eða aðra iðju á meðan heimsókninni stæði.

Sama á við þegar helgileikurinn er æfður eða leikinn í skólanum, þá fengi barni einfaldlega önnur verkefni, af nógu er af taka og mörg eru tækifærin.

Ég vil hinsvegar fagna þeim upplýsingum sem ég hef nú fengið frá Siðmennt að það hafi aldrei staðið til af þeirra hálfu að taka út páska- eða jólaföndur eða almenna trúarbragðafræðslu.  Því eitt það mikilvægasta í uppeldi barns er öflug trúarbragaðafræðsla og þar mætti alveg skoða þann möguleika að prestur tækju að sér almenna kristinfræðslu, munkur tæki að sér Búddafræðin, heimspekingar gætu tekið það fag osfrv. Hugnanlega væri hægt að hafa sérstakan trúarfræðslumánuð í skólum þar sem yngri bekkingum væri kynnt öll trúarbrögð lítilsháttar en eldri bekkingum boðið uppá námskeið í öllum helstu trúar eða rökhugsunarfræðum.  Gæti þetta verið lausn sem flestir gætu sætt sig við?  Það vita það allir að það mun aldrei koma lausn fram sem allir verða sáttir við í einu og öllu.  Verð ég því að lýsa yfir óánægju minni með niðurlag bréfs Siðmenntar

 "Siðmennt hefur áhyggjur af ófriði um skólastarf og vill leggja sitt af mörkum til þess að friður náist um það. Friður kemst ekki á nema skólar verði lausir undan ágangi trúboðs".

Það er kannski rétt að setja það einnig hér fram að ég er ekki hlynntur aðskilnaði ríkis og kirkju og tel þetta samband vera bundið órjúfanlegum tengslum í sögu- og menningu landsins.  Þrátt fyrir að önnur lönd hafi kosið að slíta í sundur ríki og kirkju þá er ekki þar með sagt að við eigum að gera það líka.  Þvert á móti eigum við að sýna stöðuleika og staðfestu með öflugu starfi kirkjunnar og menntastofnanna landsins.

Siðmennt svarar biskup

Kom, sá og sigraði

Við fórum nokkru saman á tónleikana í dag og það er ekki hægt að segja annað en að Björgvin og gestirnir hans hafi sungið jólaskapið í gestina.  

Öll umgjörð tónleikanna var eins og best verður á kosið, sviðið flott og söngurinn magnaður og ekki má gleyma því þegar það fór að snjóa á sviðinu skemmtilegir effectar það.

Reyndar var heimkoman ekki síður góð, þar biðu nýbakaðar smákökur, þar sem frúin og telpurnar á heimilinu höfðu tekið sig til og bakað á meðan við hin fórum á tónleikanna.  Allt kvöldið fór svo auðvitað í það að smakka kökurnar og athuga hvort það væri ekki í lagi með þær allar

Björgvin í jólaskapi

Boðið á enda

Það skemmtilega við öll boð eru fólkið sem í þeim eru.  Í kvöld vorum við með 15 manna veislu sem heppnaðist ljómandi vel. 

Buðum gestunum uppá

Forréttur - Grafið lambafille með rauðvíns edik sósu og rifsberjum

Aðalréttur - Svínalundir sem fylltar voru með sólþurrkuðum tómötum, olivum, fetaosti og sveppum ásamt tilheyrandi meðlæti s.s. osta piparsósu, soðnu grænmeti, eplasalatinu hennar tengdamömmu ofl.

Eftirréttur - Fljúgandi dreki, súkkulaði og vanillu ís.  Fljúgandi dreki er heitur réttur sem inniheldur drekaávöxt, mangó, banana, róló og snickers.

Farið var vítt og breytt í spjallinu, alveg frá trúmálum yfir í trúleysingjamál, bílum yfir í báta, nágrönnum yfir í vini og vinstri grænum yfir í sjálfstæðisflokkinn.  Það er því hægt að segja að farið hafi verið um víðan völl í umræðunum það er einmitt það sem gerir svona boð svo skemmtileg því þar eiga öll sjónarmið rétt á sér þó svo allir séu ekki endilega alveg sammála.

 

Nokkrar góðar af netinu

Ég fann nokkrar skemmtilegar myndir á netinu.  Þrælgóð sjónarhorn sem gefa skemmtilega mynd.

Are you talking to me.........?

 

Þetta er alveg að takast..... spyrna aðeins meira og.......

 

Sterkur inverskur matur er kannski ekki alveg málið......... hehe

Haha heyrðu þarna númer 10 .....

Þegar kveikt er á spádómskerti er vert að fagna

Í tilefni dagsins og að nú sé búið að kveikja á fyrsta kerti, spádómskertinu, sem prýðir aðventukransinn þá hefur við efnt til aðventuboðs með fjölskyldunni í kvöld.

Svona til gamans þá set ég inn mynd af forréttinum sem hefur verið í "vinnslu" síðustu þrjá sólahringa.  Nú er bara spurning hvað þetta er

En það verða tveir aðrir réttir á boðstólnum, aðal- og eftirréttur.  Í aðalrétt er bundið kjötmeti og í eftirrétt er styrkur til bænda.  Það ætti því enginn að fara svangur frá borðum.

Þættinum hefur borist bréf - Satt og logið um stefnu Siðmenntar

Í dag fékk ég sendingu frá vinkonu minni sem er síður en svo ánægð með skrif mín um Siðmennt.  Reyndar sá ég að Sigurður Hólm hafði skrifað þetta í athugasemdir hjá mér en ég tel rétt að setja þetta hér inn svo aðrir hafi tækifæri á því að sjá þetta (vonandi er Sigurði sama).

Satt og logið um stefnu Siðmenntar

Ég hef ákveðið að taka saman á einn stað flestar (en ekki allar) þær greinar sem ég hef skrifað vegna rangfærslna um Siðmennt. Satt að segja er ég orðin þreyttur á að hrekja sömu rangfærslurnar ofan í oft sama fólkið aftur og aftur. Ég hvet lesendur því að lesa þessar greinar fyrst og gagnrýna svo stefnu Siðmenntar. Það fer ótrúlega mikill tími í að svara fyrir stefnu sem Siðmennt hefur alls ekki.

 

1) Siðmennt er EKKI á móti litlu jólum eða kristinfræðslu

2) Topp tíu ranghugmyndir um Siðmennt, trúleysi og húmanisma

3) Siðmennt, gullna reglan og trúfrelsi

4) Siðmennt og lögin um guðlast

5) Gífuryrði og rangfærslur um Siðmennt

6) Biskup fer rangt með stefnu Siðmenntar
Þetta er frá 2005 Biskup fer ENN rangt með stefnu Siðmenntar. Augljóslega gegn betri vitund.

7) Siðmennt styður “fræðslu” um kristni í skólum

8) Vegna rangfærslna um Siðmennt

9) Fjölmiðlaumfjöllun um trúboð í skólum dregin saman

10) Á meirihlutinn aðeins að njóta mannréttinda?

p.s.
Stefán Einar flutti predikun á Hátíðarsamkomu stúdenta á fullveldisdegi sem flutt var á Rás 1 í dag. Þar fór hann með margar rangfærslur um Siðmennt. Það er því ekki úr vegi að ég vísi hér í rökræðu sem ég átti við hann fyrir nokkrum árum. Hann hefur áður farið með rangt mál um Siðmennt:

11) Mótmælandi Íslands

 

Sigurður Hólm Gunnarsson

Flottir

Flott framtak hjá lögreglunni, ekki veitir af að sýna gott aðhald gagnavart ökumönnum sem eru undir áhrifum áfengis- og/eða eiturlyfja.

Ég myndi gjarnan vilja sjá svona átak í gangi allt árið um kring, það myndi kannski fækka þeim sem aka undir áhrifum.

Umferðarátak gekk vel

Bein skýrskotun í klámmynd

Já það er ekkert annað, ríkisútvarpið farið að vitna beint í klámiðnaðinn.  Eða allavega myndu "smáralindar" femínistarnir Sóley og vinkona hennar orða það svo ef þær hefðu séð Útsvar þáttinn sem sýndur var fyrr í kvöld. 

Því þar var einn gestanna berfættur, það var reyndar sá gestur sem hljóp fyrir hafnfirska liðið í átt að bjöllunni þegar á þurfti að halda.  En að öllu gríni slepptu hlýtur það að vera undantekning þegar menn sjást berfættir í spurningarþætti hvort heldur sem er í RÚV eða á öðum sjónvarpsstöðvum - kannski nýjasta tíska og það sem koma skal, hver veit

 

Hræsni Siðmenntar

Nú veit ég að margt af því fólki sem vinnur fyrir Siðmennt er sómafólk og þess vegna skil ég ekki þessa hræsni hjá Siðmennt.

Það er ótrúlegt að fylgjast með starfi félagsins.  Þau vilja halda því sem þeim þau græða á með einum eða öðrum hætti en sleppa öllu öðru.

Tökum dæmi

Siðmennt er með borgaralegar fermingar sem gefur félagsmönnum þeirra kost á því að fermast í staðinn fyrir að fermast í kirkjum landsins.  Hver er ástæðan fyrir því að Siðmennt sem er félag siðrænna húmanista á Íslandi er að bjóða upp á fermingar

samkvæmt þjóðkirkjunni er ferming (tekið af kirkjan.is)

"Ferming er athöfn þar sem fermingarþeginn staðfestir skírn sína. Fermingin er tilkomin vegna skírnarinnar. Ef engin væri skírnin væri fermingin þar með ekki til. Orðið „ferming“ er dregið af latneska orðinu „confirmatio,“ sem merkir m.a. „staðfesting.“ Hugsunin að baki er sú, að þegar barnið hefur fengið aldur til geti það staðfest loforð foreldranna frá skírnarstundu þess, að ala það upp í kristinni trú. Fermingarbarnið fær tækifæri til að játast Kristi og leitast við að hafa hann að leiðtoga lífs síns".

Hver er ástæðan fyrir því að fólk sem ekki er kristið vill fermast?  Hvað er verið að staðfesta - væntanlega þarf ekki að staðfesta borgaralega nafnagjöf?

Jóla- og páskafrí

Siðmennt vill halda því inni þar þrátt fyrir að trúa ekki á gildi hvorki jóla- né páska, hver er þá ástæðan fyrir því að Siðmennt vill halda þessu inni?

En aftur á móti vill Siðmennt að

Kristnifræði, aðventuleikur, aðventustund, jólaföndur, páskaföndur ofl fari úr grunnskólum landsins.

Eftir því sem ég kemst næst þá get ég einfaldlega ekki kallað þetta annað í hræsni.  Af hverju hræsni - jú vegna þess að fólk sem vill halda í hluta pakkans en henda öðru sem ekki hentar þeim.

Af hverju er þetta fólk ekki einfaldlega samkvæmt sjálfum sér og segir að allt sem snertir kristna trú skulu fara út og þar með talið þær "borgaralegu" athafnir sem það býður sjálft uppá.

 

Ráðherra segir Siðmennt misskilja